Wednesday, December 11, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଯୁବକ ଓ ଛାତ୍ରଛାତ୍ରୀଙ୍କୁ ବଣ୍ଟାଯିବ ମାଗଣା ଏକ ଲକ୍ଷ ୬୦ ହଜାର ସ୍ମାର୍ଟ ଫୋନ୍‌

ଚଣ୍ଡୀଗଡ ୦୩।୧୨ – ପଞ୍ଜାବ ସରକାର ଯୁବକମାନଙ୍କୁ ଏକ ଲକ୍ଷ ୬୦ ହଜାର ସ୍ମାର୍ଟ ଫୋନ୍‌ ବାଣ୍ଟିବା ପାଇଁ ନିଷ୍ପତ୍ତି ନେଇଛନ୍ତି । ଆସନ୍ତା ସାଧାରଣତନ୍ତ୍ର ଦିବସରୁ ସ୍ମାର୍ଟ ଫୋନ୍‌ ବଣ୍ଟାଯିବାର କାର୍ଯ୍ୟକ୍ରମ ରହିଛି । କଂଗ୍ରେସ ନିର୍ବାଚନ ସମୟରେ ଯୁବକମାନଙ୍କୁ ସ୍ମାର୍ଟଫୋନ୍‌ ଦେବ ବୋଲି ଘୋଷଣା କରିଥିଲା । ପ୍ରଥମ କରି ଏକାଦଶ ଓ ଦ୍ୱାଦଶ ଶ୍ରେଣୀ ଛାତ୍ରୀମାନଙ୍କୁ ଏହି ସ୍ମାର୍ଟଫୋନ୍‌ ଦିଆଯିବ ।


ପଞ୍ଜାବ ମୁଖ୍ୟମନ୍ତ୍ରୀ ଅମିରିନ୍ଦର ସିଂ ଏ ବିଷୟରେ ଘୋଷଣା କରିଛନ୍ତି । ଯେଉଁମାନଙ୍କର ସ୍ମାର୍ଟଫୋନ୍‌ ନାହିଁ ସେମାନଙ୍କୁ ପ୍ରାଥମିକତା ଦିଆଯିବ । ପ୍ରଥମ ପର୍ଯ୍ୟାୟରେ ୧.୬ ଲକ୍ଷ ସ୍ମାର୍ଟଫୋନ୍‌ ବଣ୍ଟାଯିବାର କାର୍ଯ୍ୟକ୍ରମ ରହିଛି ।

ଏହା ଛାତ୍ରଛାତ୍ରୀଙ୍କୁ ପାଠ ପଢାରେ ସହାୟକ ହେବ ବୋଲି ପଞ୍ଜାବର ମୁଖ୍ୟମନ୍ତ୍ରୀ କହିଛନ୍ତି । ଡିଜିଟାଲ୍‌ ଟେକନୋଲଜିର ଚାହିଦା ବୃଦ୍ଧି ପାଉଥିବାରୁ ଲୋକଙ୍କର ସ୍ମାର୍ଟଫୋନ୍‌ ନିହାତି ଆବଶ୍ୟକ ବୋଲି ସେ କହିଛନ୍ତି ।

ମାତ୍ର ବିରୋଧୀ ଦଳର ନେତା ଏହାକୁ ନିନ୍ଦା କରିଛନ୍ତି । କଂଗ୍ରେସ ନିର୍ବାଚନ ସମୟରେ ଦିଆଯାଇଥିବା ଅନ୍ୟ ପ୍ରତିଶ୍ରୁତି ପୂରଣ କରୁନାହିଁ ବୋଲି ବିରୋଧୀ ଦଳ ପକ୍ଷରୁ ଅଭିଯୋଗ କରାଯାଇଛି ।

530 Views

   ସମ୍ବନ୍ଧିତ ଖବର