Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

ନିର୍ବାଚନ ସମୟରେ ଗଣମାଧ୍ୟମର ଭୂମିକା: ପେଡ୍ ନ୍ୟୁଜ୍ ସୃଷ୍ଟି କରିପାରେ ବିପଦ

30/10/2018 at 6:08 PM

ଭୁବନେଶ୍ବର ୩୦|୧୦: ନିର୍ବାଚନ ସମୟରେ ଗଣମାଧ୍ୟମର ଭୂମିକା ବେଶ୍‌ ଗୁରୁତ୍ବପୂର୍ଣ୍ଣ ।  ଏହି ସମୟରେ କୌଣସି ଦଳ କିମ୍ବା ନେତାଙ୍କ ଦ୍ବାରା ପ୍ରଭାବିତ ନହୋଇ ବରଂ ସାଧାରଣ ଲୋକଙ୍କୁ ଭୋଟଦାନ ସମ୍ପର୍କରେ ତଥା ସଠିକ୍‌ ପ୍ରାର୍ଥୀଙ୍କୁ ଚୟନ ପାଇଁ ସଚେତନ କରାଇବାରେ ଗଣମାଧ୍ୟମର ଅଗ୍ରଣୀ ଭୂମିକା ଗ୍ରହଣ କରିବା ଦରକାର । ଆଜି ଭୁବନେଶ୍ବରରେ ଓଡ଼ିଶା ଇଲେକ୍ସନ ଓ୍ବାଚ୍‌ ପକ୍ଷରୁ ଆୟୋଜିତ ଫ୍ରିଫେୟାର ଇଲେକ୍ସନ ଏବଂ ଫୋରଥ ଇଷ୍ଟେଟ୍‌ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଯେଉଁଥିରେ ରାଜ୍ୟର ଅନେକ ବରିଷ୍ଠ ସାମ୍ବାଦିକ ସେମାନଙ୍କ ମତ ରଖିଥିଲେ ।….

ବଦଳିଛି ସମୟ । ସମୟ ସହ ତାଳଦେଇ ବଦଳିଛି ନିର୍ବାଚନର ଢ଼ାଞ୍ଚା । ୟା’ ଭିତରେ ଗଣମାଧ୍ୟମର ସ୍ବାଧୀନତାକୁ ନେଇ ବି ଉଠିଛି ପ୍ରଶ୍ନ । କିଛି ଶକ୍ତିଶାଳୀ ଗୋଷ୍ଠୀ, ଦଳ କିମ୍ବା ନେତା ଗଣମାଧ୍ୟକୁ ନିଜ ଇଚ୍ଛା ମୁତାବକ ବ୍ୟବହାର କରୁଛନ୍ତି । ଯେଉଁଠି ଗଣମାଧ୍ୟମ ସାଧାରଣ ଲୋକଙ୍କ ସ୍ବର ହୋଇ କାମ କରିବା କଥା ସେଠି କିଛି ମୁଷ୍ଟିମେୟଙ୍କ ହାତବାରିଶି ହୋଇଛି । ଏସବୁ କଥା ନଜରରେ ରଖି ଆଗାମୀ ନିର୍ବାଚନରେ ଗଣମାଧ୍ୟମର ଭୂମିକା କ’ଣ ହେବା ଦରକାର ସେ ସମ୍ପର୍କରେ ଆଲୋଚନା ପାଇଁ ଓଡ଼ିଶା ଇଲେକ୍ସନ ଓ୍ବାଚ୍‌ ପକ୍ଷରୁ ଅନୁଷ୍ଠିତ ହୋଇଯାଇଛି ଏକ ଆଲୋଚନା ଚକ୍ର । ଯେଉଁଥିରେ ରାଜ୍ୟର ଅନେକ ବଛା ବଛା ସାମ୍ବାଦିକ ଯୋଗ ଦେଇ ନିଜର ମତାମତ ରଖିଛନ୍ତି ।

ଫ୍ରି ଆଣ୍ଡ ଫେୟାର ଇଲେକ୍ସସନ । ଆଉ ଫୋର୍‌ଥ ଇଷ୍ଟେଟ୍‌ । ଏହି ଆଲୋଚନାରେ ମୁଖ୍ୟତଃ ଏ ଦୁଇଟି ପ୍ରସଙ୍ଗ ଉପରେ ଗୁରୁତ୍ବ ଦିଆଯାଇଥିଲା । ନିର୍ବାଚନ ସମୟରେ ପେଡ୍‌ ନ୍ୟୁଜ୍‌ ପଛରେ ନପଡ଼ି ବରଂ ମୁକ୍ତ ସାମ୍ବାଦିକତା ପାଇଁ ସମସ୍ତେ ଆଗଭର ହେବା ଦରକାର । ଦେଶ ତଥା ରାଜ୍ୟକୁ ଦୁର୍ନୀତି ଓ ଭ୍ରଷ୍ଟାଚାର ମୁକ୍ତ କରିବା ସହ ଫ୍ରି ଫେୟାର ଇଲେକ୍ସନ ଦିଗରେ ଗଣମାଧ୍ୟମର ଭୂମିକା ଅତ୍ୟନ୍ତ ଗୁରୁତ୍ବପୂର୍ଣ୍ଣ ।

କୌଣସି ଖବରକୁ ଅତି ରଞ୍ଜିତ ନକରି ସାଧାରଣ ଲୋକଙ୍କ  ପାଖରେ ସଠିକ୍‌ ତଥ୍ୟ ପହଞ୍ଚାଇବା ଦିଗରେ ଗଣମାଧ୍ୟମ ଗୁରୁତ୍ବ ଦେବାର ଆବଶ୍ୟକତା ରହିଛି ।

   Related Posts