Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ବହୁରୂପୀ ବାବା : ଦିନରେ ପ୍ରବଚନ, ରାତିରେ ରାସଲୀଳା

14/08/2020 at 5:07 PM

ଭୋପାଳ, ୧୪|୦୮ : ଆସ୍ଥା ନାମରେ ଲୋକଙ୍କ ବିଶ୍ୱାସ ସହ ଖେଳ । ଧର୍ମ ନାଁରେ ଲୋକଙ୍କୁ ଠକୁଥିବା ଜଣେ ଭଣ୍ଡ ବାବାଙ୍ଗୁ ଗିରଫ କରାଯାଇଛି । ମଧ୍ୟପ୍ରଦେଶର ନରସିଂହପୁରରୁ ଏହି ଭଣ୍ଡ ବାବାଙ୍କୁ ଗିରଫ କରାଯାଇଛି । ଏହି ବାବାଙ୍କ କାରନାମା ଅତି ଜଘନ୍ୟ । ଏପରିକି ତାଙ୍କର ଏକ ସେକ୍ସ ସ୍କାଣ୍ଡାଲ ମଧ୍ୟ ସାମ୍ନାକୁ ଆସିଛି । ଏହି ଭଣ୍ଡ ବାବା ହେଲେ ବାବା ଧର୍ମଦେବ ଓରଫ ଧର୍ମେନ୍ଦ୍ର ଦୁବେ ।

ପଞ୍ଜାବ କେଶରୀର ରିପୋର୍ଟ ଅନୁସାରେ, ଧର୍ମେନ୍ଦ୍ର ନିଜକୁ ହନୁମାନଙ୍କ ଅବତାର ବୋଲି କହୁଥିଲେ । ନିକଟରେ ଗଞ୍ଜେଇ ଚୋରା ଚାଲାଣ ଅଭିଯୋଗରେ ତାଙ୍କୁ ପୋଲିସ ଗିରଫ କରିଥିଲା । ଏହା ତାଙ୍କର କାରନାମା ଥିଲା ବୋଲି ଜଣା ପଡିଥିଲା । ପୋଲିସ ଯେତେବେଳେ ଧର୍ମେନ୍ଦ୍ରଙ୍କ ମୋବାଇଲ ଯାଞ୍ଚ କରିଥିଲା ଅନେକ ସଙ୍ଗୀନ ତଥ୍ୟ ଲାଗିଥିଲା । ଧର୍ମେନ୍ଦ୍ରଙ୍କ ଫୋନରେ ଏକାଧିକ ଅଶ୍ଲୀଳ ଭିଡିଓ ଥିଲା । ସେ ନିଜ ଆଶ୍ରମରେ ଅନେକ ମହିଳାଙ୍କ ସହ ଶାରୀରିକ ସମ୍ପର୍କ ରଖି ଏହାର ଭିଡିଓ କରିଥିଲେ । ପ୍ରତି ମଙ୍ଗଳବାର ଓ ଶନିବାର ସେ ନିଜ ଦରବାର ସଜାଇବା ବାହାନାରେ ମହିଳାଙ୍କୁ ଆଶ୍ରମକୁ ଡାକୁଥିଲା । ସେ ବଶୀକରଣ ବିଦ୍ୟାରେ ପାରଙ୍ଗମ ବୋଲି ମଧ୍ୟ କୁହାଯାଉଛି ।

ଧର୍ମେନ୍ଦ୍ରଙ୍କ ନାଁରେ ଆହୁରି ଅଭିଯୋଗ ହୋଇଛି ଯେ, ସେ ଅନେକ ପୁରୁଷଙ୍କୁ ନିଜ ପତ୍ନୀଙ୍କୁ ବଶୀକରଣ କରିବାକୁ ତାବିଜ ପ୍ରଦାନ କରୁଥିଲେ । ପରିବାର ଓ ନିଜ ବୈବାହିକ ଜୀବନରେ ଅଶାନ୍ତିରେ ଥିବା ମହିଳା ପ୍ରତି ମଙ୍ଗଳବାର ଧର୍ମେନ୍ଦ୍ରଙ୍କ ଆଶ୍ରମକୁ ଯାଉଥିଲେ । ଏହି ଦିନ ମହିଳାଙ୍କୁ ଏକ ପ୍ରକାର ପ୍ରସାଦ ପ୍ରଦାନ କରାଯାଉଥିଲା । ଏପରିକି ସେ ମହିଳାଙ୍କୁ ସମ୍ମୋହନ କରି ନିଜେ ଶାରୀରିକ ସମ୍ପର୍କ ରଖିବା ସହ ମୋବାଇଲରେ ଭିଡିଓ ଉତ୍ତୋଳନ କରୁଥିଲା । ଏପରିକି ଟି ସାର୍ଟ ଓ ଜିନ୍ସ ପିନ୍ଧି ରାସଲୀଳା ମଧ୍ୟ କରୁଥିଲା ।

ଗଞ୍ଜେଇ ଚୋରାଚାଲାଣ ରାକେଟରେ ଗିରଫ ହେବା ପରେ ହିଁ ଧର୍ମେନ୍ଦ୍ରଙ୍କ ଏହି କଳା କାରନାମା ସାମ୍ନାକୁ ଆସିଥିଲା । ସେ ଏକାଧିକ ମହିଳାଙ୍କୁ ଦୁଷ୍କର୍ମ କରିଥିବା ପ୍ରମାଣ ପୋଲିସ ହାତରେ ଲାଗିଛି ।

   Related Posts