ଭଦ୍ରକ ୩୦|୮: ଭଦ୍ରକ ଜିଲ୍ଲାରେ ମୋଟ ୮୧ହଜାର ୨ଶହ ୬୩ଜଣ ନିର୍ମାଣ ଶ୍ରମିକ କାର୍ଡ଼ ପାଇଛନ୍ତି । ସେଥିମଧ୍ୟରୁ ୧୫ହଜାର ୭୫ଜଣ ହେଉଛନ୍ତି ମହିଳା । ଏବେ ବି ଅନେକ ନିର୍ମାଣ ଶ୍ରମିକ କାର୍ଡ଼ ପାଇବାରୁ ବଞ୍ଚିତ ହୋଇଥିବା ବେଳେ ଅନେକ ଅଯୋଗ୍ୟ ଚଞ୍ଚକତା କରି କାର୍ଡ଼ ହାତେଇଥିବା ଅଭିଯୋଗ ହେଉଛି । ଯାହାର ଉପଯୁକ୍ତ ତଦନ୍ତ ହେଲେ ପ୍ରକୃତ ତଥ୍ୟ ସାମ୍ନାକୁ ଆସିପାରନ୍ତା ।
{"id":151002}ଏମାନେ ସମସ୍ତେ ହେଉଛନ୍ତି ଭଦ୍ରକ ଜିଲ୍ଲାର ନିର୍ମାଣ ଶ୍ରମିକ । ହେଲେ ଏମାନଙ୍କୁ ସରକାରୀ ଯୋଜନାରେ ମିଳିନି ନିର୍ମାଣ ଶ୍ରମିକ କାର୍ଡ଼ । ଜିଲ୍ଲାରେ ନିର୍ମାଣ ଶ୍ରମିକ କାର୍ଡ଼ ପାଇଥିବା ୮୧ହଜାର ଶ୍ରମିକଙ୍କ ଭିତରେ ଏମାନଙ୍କ ନାଁ ନାହିଁ । ସେମାନଙ୍କ ଅଭିଯୋଗ ଯେଉଁମାନେ ନିର୍ମାଣ ଶ୍ରମିକ ଭାବେ କାମ କରୁଛନ୍ତି ତାଙ୍କୁ କାର୍ଡ଼ ମିଳୁନି, ହେଲେ କିଛି ଅଯୋଗ୍ୟ ଚଞ୍ଚକତା କରି କାର୍ଡ଼ ହାତେଇ ନେଇଛନ୍ତି ।
{"id":151003}କୃଷକଙ୍କ ପାଇଁ ହୋଇଥିବା କାଳିଆ ଯୋଜନା, ଏବଂ ଗରିବ ଗୁରୁବାଙ୍କ ପାଇଁ ହୋଇଥିବା ରାସନ କାର୍ଡ଼ ଯୋଜନା ଭଳି ଭଦ୍ରକ ଜିଲ୍ଲାରେ ନିର୍ମାଣ ଶ୍ରମିକ ଯୋଜନାରେ ମଧ୍ୟ ଅନେକ ଅଯୋଗ୍ୟ ହିତାଧିକାରୀ କାର୍ଡ଼ ହାତେଇଥିବା ଅଭିଯୋଗ ହେଉଛି । ଏସବୁକୁ ଯାଂଚ କରାଗଲେ ପ୍ରକୃତ ତଥ୍ୟ ସାମ୍ନାକୁ ଆସିପାରନ୍ତା ବୋଲି ଅନେକ ଅନୁଭବ କରୁଛନ୍ତି ।
{"id":151004}ଜିଲ୍ଲାରେ ନିର୍ମାଣ ଶ୍ରମିକଙ୍କ ପାଇଁ ହୋଇଥିବା ଯୋଜନାରେ ଶ୍ରମିକମାନଙ୍କୁ ଏପର୍ଯ୍ୟନ୍ତ ମୋଟ ୨୭କୋଟି ୭୮ଲକ୍ଷ ଟଙ୍କା ଖର୍ଚ୍ଚ କରାଯାଇଛି । ହେଲେ ଏହି ଟଙ୍କା ପ୍ରକୃତ ନିର୍ମାଣ ଶ୍ରମିକଙ୍କ ଖାତାକୁ ଯାଇଛି ନା’ କେହି ଅଯୋଗ୍ୟ ମଧ୍ୟ ଏହାର ଫାଇଦା ଉଠାଇଛନ୍ତି ତାକୁ ନେଇ ସାଧାରଣରେ ସଂଦେହ ରହିଛି ।