ଅହମ୍ମଦାବାଦ ୦୫/୦୩ : ମୋଟେରାର ନରେନ୍ଦ୍ର ମୋଦି କ୍ରିକେଟ୍ ଷ୍ଟାଡିୟମରେ ଜାରି ରହିଥିବା ଚତୁର୍ଥ ତଥା ଅନ୍ତିମ ଟେଷ୍ଟ ମ୍ୟାଚ୍ର ଦ୍ବିତୀୟ ଦିନରେ ଦମଦାର ଶତକ ହାସଲ କରିଛନ୍ତି ଋଷଭ ପନ୍ତ । ଏହା ସହିତ ନିଜ କ୍ୟାରିୟରର ତୃତୀୟ ଟେଷ୍ଟ ଶତକ ହାସଲ କରିଛନ୍ତି ପନ୍ତ । ଜୋ ରୁଟ୍ଙ୍କ ବଲରେ ଏକ ବିଶାଳ ଛକା ମାରି ଟେଷ୍ଟ କ୍ୟାରିୟରର ତୃତୀୟ ଶତକ ହାସଲ କରିଛନ୍ତି ଏହି ଯୁବ କ୍ରିକେଟର । ଋଷଭ ପନ୍ତ ମୋଟ ୧୦୧ ରନ୍ କରି ଆଉଟ ହୋଇଛନ୍ତି । କିନ୍ତୁ ଦ୍ବିତୀୟ ଦିନ ଖେଳ ଜାରି ରହିଥିବା ବେଳେ ମଜବୁତ ସ୍ଥିତିରେ ଅଛି ଟିମ୍ ଇଣ୍ଡିଆ ।
wp:embed {"url":"https://twitter.com/BCCI/status/1367787593912348672","type":"rich","providerNameSlug":"twitter","responsive":true,"className":""} /wp:embedପ୍ରଥମ ଇନିଂସରେ ଭ୍ରମଣକାରୀ ଇଂଲଣ୍ଡ ମାତ୍ର ୨୦୫ ରନ୍ରେ ଚିତପଟାଙ୍ଗ ମାରିଥିଲା । ଭାରତର ସ୍କୋର ୨୫୯ ଥିବା ବେଳେ ୭ମ ଓ୍ବିକେଟ୍ ହରାଇଛି ଦଳ । ପନ୍ତଙ୍କ ଚମତ୍କାର ଶତକୀୟ ଇନିଂସ ବଳରେ ମଜବୁତ ସ୍ଥିତିରେ ପହଞ୍ଚିପାରିଛି ଘରୋଇ ଭାରତ । ଅନ୍ୟ ପଟେ ଓ୍ବାଶିଂଟନ ସୁନ୍ଦର, ପନ୍ତଙ୍କୁ ଭରପୁର ସହଯୋଗ କରିଥିଲେ । ସୁନ୍ଦର ମଧ୍ୟ ନିଜର ଅର୍ଦ୍ଧଶତକ ହାସଲ କରିବା ସହିତ ୯୭ ବଲ ଖେଳି ୫୧ ରନ୍ କରି ବ୍ୟାଟିଂ ଜାରି ରଖିଛନ୍ତି ।