Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁର୍କୀରେ ବଡ ଧରଣର ଭୂକମ୍ପ ପରେ ସୁନାମି: ପ୍ରକୃତି ରଚିଲା ତାଣ୍ଡବଲୀଳା, ୬ ମୃତ, ୨୦୦ରୁ ଉର୍ଦ୍ଧ୍ଵ ଆହତ
  • ||
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||

୪ ବର୍ଷର ଶିଶୁ ଠେଲି ଠେଲି ନେଲା ଜେଜେଙ୍କ ଷ୍ଟ୍ରେଚର, ଟଙ୍କା ନଦେବାରୁ ସରକାରୀ ଡାକ୍ତରଖାନାରେ ଏଭଳି ଦୃଶ୍ୟ, ଭିଡିଓ ଭାଇରାଲ୍

20/07/2020 at 12:53 PM

ଲକ୍ଷ୍ନୌ ୨୦।୭: କରୋନା ସଙ୍କଟ ମଧ୍ୟରେ ଉତ୍ତରପ୍ରଦେଶର ଦେଓରିଆ ଜିଲ୍ଲାର ଏକ ଡାକ୍ତରଖାନାର ଏକ ଭିଡିଓ ଭାଇରାଲ୍ ହୋଇଛି । ଯେଉଁଥିରେ ଜଣେ ନିରୀହ ଶିଶୁ ତାର ମା’ ସହିତ ଷ୍ଟ୍ରେଚରକୁ ଟାଣି ଟାଣି ନେଉଥିବାର ନଜରକୁ ଆସିଛି। ମା’ କହିଛନ୍ତି ଯେ କର୍ମଚାରୀମାନେ ଷ୍ଟ୍ରେଚର ଟାଣିବା ପାଇଁ ଟଙ୍କା ମାଗନ୍ତି, ତେଣୁ ଆମେ ନିଜେ ଏହାକୁ ଟାଣି ଟାଣି ନେଉଛୁ । ଏହି ଭାଇରାଲ୍ ଭିଡିଓ ୧୮ ଜୁଲାଇର ।

ସୋସିଆଲ ମିଡିଆରେ ଭାଇରାଲ୍ ଭିଡିଓର ଯେତେବେଳେ ଯାଞ୍ଚ କରାଯାଇଥିଲା ତାହା ସତ ବୋଲି  ପ୍ରମାଣିତ ହୋଇଥିଲା । ଏହି ଭିଡିଓରେ ଜଣେ ବୃଦ୍ଧ ଯାହାଙ୍କର ହାତ ଏବଂ ଗୋଡ ଭାଙ୍ଗିଯାଇଛି ଏବଂ ସେ ଜୁଲାଇ ୩ରୁ ଜିଲ୍ଲା ଡାକ୍ତରଖାନାର ମେଲ୍ ସର୍ଜିକାଲ ୱାର୍ଡରେ ଭର୍ତ୍ତି ହୋଇଠନ୍ତି । ତାଙ୍କୁ ଡ୍ରେସିଂ ପାଇଁ ନେବାବେଳେ ଏହି ଭିଡିଓଟି ଉତ୍ତୋଳନ କରାଯାଇଛି । ଏହି ଭିଡିଓରେ ଜଣେ ନିରୀହ ଶିଶୁ ତାଙ୍କ ଜେଜେବାପାଙ୍କୁ ଷ୍ଟ୍ରେଚର ଉପରେ ଠେଲି ଠେଲି ନେଉଥିବାର ଦେଖିବାକୁ ମିଳିଛି । ତାଙ୍କ ମା’ ମଧ୍ୟ ଷ୍ଟ୍ରେଚର ଟାଣି ଟାଣି ନେଉଛନ୍ତି ।

ଷ୍ଟ୍ରେଚର ଟାଣୁଥିବା ମହିଳା ଜଣଙ୍କ ଏକ ଗଣମାଧ୍ୟମକୁ କହିଥିଲେ ଯେ, ତାଙ୍କ ନାମ ବିନ୍ଦୁ ଯାଦବ ଏବଂ ତାଙ୍କ ପୁଅଙ୍କ ନାଁ ଶିବମ୍ । ତାଙ୍କ ବୟସ ଚାରି ବର୍ଷ । ବିନ୍ଦୁଙ୍କ ବୃଦ୍ଧ ବାପା ଚେଡି ଯାଦବ, ଯିଏ ବାରହା ପୋଲିସ ଷ୍ଟେସନର ଗୌରା ଗ୍ରାମରୁ ଆସିଛନ୍ତି । ତାଙ୍କ ବୟସ ୬୦ ବର୍ଷ । ଜୁଲାଇ ୩ରେ ସେ ଗାଈ ଚରାଇବାକୁ ଯାଇଥିବାବେଳେ କିଛି ଲୋକ ତାଙ୍କୁ ମାଡ ମାରିବା ପରେ ତାଙ୍କ ହାତ ଓ ଗୋଡ ଭାଯାଇଥିଲା । ଜୁଲାଇ ୩ ତାରିଖରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

ବିନ୍ଦୁ ଅଭିଯୋଗ କରିଛନ୍ତି ଯେ, ୱାର୍ଡରୁ ଡ୍ରେସିଂ ପାଇବା ପାଇଁ ତାଙ୍କୁ ପ୍ରତିଦିନ ତାଙ୍କ ବାପାଙ୍କୁ ଡ୍ରେସିଂ ରୁମକୁ ନେବାକୁ ପଡେ । କିନ୍ତୁ କୌଣସି କର୍ମଚାରୀ ତାଙ୍କୁ ନେବାକୁ ପ୍ରସ୍ତୁତ ନୁହଁନ୍ତି । ପ୍ରଥମେ ସେ ଆଧାର କାର୍ଡ ଦାଖଲ କରନ୍ତି, ତାପରେ ସେ ଏକ ଷ୍ଟ୍ରେଚର ନେଇ ବାପାଙ୍କୁ ଡ୍ରେସିଂ କରାନ୍ତି ।

ଡ୍ରେସିଂ କରିବା ପରେ ସେ ଷ୍ଟ୍ରେଚରକୁ ଜମା ଦେଇଥାନ୍ତି । ସେ ଅଭିଯୋଗ କରିଛନ୍ତି ଯେ କର୍ମଚାରୀମାନେ ଷ୍ଟ୍ରେଚର ଟାଣିବା ପାଇଁ ୩୦ ଟଙ୍କା ମାଗନ୍ତି । ଆମେ ଗରିବ, ଆମ ପାଖରେ ଟଙ୍କା ନାହିଁ । ତେଣୁ ଆମେ ଷ୍ଟ୍ରେଚରକୁ ଟାଣୁ ଏବଂ ମୋ ପୁଅ ମଧ୍ୟ ଷ୍ଟ୍ରେଚରକୁ ଠେଲିଦିଏ ।

ବିନ୍ଦୁ କହିଛନ୍ତି ଯେ ଯେତେବେଳେ ଷ୍ଟ୍ରେଚରକୁ ଟାଣୁଥିବା ଧାଇ ଆସିଥାନ୍ତି, ସେ ଟଙ୍କା ମାଗନ୍ତି କିନ୍ତୁ ଆମେ ଦେଇପାରୁନାହୁଁ । ତେଣୁ ମୁଁ ଏବଂ ମୋ ପିଲା ଷ୍ଟ୍ରେଚରକୁ ଟାଣି ନେଇଥାଉ । ଆମ ଦୁଃଖ ଶୁଣିବାକୁ କେହି ନାହାଁନ୍ତି । ଆମେ ଗରିବ, କାହାକୁ ଅଭିଯୋଗ କରିବା ଉଚିତ୍ ନୁହେଁ ।

   Related Posts