ରାଉରକେଲା ୧୦।୬: ରାଉରକେଲା ବନ୍ଧମୁଣ୍ଡା ଥାନା ପୋଲିସ ୪ ଜଣ ଆରପିଏଫଙ୍କୁ ଗିରଫ କରିଛି । ରେଳବାଇ ବିଭାଗର ଜଣେ ଅଧିକାରୀ ସିନିଅର ଡିଇଇ / ଟିଆରଏସ ପ୍ରବୀନ ମୀନାଙ୍କୁ ମାଡ଼ ମାରିବା ସହ ରେଳବାଇ ଏଆରଏମଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ନେଇ ବନ୍ଧମୁଣ୍ଡା ଥାନାରେ ଅଭିଯୋଗ ହୋଇଥିଲା ।

ଗତ ୨୯ ତାରିଖ ଦିନ ପ୍ରବୀନ ମୀନା ରେଳବାଇ କ୍ଲବ୍ ନିକଟକୁ ନିଜ ପାୱାର ବ୍ୟାଙ୍କ ଆଣିବାକୁ ଯାଇଥିବା ବେଳେ କୌଣସି କାରଣକୁ ନେଇ ରେଳବାଇର ୪ ଜଣ ଆରପିଏଫଙ୍କ ସହ ବଚସା ହୋଇଥିଲା । ତେବେ ମୀନାଙ୍କୁ ୪ ଜଣ ମିଶି ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ମାଡ଼ ମାରିଥିଲେ ।

ଏହାପରେ ଏଆରଏମ ମଧ୍ୟ ସେଠାରେ ପହଞ୍ଚିଲା ପରେ ତାଙ୍କୁ ମଧ୍ୟ ଗାଳି ଗୁଲଜ କରିଥିଲେ । ଯାହାକୁ ନେଇ ମୀନା ବନ୍ଧମୁଣ୍ଡା ଥାନାରେ  ଲିଖିତ ଅଭିଯୋଗ କରିଥିଲେ ।