ବେଲୁଚିସ୍ତାନ ୨୨।୦୪: ବେଲୁଚିସ୍ତାନର ରାଜଧାନୀ କ୍ୱେଟାରେ ଜୋରଦାର ବିସ୍ଫୋରଣ । ଏକ ହୋଟେଲର ପାର୍କିରେ ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ୪ଜଣଙ୍କ ମୃତ୍ୟୁ ହୋଇଥିବା ବେଳେ ୧୩ଜଣ ଗୁରୁତର ହୋଇଛନ୍ତି । ସମସ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି ।
ବେଲୁଚିସ୍ତାନର ରାଜଧାନୀ କ୍ୱେଟ୍ର ଏକ ହୋଟେଲ୍ ଚିନ୍ ରାଜଦୁତ ନିଜର ପ୍ରତିନିଧିମଣ୍ଡଳ ସହିତ ରହିଥିଲେ । ଠିକ୍ ଏହି ସମୟରେ ହୋଟେଲ୍ର ପାର୍କିଂରେ ଗୋଟିଏ ପରେ ଗୋଟିଏ ବିସ୍ଫୋରଣ ହୋଇଥିଲା । ବିସ୍ଫୋରଣରେ ୪ଜଣଙ୍କ ମୃତ୍ୟୁ ହୋଇଥିବା ବେଳେ ୧୨ଜଣ ଗୁରୁତର ହୋଇଛନ୍ତି । ଏହି ବିସ୍ଫୋରଣ ସମୟରେ ଚୀନ୍ ରାଜଦୁତ ହୋଟେଲ ବାହାରେ ରହିଥିଲେ । ଯାହାକି ଏକ ବଡ଼ଧରଣର ଅଘଟଣରୁ ବର୍ତ୍ତିଯାଇଛନ୍ତି ।
ସେପଟେ ବିସ୍ଫୋରଣ ନେଇ ପୋଲିସ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଦେଇଛି । ପୋଲିସ ଅନୁଯାୟୀ, ଏକ କାର୍ରେ ଆଇଡି ଖଞ୍ଜା ହୋଇଥିଲା । ଯାହାକି ପାର୍କିରେ ରଖାଯାଇଥିଲା । ବୁଧବାର ରାତି ପ୍ରାୟ ୧୦ ଟା ୩୦ରେ ଗୋଟିଏ ପରେ ଗୋଟିଏ ବିସ୍ଫୋରଣ ହୋଇଛି । ଘଟଣାର ଯାଞ୍ଚ ପାଇଁ ହୋଟେଲ ପରିସରକୁ ବନ୍ଦ କରାଯାଇଛି ।
