Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ଡାକ୍ତରଖାନାରୁ ନିରାଶ ପରିବାର କରାଇଲେ ଚେଙ୍କ ଚିକିତ୍ସା, ତଥାପି ବଞ୍ଚିଲାନି ୪ମାସ ଶିଶୁ ପୁତ୍ରର ଜୀବନ

2/04/2021 at 3:38 PM

ନବରଙ୍ଗପୁର ୨।୪: ଶିଶୁ ପୁତ୍ରକୁ ବଞ୍ଚାଇବା ପାଇଁ କଲେ ଚେଙ୍କ ଚିକିତ୍ସା । ହେଲେ ବି ବଞ୍ଚିଲାନି ନିଷ୍ପାପ ଶିଶୁର ଜୀବନ । ୪ ମାସର ଶିଶୁ ପୁତ୍ର ଅସୁସ୍ଥ ହେବା ପରେ ପ୍ରଥମେ ତେନ୍ତୁଳିଖୁଣ୍ଟି ଓ ପରେ ନବରଙ୍ଗପୁର ଡାକ୍ତରଖାନାରେ ଚିକିତ୍ସା କରାଇଲେ, ତଥାପି ଶିଶୁ ପୁତ୍ରର ସ୍ବାସ୍ଥ୍ୟରେ ସୁଧାର ନହେବାରୁ ପରିବାର ଲୋକ ବାଧ୍ୟ ହୋଇ ଶିଶୁର ପେଟରେ ଚେଙ୍କ ଦେଲେ । ହେଲେ ବଞ୍ଚିଲାନି ନିଷ୍ପାପ ଶିଶୁର ଜୀବନ। ଏଭଳି ଘଟଣା ଘଟିଛି ତେନ୍ତୁଳିଖୁଣ୍ଟି ବ୍ଲକ୍ ଲକିଗୁଡା ଗାଁରେ।

ସୂଚନା ଅନୁସାରେ ଲକିଗୁଡା ଗାଁର ତ୍ରିନାଥ ନାୟକ ଓ ଡମୁଣି ନାୟକଙ୍କ ୪ ମାସର ଶିଶୁ ପୁତ୍ରର ଦେହ ଅସୁସ୍ଥ ହୋଇପଡିଥିଲା । ଶିଶୁଟି ଅନବରତ କାନ୍ଦୁଥିଲା । ଫଳରେ ପରିବାର ଲୋକ ପ୍ରଥମେ ନିକଟସ୍ଥ ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପରେ ନବରଙ୍ଗପୁର ମୁଖ୍ୟ ଚିକିତ୍ସାଳୟକୁ ନେଇଥିଲେ । ଜିଲ୍ଲା ମୁଖ୍ୟ ଡାକ୍ତରଖାନାରେ ଥିବା ଶିଶୁ ରୋଗ ବିଶେଷଜ୍ଞ ଔଷଧ ଦେବାପରେ ଶିଶୁର କାନ୍ଦ ବନ୍ଦ ହୋଇଥିଲା । ଶିଶୁଟି ଅରୋଗ୍ୟ ହୋଇଥିଲା। ଏହାର କିଛି ଦିନ ପରେ ଶିଶୁଟି ପୁଣି ଅସୁସ୍ଥ ହୋଇପଡିବାରୁ ପରିବାର ଲୋକେ ନବରଙ୍ଗପୁର ମୁଖ୍ୟ ଡାକ୍ତରଖାନାକୁ ଆଣିଥିଲେ । ଏହିଭଳି ଦୁଇ ମାସରେ ୩ ଥର ଶିଶୁକୁ ଧରି ନବରଙ୍ଗପୁର ମେଡ଼ିକାଲ ଆଣିଥିଲେ ପରିବାର ଲୋକେ।  ଶିଶୁ ପୁତ୍ରର ସ୍ବାସ୍ଥ୍ୟରେ ଉନ୍ନତି ନଆସିବାରୁ ବାଧ୍ୟ ହୋଇ ପରିବାର ଲୋକ ଶିଶୁର ପେଟ ଓ ଛାତିରେ ଚେଙ୍କ ଚିକିତ୍ସା କରିଥିଲେ । ୨୦ରୁ ଉର୍ଦ୍ଧ୍ବ ଥର ଚେଙ୍କ ଦିଆଯାଇଥିଲା । ଶିଶୁକୁ ଚେଙ୍କ ଚିକିତ୍ସା ପରେ ବି ଥରେ ନବରଙ୍ଗପୁର ମୁଖ୍ୟ ଡାକ୍ତରଖାନାକୁ ଅସୁସ୍ଥ ଶିଶୁକୁ ଆଣିଥିଲେ। ଶିଶୁର ସ୍ବାସ୍ଥ୍ୟାବସ୍ଥାରେ ଉନ୍ନତି ଘଟିନଥିଲା ।

ଏହାପରେ ଶିଶୁକୁ ନେଇ ଘରକୁ ଚାଲିଯାଇଥିଲେ ପରିବାର। ଗୁରୁବାର ଶିଶୁର ଅବସ୍ଥା ଗୁରୁତର ହେବାରୁ ତେନ୍ତୁଳିଖୁଣ୍ଟି ମେଡ଼ିକାଲ ନେଇଥିଲେ । ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ ।  ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ୮୧ ପ୍ରକାର ପରୀକ୍ଷାର ବ୍ୟବସ୍ଥା ରହିଥିବା କୁହାଯାଉଥିଲେ ମଧ୍ୟ ଶିଶୁର ରୋଗ ନିରୁପଣ ହୋଇନପାରିବା ଫଳରେ ପରିବାର ଲୋକ ନିରାଶ ହୋଇ ଶେଷରେ ଚେଙ୍କ ଚିକିତ୍ସା କରିଥିଲେ । ହେଲେ ବି ଚାଲିଗଲା ଜୀବନ ଜୀବନ ।  ଶିଶୁକୁ ଚିକିତ୍ସା କରିଥିବା ଡାକ୍ତର ଶିଶୁକୁ ଚେଙ୍କ ଦିଆଯାଇଥିବା କହିଥିଲେ ମଧ୍ୟ ଶିଶୁକୁ ଚେଙ୍କ ଦିଆଯିବା ଘଟଣାକୁ ପରିବାର ପକ୍ଷରୁ ଅସ୍ବୀକାର କରିବା ସହ ଘଟଣାକୁ ଲୁଚାଇବାକୁ ଉଦ୍ୟମ କରାଯାଉଛି ।

   Related Posts