ମାଲକାନଗିରି ୨୯|୫: ମାଲକାନଗିରି ଜିଲ୍ଲା ପୋଲିସକୁ ଏକ ବଡ ସଫଳତା ମିଳିଛି । ଆନ୍ତଃରାଜ୍ୟ ଚୋର ଗ୍ୟାଙ୍ଗର ୪ ଜଣ ସଦସ୍ୟକୁ ପୋଲିସ ଆଜି ଗିରଫ କରିଛି । ସେମାନେ ହେଲେ ଗୁରୁଦାସ ମଜୁମଦାର, ବିଜୟ ମଣ୍ଡଳ, ବରୁଣ ଢାଲି ଓ ବାବୁଲାଲ୍ ମଜୁମଦାର । ମାଲକାନଗିରି ଆଦର୍ଶ ଥାନା ପୋଲିସ ଏମାନଙ୍କ ନିକଟରୁ ୩ଟି ଚୋରା ମୋଟର ସାଇକେଲ ସହ ଗୋଟିଏ ଲାପଟପ୍, ଗୋଟିଏ ଏଲଇଡି ଟିଭି ଓ ୧୨ଟି ମୋବାଇଲ ଫୋନ୍ ଜବତ କରିଛି ।
{"id":117249}ଗତ ଦୁଇ ବର୍ଷ ଧରି ମାଲକାନଗିରି ଜିଲ୍ଲା ସହ ସୀମାନ୍ତ ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ଛତିଶଗଡରେ ଏହି ରାକେଟ୍ ସକ୍ରିୟ ଭାବେ କାର୍ଯ୍ୟ କରୁଥିଲା । ଏମାନଙ୍କ ଗ୍ୟାଙ୍ଗର ଅନ୍ୟ ସଦସ୍ୟ ମାନଙ୍କୁ ମଧ୍ୟ ଖୁବ୍ ଶୀଘ୍ର ଧରାଯିବ ବୋଲି ମାଲକାନଗିରି ଏସଡିପିଓ କହିଛନ୍ତି ।