କାଠମାଣ୍ଡୁ ୩୦।୧: ନେପାଳରେ ପୁଣି ଶ୍ୱାସ ରୁଦ୍ଧ ହୋଇ ଭାରତୀୟ ପରିବାରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ନେପାଳ ସିଦ୍ଧାର୍ଥନଗରରେ ଗୋଟିଏ ପରିବାରର ୪ ଭାରତୀୟ ବସ୍ତା ତଳେ ଚାପି ହେବା ଯୋଗୁ ନିଶ୍ୱାସ ରୁଦ୍ଧହୋଇ ପ୍ରାଣ ହରାଇଛନ୍ତି। ମୃତକଙ୍କ ମଧ୍ୟରେ ୨ ଜଣ ଶିଶୁ ବି ଅଛନ୍ତି। ପାର୍ବତ୍ୟ ଦେଶରେ ଗତ ୧୦ ଦିନରେ ନିଶ୍ୱାସ ରୁଦ୍ଧ ହୋଇ ଲୋକେ ପ୍ରାଣ ହରାଇବାର ଏହା ଦ୍ୱିତୀୟ ଘଟଣା।

{"id":217948,"width":581,"height":374,"sizeSlug":"large"}

ଏହି ଘଟଣା ପଶ୍ଚିମ ନେପାଲ ସିଦ୍ଧାର୍ଥନଗର ନଗର ପାଳିକା ଅନ୍ତର୍ଗତ ଗୋଲାମଣ୍ଡି ପିପରିଆରେ ଘଟିଛି। ନେପାଳ ପୋଲିସ ଅନୁସାରେ ଶେହେଜାଦ ହୁସେନ, ତାଙ୍କ ପତ୍ନୀ ସଦ୍ଦାବ ଖାତୁନ ଓ ସେମାନଙ୍କର ୨ ବର୍ଷର ଝିଅ ଏବଂ ୬ ବର୍ଷର ପୁଅଙ୍କୁ ବସ୍ତା ତଳେ ଦବି ମରିପଡିଥିବା ଗୁରୁବାର ଦେଖାଯାଇଥିଲା। ମୃତକମାନେ ମୂଳ ରୂପରେ ଭାରତର ବିହାର ରାଜ୍ୟ ବାସିନ୍ଦା ବୋଲି ଚିହ୍ନଟ ହୋଇଛନ୍ତି। ଏମାନେ ଗତ ୧୫ ବର୍ଷ ହେଲା ଏଠାରେ ଅବସ୍ଥାନ କରୁଥିଲେ ଓ କବାଡି ବେପାର କରି ପରିବାର ଚଳାଉଥିଲେ। ପ୍ରାରମ୍ଭିକ ରିପୋର୍ଟରୁ ନିଶ୍ୱାସ ରୁଦ୍ଧ ହେବା ଯୋଗୁ ସେମାନଙ୍କର ମୃତ୍ୟୁ ହୋଇଥିବା ପୋଲିସ କହିଛି।

{"id":217949,"sizeSlug":"large"}

ସୂଚନା ଯୋଗ୍ୟଯେ ଗତ ୧୦ ଦିନ ପୂର୍ବେ ଅର୍ଥାତ ଜାନୁୟାରୀ ୨୧ ତାରିଖ ଦିନ ନେପାଳ ମକୱାନପୁର ଜିଲ୍ଲା ଦାମନର ଏକ ରିସୋର୍ଟରେ ଅବସ୍ଥାନ କରୁଥିବା ବେଳେ ୨ଟି ପରିବାରର ୮ ଜଣଙ୍କର ମୃତ୍ୟୁ ହୋଇଥିଲା। ବିଷାକ୍ତ ଗ୍ୟାସ ଲିକ୍ ଯୋଗୁ ସେମାନେ ଶ୍ୱାସ ରୁଦ୍ଧ ହୋଇ ପ୍ରାଣ ହରାଇଥିଲେ। ମୃତକମାନେ କେରଳ କୋଝିକୋଡରୁ ନେପାଲ ଛୁଟି କଟାଇବାକୁ ଯାଇ ଫେରୁଥିବା ବେଳେ ଅଘଟଣର ଶିକାର ହୋଇଥିଲେ।