ଭଦ୍ରକ ୨୬।୧୨: ଅଗ୍ନିକାଣ୍ଡରେ ୪ ବଖରା ଘର ଭସ୍ମୀଭୂତ । ସର୍ବସ୍ବାନ୍ତ  ହୋଇଗଲା ଗୋଟିଏ ପରିବାର। ଭଦ୍ରକ ଜିଲ୍ଲା ପୁରୁଣାଵଜାର ଥାନା ଅଧିନସ୍ଥ ନାଥସାହିରେ ଅଗ୍ନିକାଣ୍ଡ ଘଟିଛି। ନାଥସାହିର ରାଜେନ୍ଦ୍ର ଦାସଙ୍କ ଘରେ ଅଗ୍ନିକାଣ୍ଡ ହୋଇଛି ।  ଖତଗଦାର ଅଳିଆରୁ ନିଆଁ ବାହାରି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି।  ଅଗ୍ନିକାଣ୍ଡରେ ୪ ବଖରା ଘର ସଂପୂର୍ଣ୍ଣ ଜଳିଯିବା  ସହ ଘରର ସମସ୍ତ ଆସବାବପତ୍ର ସହ ଖାଦ୍ୟ ଶସ୍ୟ ଓ ଅନ୍ୟାନ୍ୟ ଆନୁଷଙ୍ଗିକ ଜିନିଷ ପୋଡି ପାଉଁଶ ହୋଇଯାଇଛି । ସ୍ଥାନୀୟ ଗ୍ରାମବାସୀ ମାନେ ନିଆଁକୁ ଆୟତ୍ତ କରିଥିବା ସୂଚନା ମିଳିଛି ।