Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଗାଁ ଛାଡିଦିଅ, ନହେଲେ ଘରେ ଶୋଇଥିବା ବେଳେ ନିଆଁ ଲଗାଇଦେବୁ : ମଦ ମାଫିଆଙ୍କ ଭୟରେ ଗାଁ ଛାଡିଲେ ୪ ପରିବାର

30/11/2020 at 1:00 PM

ତେଲକୋଇ ୩୦।୧୧:  ମଦ ମାଫିଆଙ୍କ ଭୟରେ ଗାଁ ଛାଡିଲେ ୪ ଗରିବ ପରିବାର । ଗାଁକୁ ଛାଡିଦିଅ, ନେହେଲେ ଶୋଇଥିବା ସମୟରେ ଘରେ ନିଆଁ ଲଗାଇ ସମସ୍ତଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ ମାଫିଆ । ଶୀତଦିନ ପିଲାଛୁଆଙ୍କୁ ଧରି ବାର ଦୁଆର ଶୁଣ୍ଡି ପିଣ୍ଡା ହୋଇ ବୁଲୁଛନ୍ତି । କେତେବେଳେ ଗଛମୂଳ ତ କେତେବେଳ ଆଉ କାହା ଘର ବାରଣ୍ଡାରେ ଆଶ୍ରୟ ନେଉଛନ୍ତି ଏହି ଚାରି ପରିବାର । ଗତ ୩ମାସ ହେଲା ଏପରି ଗୋଟିଏ ଗାଁରୁ ଆଉ ଗୋଟିଏ ଗାଁକୁ ବୁଲୁଛନ୍ତି ୪ ପୀଡିତ ପରିବାର । ପୋଲିସ ନିକଟରେ ଅଭିଯୋଗ କରିଥିଲେ ବି କାର୍ଯ୍ୟାନୁଷ୍ଠାନ ଶୁନ୍‌ ରହିଛି ବୋଲି ଅଭିଯୋଗ କରିଛନ୍ତି । କେନ୍ଦୁଝର ଜିଲ୍ଲା ତେଲକୋଇ ଥାନା ପଡ଼ାଙ୍ଗ ଗାଁର ଦେଖିବାକୁ ମିଳିଛି ଏପରି ଘଟଣା ।

ଖବର ଅନୁଯାୟୀ, ପଡାଙ୍ଗ ଗାଁର ୪ ପରିବାର ଉପରେ ମଦମାଫିଆମାନେ ବାରମ୍ବାର ଆକ୍ରମଣ ଓ ଅତ୍ୟାଚାର କରୁଥିଲେ ।  ଏପରିକି ସେହି ପୀଡିତ ପରିବାର ମଧ୍ୟରୁ ଜଣେ ମହିଳା ସଦସ୍ୟଙ୍କ ବେକରେ ଭୁଜାଲି ଲଗାଇ ତାଙ୍କ ପୁଅକୁ ମାଡମାରିବା ସହ ସ୍ବାମିଙ୍କୁ ଜଙ୍ଗଲକୁ ନେଇ ମାରି ଦେବାକୁ ଉଦ୍ୟମ କରିଥିଲେ । ଯାହାକୁ ନେଇ ପରିବାର ପକ୍ଷରୁ ଗତ ସେପ୍ଟେମ୍ବର ୫ତାରିଖରେ ତେଲକୋଇ ଥାନାରେ ଲିଖିତ ଅଭିଯୋଗ କରିଥିଲେ । ପରିବାର ଲୋକଙ୍କ ଅଭିଯୋଗ ପରେ ବି ପୋଲିସ ପରିବାରକୁ ଉଚିତ୍‌ ନ୍ୟାୟ ମିଳିପାରିନଥିଲା । ଥାନାରେ କାହିଁକି ଅଭିଯୋଗ କରାଗଲା ବୋଲି ମାଫିଆ ମାନେ ଗୁଣ୍ଡା ଲଗାଇ ଘରର ଆସବାବପତ୍ର ସହ ସାଇକେଲ ଓ ୧୦ ଛେଳି ଜୋର ଜବରଦସ୍ତ ନେଇ ଯାଇଥିଲେ ।

ଏହିସହିତ ଘରର ଜଣେ ଗର୍ଭବତୀ ମହିଳାଙ୍କ ପେଟକୁ ଗୋଇଠା ମଧ୍ୟ ମାରିଥିଲେ । ଗାଁରୁ ପଳାଇଯାଅ ନହେଲେ ଶୋଇଥିବା ସମୟରେ ଘରେ ନିଆଁ ଲଗାଇ ସମସ୍ତଙ୍କୁ ଜୀବନରୁ ମାରିଦେବୁ ବୋଲି ଧମକ ଦେଇଥିଲେ । ଏହାପରେ ୪  ଗରୀବ ଦିନ ମଜୁରିଆ ପରିବାରର ସମସ୍ତ ସଦସ୍ୟ ରାତାରାତି ଜୀବନ ଭୟରେ ଘରଛାଡି ପଳେଇ ଯାଇଥିଲେ । ଶୀତ ଦିନରେ ପିଲାଛୁଆଙ୍କୁ ଧରି ବାର  ଦୁଆର ଶୁଣ୍ଢି ପିଣ୍ଡା ହୋଇ ବୁଲୁଛନ୍ତି । କେତେବେଳେ ଗଛମୂଳରେ ତ ଆଉ କେତେବେଳେ କାହା ଘର ବାରଣ୍ଡାରେ ଆଶ୍ରୟ ନେଉଛନ୍ତି ପିଡିତ ପରିବାର । ନିର୍ଯ୍ୟାତନା ର ଶିକାର ହୋଇ ଘରଛାଡି ତିନି ମାସ ହେବ  ଗାଁ କୁ ଗାଁ ବୁଲୁଛନ୍ତି ୪ ପିଡିତ ପରିବାର । ଏନେଇ କେନ୍ଦୁଝର ଏସପିଙ୍କ ଦ୍ବାରସ୍ଥ ହୋଇଥିଲେ ମଧ୍ୟ କୈଣସି ସୁଫଳ ମିଳିପାରି ନଥିବା ପ୍ରକାଶ କରିଛନ୍ତି ପରିବାର ଲୋକେ ।

   Related Posts