Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ମର୍ମନ୍ତୁଦ ଦୁର୍ଘଟଣା : ଗଛରେ ପିଟିହେଲା କାର୍, ୪ ମୃତ

11/01/2020 at 7:01 AM

ନୟାଗଡ଼ ୧୧।୧: ନୟାଗଡ଼ କରଡ଼ା ନିକଟରେ ମର୍ମନ୍ତୁଦ ଦୁର୍ଘଟଣା । ଗଛରେ କାର୍ ପିଟି ହେବା ଯୋଗୁଁ ୪ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଗୋଟିଏ ପରିବାରର ତିନି ଜଣ ଓ ଡ୍ରାଇଭର ଅଛନ୍ତି । ସମସ୍ତେ ନୟାଗଡ ଜିଲ୍ଲା ଓଡଗଁ। ଥାନା ନନ୍ଦିଘର ଗ୍ରାମର । ମୃତକମାନେ ହେଲେ ନନ୍ଦିଘର ଗ୍ରାମର ଚିରଞ୍ଜିବୀ ସାହୁ, ତାଙ୍କ ପତ୍ନୀ ମଧୁସ୍ମିତା ସାହୁ ଏବଂ ସେମାନଙ୍କର ୧୧ବର୍ଷର ପୁଅ ଆଦିତ୍ୟ ଓ କାର୍ ଡ୍ରାଇଭର୍ ସନ୍ତୋଷ କୁମାର ନାୟକ ।

ସୂଚନାଯୋଗ୍ୟ ଯେ, ଗତକାଲି ବିଳମ୍ବିତ ରାତିରେ ଚିରଞ୍ଜିବୀ ସାହୁ ନିଜ ପରିବାର ଏବଂ ଦୁଇ ସଢୁ ଓ ଦୁଇ ଶାଳୀଙ୍କ ସହ ମେଡିକାଲ୍ ଚେକ୍ଅପ୍ ପାଇଁ ନିଜ କାରରେ କଟକ ବଡ ମେଡିକାଲ ଯାଇଥିଲେ । ଫେରିବା ସମୟରେ ଦୁଇ ଜଣଙ୍କୁ ଭୁବନେଶ୍ବରରେ ଛାଡି ଆସିବା ପରେ ରାତି ପ୍ରାୟ ୧୧ଟା ସମୟରେ ନୟାଗଡରେ ପହଞ୍ଚିଥିଲେ ।

ନୟାଗଡରେ ଜଣେ ଶଢୁ ଏବଂ ଶାଳୀ ଓହ୍ଲାଇବା ପରେ ଝିଅକୁ ସହରର ଏକ ଘରୋଇ କଲେଜ ହଷ୍ଟେଲରେ ଛାଡି ପତ୍ନୀ ଓ ପୁଅ ସହ ଗଁ।କୁ ଫେରୁଥିଲେ । ରାତି ପ୍ରାୟ ୧ଟା ସମୟରେ ଶରଣକୁଳ ଥାନା କରଡା ନିକଟରେ ଗାଡିଟି ରାସ୍ତା କଡରେ ଥିବା ଏକ ଗଛରେ ପିଟି ହୋଇଯାଇଥିଲା । ଡ୍ରାଇଭରର ଆଖି ଲାଗିଯାଇଥିବା କାରଣରୁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।

ଘଟଣାସ୍ଥଳରେ ତିନିଜଣଙ୍କ ମୃତ୍ୟୁ ହୋଇଥିବାବେଳେ ମଧୁସ୍ମିତାଙ୍କର ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣୁଥିବା ସମୟରେ ବାଟରେ ମୃତ୍ୟୁ ହୋଇଥିଲା । ଗଁ।ରେ ପହଞ୍ଚିବାକୁ ଆଉ ମାତ୍ର ୫ କିଲୋମିଟର ଥିବାବେଳେ ଦୁର୍ଘଟଣାରେ ୪ଜଣଙ୍କ ମୃତ୍ୟୁ ହୋଇଛି । ମୃତ୍ୟୁ ଖବର ଶୁଣିବା ପରେ ନୟାଗଡ ଡାକ୍ତରଖାନାରେ ସମ୍ପର୍କୀୟମାନଙ୍କ ଭିଡ ଜମିଥିବାବେଳେ ଏକ ଶୋକାକୂଳ ପରିବେଶ ସୃଷ୍ଟି ହୋଇଛି । 

   Related Posts