Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଦଳିଲେ ବିଏମ୍‌ସି କମିଶନର, ପ୍ରେମଚନ୍ଦ୍ର ଚୌଧରୀଙ୍କ ସ୍ଥାନରେ ସଞ୍ଜୟ ସିଂହଙ୍କୁ ଦାୟିତ୍ୱ
  • ||
  • ଡେଲାଙ୍ଗ : କଣାସ ଗାଁ ସମତେ ବଜାରକୁ ୭ଦିନ ଯାଏଁ କଣ୍ଟେନମେଣ୍ଟ ଜୋନ୍‌ ଘୋଷଣା, ସଂକ୍ରମଣ ବୃଦ୍ଧିକୁ ଦେଖି ନିଷ୍ପତ୍ତି
  • ||
  • କେନ୍ଦୁଝର ଜେଲ୍‌ରେ ପଶିଲା କରୋନା, ୯ କଏଦୀ କୋଭିଡ଼ ସଂକ୍ରମିତ
  • ||
  • ରକ୍ତମୁଖା ଲାଲ୍‌ବାହିନୀ, ଯବାନଙ୍କୁ ଘରୁ ଟେକି ନେଇ ଗଳାକାଟି କଲେ ହତ୍ୟା
  • ||
  • ରାଜ୍ୟରେ କରୋନା ନେଲା ଆଉ ୧୭ଜଣଙ୍କ ଜୀବନ, ୨୨୩୨ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୯୮୨ ପଜିଟିଭ୍
  • ||

ଡକାୟତି ଯୋଜନା ପଣ୍ଡ, ଗିରଫ ହେଲେ ୪ ଅଭିଯୁକ୍ତ

24/11/2019 at 4:03 PM

ଚୌଦ୍ବାର ୨୪।୧୧:ଡକାୟତି ଯୋଜନା କରୁଥିଲା ବେଳେ ଚୌଦ୍ବାର ପୋଲିସ ଚଢ଼ାଉ କରି ଚାରି ଜଣ ଦୁର୍ଦ୍ଦାନ୍ତ ଡକାୟତଙ୍କୁ ଗିରଫ କରିଛି । ଗତକାଲି ବିଳମ୍ବିତ ରାତିରେ କିଛି ଯୁବକ ଚୌଦ୍ବାର ଥାନା ଅନ୍ତର୍ଗତ ବାଣୀପଦା-ମଙ୍ଗଳପୁର ରାସ୍ତାରେ କିଛି ଅପରାଧ ଘଟାଇବାର ଯୋଜନା ପ୍ରସ୍ତୁତ କରୁଥିଲେ ।

ସୂଚନା ପାଇ ଚୌଦ୍ବାର ପୋଲିସ ସେଠାରେ ଚଢ଼ାଉ କରିଥିଲେ । ଚଢ଼ାଉ ବେଳେ ଚାରି ଜଣଙ୍କୁ ଧରିବାରେ ପୋଲିସ ସଫଳ ହେବା ବେଳେ ଜଣେ ଖସି ଯାଇଥିଲା । ଧରା ପଡିଥିବା ଯୁବକମାନେ ଦୁର୍ଦ୍ଦାନ୍ତ ଡକାୟତ ବୋଲି ଜଣାପଡିଥିଲା । ସେମାନେ ହେଲେ ଭୁବନ ଥାନା ଅଂଚଳର ରଞ୍ଜନ ଜେଠି, ବିଜୟ ନାୟକ, ନେମାଳ ଥାନା କାଂହୁ ଚରଣ ବେହେରା ଓ ଚୌଦ୍ବାରର ସୁକାନ୍ତ ସ୍ବାଇଁ ।

ଏମାନଙ୍କ ନିକଟରୁ ଦୁଇଟି ବନ୍ଧୁକ, ଗୋଟିଏ ଖଣ୍ଡା, ଜୀବନ୍ତ ଗୁଳି, ଦୁଇଟି ବାଇକ, ତିନିଟି ମୋବାଇଲ ଜବତ କରିଛି। ଗିରଫ ଯୁବକମାନଙ୍କ ନାମରେ ବିଭିନ୍ନ ଥାନାରେ ଅନେକ ଡକାୟତି ମାମଲା ରୁଜୁ ଥିବାର ଜଣାପଡିଛି। ରାଜପଥରେ ଯାଉଥିବା ଲୁହା ରଡ୍ ବୋଝେଇ ଟ୍ରକ ଗୁଡିକୁ ହାଇଯାକ କରି ସେଥିରୁ ରଡ୍ ଗୁଡିକୁ ଅନ୍ୟତ୍ର ବିକ୍ରି କରିବାର ବହୁ ଅଭିଯୋଗ ରହିଛି। ଗିରଫ ଚାରି ଜଣଙ୍କୁ ଆଜି କୋର୍ଟ ଚାଲାଣ କରାଯାଇଛି ।

   Related Posts