Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଲକଡାଉନ୍‌ରେ ବଦାନ୍ୟଙ୍କ ମହାନତା : ରାମ ମନ୍ଦିର ପାଇଁ ଆକାଉଣ୍ଟରେ ଜମା କଲେ ୪କୋଟି ୬୦ଲକ୍ଷ ଟଙ୍କା

25/05/2020 at 7:48 PM

ଅଯୋଧ୍ୟା ୨୫/୫: ଲକଡାଉନ୍ ମଧ୍ୟରେ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ୪କୋଟି ୬୦ଲକ୍ଷ ଟଙ୍କା ଦାନ ଆକାରରେ ଆସିଛି। ଏହି ଟଙ୍କାକୁ ଭିନ୍ନ ଭିନ୍ନ ଦାତାମାନେ ରାମ ମନ୍ଦିର ନିର୍ମାଣ ପାଇଁ ଖୋଲା ଯାଇଥିବା ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ୍ ଖାତାରେ ଜମା କରାଯାଇଛି। ରାମ ମନ୍ଦିରର ମୁଖ୍ୟ ପୂଜାରୀ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ କହିବା ଅନୁସାରେ ଟଙ୍କା ଅଭାବରେ ରାମ ମନ୍ଦିର ନିର୍ମାଣରେ କୌଣସି ବାଧା ଉତ୍ପନ୍ନ ନ ହେଉ ଏବଂ ଭବ୍ୟ ,ଦିବ୍ୟ ନଭଶ୍ଚୁମ୍ବୀ ରାମ ମନ୍ଦିର ନିର୍ମାଣ ହେଉ ଏହା ଭକ୍ତଙ୍କ କାମନା ଏବଂ ଏଥିପାଇଁ ସେମାନେ ଦାନ କରୁଛନ୍ତି। ରାମ ମନ୍ଦିର ନିର୍ମାଣ ପାଇଁ ଲଗାତାର ଭକ୍ତ ଦାନ ଦେଉଛନ୍ତି ଏବଂ ଏଥିପାଇଁ ସେ ସମସ୍ତ ଦାନଦାତାଙ୍କୁ ଧନ୍ୟବାଦ ଦେଉଛନ୍ତି।

ମୁଖ୍ୟ ପୂଜାରୀ ସତ୍ୟେନ୍ଦ୍ର ଦାସଙ୍କ କହିବା ଅନୁସା​‌ରେ ଭଗବାନ ରାମ ବହୁତ ତପସ୍ୟା କରିଥିଲେ। ୧୪ବର୍ଷ ଯାଏଁ ବନରେ ରହିଥିଲେ। ତାଙ୍କୁ ରାଜସତ୍ତା ମିଳିବା ବଦଳରେ ଆଶ୍ରମରେ ରହିବାକୁ ପଡ଼ିଥିଲା। ଭଗବାନ ରାମ ୨୭ବର୍ଷ ଯାଏଁ ତିରପାଳରେ ରହିଥିଲେ ଏବଂ ଆଜି ବି ତିରପାଳରୁ ଉଠି କାଠର ଅସ୍ଥାୟୀ ମନ୍ଦିରରେ ବିରାଜମାନ ଅଛନ୍ତି। ଏହା ପୂର୍ବରୁ ବହୁତ ବ୍ୟବସ୍ଥିତ ହୋଇଯାଇଛି। କିନ୍ତୁ ଭଗବାନ ରାମଙ୍କ ଭବ୍ୟ ମନ୍ଦିର ହେଉ ଏହା ସମସ୍ତ ସନ୍ଥଙ୍କ ଦାବି ରହିଛି।

ସତ୍ୟେନ୍ଦ୍ର ଦାସ୍ କହିଛନ୍ତି ଯେ ସରକାର ମଧ୍ୟ କହି ସାରିଛନ୍ତି ଯେ ନଭଶ୍ଚୁମ୍ବୀ ମନ୍ଦିର ହେଉ ଏବଂ ଏହାର କାର୍ଯ୍ୟ ମଧ୍ୟ ଆରମ୍ଭ ହୋଇଯାଇଛି। ଏଥିପାଇଁ ଭଗବାନ ରାମଙ୍କ ଆକାଉଣ୍ଟକୁ ୪କୋଟି ୬୦ଲକ୍ଷ ଟଙ୍କା ଦାନ ଆକାରରେ ଆସିଛି।

   Related Posts