Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଭିନେତା ଆଶିଷ ରାୟଙ୍କ ପରଲୋକ
  • ||
  • ବାତ୍ୟା ‘ନିଭାର୍’ ପ୍ରଭାବରେ ଚେନ୍ନାଇରେ ବର୍ଷା
  • ||
  • ନବରଙ୍ଗପୁର : ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ୨ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୭୧ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୬୪୨ କରୋନା ସଂକ୍ରମିତ, ୩୧୫୨୭୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆସୁଛି ବାତ୍ୟା ‘ନିଭାର୍’: ୨୫ରୁ ପ୍ରବଳ ବର୍ଷା, ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ
  • ||

ସବୁ ପାପର ଶେଷ, ଫାଶୀରେ ଝୁଲିଲେ ନିର୍ଭୟା ଦୋଷୀ

20/03/2020 at 5:08 AM

ନୂଆଦିଲ୍ଲୀ ୨୦।୦୩: ଶାନ୍ତି ପାଇଛି ନିର୍ଭୟାର ଆତ୍ମା। ସରିଛି ଆଶାଦେବୀଙ୍କ ୮ବର୍ଷର ସଂଗ୍ରାମ। ଶେଷରେ ଫାଶୀ ଖୁଣ୍ଟରେ ଝୁଲିଛନ୍ତି ବିନୟ, ମୁକେଶ, ଅକ୍ଷୟ ଓ ପଓ୍ୱନ। ଆଜି ଏହି ୪ ଦୋଷୀଙ୍କୁ ସକାଳ ୫ଟା ୩୦ରେ ତିହାର ଜେଲରେ ଫାଶୀ ଦିଆଯାଇଛି। ଏହାସହ ଦୀର୍ଘଦିନ ଧରି ଆଇନକୁ ହାତ କରି ବର୍ତ୍ତି ଯାଉଥିବା ଲୋମହର୍ଷଣକାରୀ ଘଟଣାର ଯୌନପିଶାଚଙ୍କୁ ଦଣ୍ଡ ମିଳିଛି। କେବଳ ନିର୍ଭୟା ଓ ତାଙ୍କ ପରିବାର ନୁହେଁ, ସାରା ଦେଶର ଏହାକୁ ନେଇ ରହିଥିବା ଆକାଂକ୍ଷା ପୂରଣ ହୋଇଛି। ଏହାସହ ସାମାନ୍ୟ ବିଳମ୍ବ ହେଲେ ବି ଆଇନ ଉପରେ ସାଧାରଣ ଜନତାଙ୍କ ବିଶ୍ୱାସ ଅତୁଟ ରହିଛି । ଦୀର୍ଘ ଦିନ ଧରି ଚାଲିଥିବା ଆଇନ ସହିତ ଲୁଚକାଳି ଖେଳ ଶେଷ ହୋଇଛି।

ସୂଚନାଯୋଗ୍ୟ ଯେ, ୨୦୧୨ ମସିହା ଡିସେମ୍ବର ମାସ ୧୬ତାରିଖ ରାତିରେ ପାରାମେଡିକାଲ ଛାତ୍ରୀଙ୍କୁ ଚଳନ୍ତା ବସରେ ଦୁଷ୍କର୍ମ କରିଥିଲେ ୬ ଜଣ ନରରାକ୍ଷସ । ଦୁଷ୍କର୍ମ କରିବା ପରେ ଜଘନ୍ୟ ଶାରୀରିକ ନିର୍ଯାତନା ଦେଇଥିଲେ । ଜୀବନ ରକ୍ଷା ପାଇଁ ଚଳନ୍ତା ବସରେ ଯୁବତୀ ଜଣଙ୍କ ଚିତ୍କାର କରିଥିଲେ ବି ସେମାନଙ୍କ କବଳରୁ ଖସିପାରିନଥିଲେ । କାହା କାନରେ ପଡିନଥିଲା ନିର୍ଭୟାଙ୍କ ବୁକୁଫଟା ଚିତ୍କାର । କିଛି ଘଣ୍ଟା ମଧ୍ୟରେ ନିର୍ଭୟାଙ୍କ ସ୍ବରକୁ ସବୁ ଦିନ ପାଇଁ ଚାପି ଦେଇଥିଲେ ନର ପିଶାଚ । ଘଟଣାର ୧୩ ଦିନ ପରେ ସିଙ୍ଗାପୁରରେ ଆଖି ବୁଜିଥିଲେ ପୀଡିତା ।

ଏପରି ଘଟଣାକୁ ନେଇ ସାରା ଦେଶରେ ଆନ୍ଦୋଳନ ଆରମ୍ଭ ହୋଇଥିଲା । ଦେଶରେ ନାରୀ ସୁରକ୍ଷାକୁ ନେଇ ପ୍ରଶ୍ନ ଉଠିଥିଲା । ସଡକଠାରୁ ଆରମ୍ଭ କରି ସଂସଦ ପର୍ଯ୍ୟନ୍ତ ସବୁଠି ନିର୍ଭୟାଙ୍କୁ ନ୍ୟାୟ ଦାବି ଜୋର ଧରିଥିଲା । ଏସବୁ ଭିତରେ ନିର୍ଭୟା ଗଣଦୁଷ୍କର୍ମର ୬ ଦୁଷ୍କର୍ମକାରୀଙ୍କୁ ଗିରଫ କରିଥିଲା ଦିଲ୍ଲୀ ପୋଲିସ । ଅଭିଯୁକ୍ତ ରାମ ସିଂହ, ମୁକେଶ ସିଂହ, ପବନ ଗୁପ୍ତା, ଅକ୍ଷୟ ଠାକୁର, ବିନୟ ଶର୍ମା ଏବଂ ଜୁବେନାଇଲ୍ ମହମ୍ମଦ ଆଫ୍ରୋଜକୁ ଗିରଫ କଲା ପୋଲିସ । ସମସ୍ତ ଅଭିଯୁକ୍ତଙ୍କ ଫାଶୀ ଦଣ୍ଡ ଦେବାକୁ ସାରା ଦେଶରେ ନାରା ଦିଆ ଯାଇଥିଲା ।

ତେବେ ଦୋଷୀ ସାବ୍ୟସ୍ତ ହେବା ପୂର୍ବରୁ ଜେଲରେ ଆତ୍ମହତ୍ୟା କରିଥିଲା ବସର ଡ୍ରାଇଭର । ୨୦୧୩ ମାର୍ଚ୍ଚରେ ତିହାର ଜେଲରେ ବେକରେ ଫାଶୀ ଲଗାଇ ଝୁଲି ପଡିଥିଲେ ରାମ ସିଂ । ସେହିପରି ଅନ୍ୟ ଜଣେ ନାବାଳକ ଅଭିଯୁକ୍ତକୁ ସୁଧାରଗୃହରେ ୩ବର୍ଷ ରଖିବା ପରେ ଛାଡି ଦିଆଯାଇଥିଲା । ଏହାପରେ ୪ ଅଭିଯୁକ୍ତଙ୍କୁ ଦିଲ୍ଲୀ ହାଇକୋର୍ଟ ଫାଶୀ ଦଣ୍ଡାଦେଶ କରିଥିବାବେଳେ ଏହାକୁ ସେମାନେ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ । ହେଲେ ହାଇକୋର୍ଟଙ୍କ ରାୟକୁ କାଏମ ରଖିଥିଲେ ସର୍ବୋଚ୍ଚ ନ୍ୟାୟାଳୟ । ଆଉ ଶେଷରେ ମେ ୫, ୨୦୧୭ରେ ଦୋଷୀଙ୍କୁ ଫାଶୀ ଦଣ୍ଡ ଶୁଣାଇଲେ ସୁପ୍ରିମକୋର୍ଟ ।

ତେବେ ଏହା ଭିତରେ ଅଢେଇ ବର୍ଷ ବିତି ଯାଇଥିଲେ ମଧ୍ୟ ନିର୍ଭୟା ଦୋଷୀଙ୍କୁ ଫାଶୀ ମିଳିନଥିଲା । ଆଇନର ଆଳ ଦେଖାଇ ପ୍ରତିଥର ଫାଶୀର ଫନ୍ଦାରୁ ଦୂରେଇ ରହିଯାଉଥିଲେ। ଶେଷର ଏତେ ଦିନ ଧରି ଚାଲିଥିବା ଆଇନର ଲୁଚକାଳି ଖେଳ ଶେଷ ହୋଇଯାଇଛି। ଏବଂ ନିର୍ଭୟାର ଦୋଷୀଙ୍କୁ ଫାଶୀ ଖୁଣ୍ଟରେ ଝୁଲାଯାଇଛି।

   Related Posts