ବଲାଙ୍ଗିର ୧୯|୯: ଗୁଣି ଗାରେଡି ସନ୍ଦେହରେ ଦମ୍ପତ୍ତିକୁ ନିର୍ମମ ହତ୍ୟା ଘଟଣାରେ ଅଟକ ଥିବା ୪ ଜଣ ଗିରଫ ହୋଇଛନ୍ତି । ଗିରଫ ବ୍ୟକ୍ତି ହେଲେ କିଟକାମାଲ ଗାଁର ନାରାୟଣ, ବରିହା, ସ୍ବରୂପ ଘିବେଲା, ଗୌରାଙ୍ଗ ପୋଢ଼, କୃଷ୍ଣ ବରିହା । ଗୁଣି ଗାରେଡି ସନ୍ଦେହରେ ହିଁ ଏମାନେ ରୁକ୍ମଣୀ ବରିହା ଓ ଚିନ୍ତାମଣି ବରିହାକୁ ଲାଠିରେ ପିଟିପିଟି ମାରିଥିଲେ ବୋଲି ପାଟଣାଗଡରେ ସାମ୍ବାଦିକ ସମ୍ମିଳନୀରେ କହିଛନ୍ତି ବଲାଂଗୀର ଏସପି ସମ୍ବିତ ସମ୍ପଦ ମଡକର । ଘଟଣାର ତଦନ୍ତ ଏବେବି ଚାଲିଛି ଓ ଅନ୍ୟମାନଙ୍କ ସଂପୃକ୍ତିକୁ ନେଇ ଛାନଭିନ ଚଲାଇଛି ପୋଲିସ ।
ସୂଚନାଯୋଗ୍ୟ ଯେ, ଗତ ୧୬ ତାରିଖ ଦିନ ଲରମ୍ଭା ଥାନା ଚିକଟାମାଲ ଗାଁରୁ କିଛି ଦୂରରେ ଥିବା ଜଂଗଲରୁ ଅଖା ବସ୍ତା ଭିତରେ ସ୍ବାମୀ ସ୍ତ୍ରୀଙ୍କ ସନ୍ଦେହଜନକ ଭାବରେ ମୃତଦେହ ଉଦ୍ଧାର ହୋଇଥିଲା । ଗୁଣିଗାରେଡି ଓ ଅନ୍ଧ ବିଶ୍ବାସ ପାଇଁ ସ୍ବାମୀ ସ୍ତ୍ରୀଙ୍କୁ ଅତି ନିର୍ମମ ଭାବରେ ହତ୍ୟା କରିଥିଲେ ସଂପର୍କୀୟ।
