ଚାନ୍ଦବାଲି ୭।୧୧: ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ବଡ଼ଓସ୍ତିଆ ପଂଚାୟତର ଜଣେ ନାବାଳିକା ଛାତ୍ରୀ ଗଣଦୁଷ୍କର୍ମ ମାମଲା । ଦୁଷ୍କର୍ମ ମାମଲାରେ ପୋଲିସ ତିନିଜଣଙ୍କୁ ଗିରଫ କରିଥିବା ବେଳେ ଜଣେ ଫେରାର ରହିଛି ।
{"id":180401}ସୂଚନାଯୋଗ୍ୟ ଯେ, ଚଳିତ ମାସ ୪ ତାରିଖରେ ଚାନ୍ଦବାଲିରୁ ଯାତ୍ରା ଦେଖି ନିଜ ମାମୁଘରକୁ ଫେରୁଥିଲେ ଯୁବତୀ। ନିଜ ସଂପର୍କୀୟ ଭାଇଙ୍କ ସହ ଫେରୁଥିବା ସମୟରେ ୪ ଜଣ ଯୁବକ ଛାତ୍ରୀଙ୍କ ସଂପର୍କୀୟ ଭାଇକୁ ମାଡ଼ ମାରି ଛାତ୍ରୀଙ୍କୁ ଟେକି ନେଇ ଗଣଦୁଷ୍କର୍ମ କରିଥିବାର ଅଭିଯୋଗ ହୋଇଥିଲା । ଚାନ୍ଦବାଲି ପୋଲିସ ଘଟଣାର ତଦନ୍ତ କରି ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି। ଏହି ଘଟଣାରେ ୪ ଜଣ ଅଭିଯୁକ୍ତଙ୍କ ମଧ୍ୟରୁ ପୋଲିସ ୩ ଜଣଙ୍କୁ ଧରିବାରେ ସଫଳ ହୋଇଥିବା ବେଳେ ଜଣେ ଏବେବି ଫେରାର ରହିଛି । ତିନି ଜଣ ଅଭିଯୁକ୍ତଙ୍କୁ ପୋଲିସ ଆଜି ଡ଼ାକ୍ତରୀ ମାଇନା କରିବା ପରେ କୋର୍ଟ ଚାଲାଣ କରିଛି ।