ଭୁବନେଶ୍ବର୫/୩: ନିଳାଦ୍ରୀ ଆଧ୍ୟାତ୍ମିକ ଟ୍ରଷ୍ଟ ଓଡିଶା ପକ୍ଷରୁ ସୋଆ ବିଶ୍ବବିଦ୍ୟାଳୟର ପ୍ରତିଷ୍ଠାତା ପ୍ରଫେସର ଡକ୍ଟର ମନୋଜ ରଞ୍ଜନ ନାୟକଙ୍କୁ ନୀଳାଦ୍ରି ସମ୍ମାନ ୨୦୨୦ରେ ସମ୍ମାନିତ କରାଯାଇଛି । ନୀଳାଦ୍ରି ଆଧ୍ୟାତ୍ମିକ ଟ୍ରଷ୍ଟ ପକ୍ଷରୁ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ତଥା ଟ୍ରଷ୍ଟର ସଭାପତି ଦଇତାପତି ରାମଚନ୍ଦ୍ର ଦାସ ମହାପାତ୍ର ପ୍ରଫେସର ଡକ୍ଟର ମନୋରଞ୍ଜନ ନାୟକଙ୍କୁ ନୀଳାଦ୍ରି ସମ୍ମାନରେ ଭୂଷିତ କରିଛନ୍ତି ।
ଏକ ନିରାଡମ୍ବର ଉତ୍ସବରେ ଟ୍ରଷ୍ଟର ସମ୍ପାଦକ ବିଶ୍ବନାଥ ସାମନ୍ତରା ଉପଦେଷ୍ଟା ବରିଷ୍ଠ ଗବେଷକ ଡକ୍ଟର ଭାସ୍କର ମିଶ୍ର , ନନ୍ଦକିଶୋର ଜେନା ପ୍ରମୁଖ ଉପସ୍ଥିତ ରହି ପ୍ରଫେସର ନାୟକଙ୍କ ଉତ୍ସର୍ଗୀକୃତ ସେବା ପାଇଁ ଚଳିତ ବର୍ଷ ଏହି ମର୍ଯ୍ୟଦାଜନକ ସମ୍ମାନରେ ଡକ୍ଟର ନାୟକଙ୍କୁ ଭୂଷିତ କରିଛନ୍ତି । ଶ୍ରୀଜଗନ୍ନାଥ ଚେତନା ଭିତ୍ତିକ ବିଭିନ୍ନ ଆଲୋଚନା ଚକ୍ର, ଭୋଗ ପ୍ରଦର୍ଶନ, କର୍ମଶାଳା ଆୟୋଜନରେ ପ୍ରଫେସର ନାୟକଙ୍କ ସହଯୋଗ ମିଳିଥିବାରୁ ଟ୍ରଷ୍ଟ ତରଫରୁ କୃତଜ୍ଞତା ଜ୍ଞାପନ କରାଯାଇଛି
