Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ଭୁବନେଶ୍ୱର : ଲିଙ୍ଗରାଜ ମନ୍ଦିରରେ 5-T ସଚିବ, ଉନ୍ନତିମୂଳକ କାର୍ଯ୍ୟର କଲେ ତଦାରଖ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

ଗାଭାସ୍କର ଅନୁଷ୍କା ବିବାଦ: ଗାଭାସ୍କରଙ୍କ ସମର୍ଥନରେ ବରିଷ୍ଠ କ୍ରିକେଟର୍, କହିଲେ- ଭାରତୀୟଙ୍କ ମଧ୍ୟରେ ଥଟ୍ଟା ବୁଝିବା କ୍ଷମତା କମ୍

27/09/2020 at 4:52 PM

ନୂଆଦିଲ୍ଲୀ ୨୭/୦୯ : ଭାରତର ପୂର୍ବତନ କ୍ରିକେଟର ତଥା କମେଣ୍ଟେଟର ସୁନୀଲ ଗାଭାସ୍କର ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମାଙ୍କୁ ଟିପ୍ପଣୀ ଦେବା ପରେ ନାନା ପ୍ରତିକ୍ରିୟା ସାମ୍ନାକୁ ଆସିଛି । ଭାରତର ପୂର୍ବତନ ୱିକେଟ୍ କିପର୍ ଫାରୁଖ ଇଞ୍ଜିନିୟର ଗାଭାସ୍କରଙ୍କୁ ସମର୍ଥନ କରିଛନ୍ତି । ଗାଭାସ୍କର ମଧ୍ୟ କହିଛନ୍ତି ଯେ ସେ କିଛି ଭୁଲ କହିନାହାନ୍ତି ।

ଗାଭାସ୍କର ବିରାଟ କୋହଲିଙ୍କ ଫର୍ମକୁ ନେଇ ଚର୍ଚ୍ଚା କରି ତାଙ୍କ ପତ୍ନୀ ଅନୁଷ୍କା ଶର୍ମାଙ୍କ ନାଁ ନେଇଥିବାରୁ ଲୋକେ ତାଙ୍କୁ ସମାଲୋଚନା କରିଛନ୍ତି । ଫାରୁଖ ଇଞ୍ଜିନିୟର ପାକିସ୍ତାନୀ ପର୍ଯ୍ୟବେକ୍ଷକଙ୍କ ସହ କଥାବାର୍ତାରେ କହିଛନ୍ତି ଯେ ଭାରତୀୟଙ୍କ ମଧ୍ୟରେ ସେନ୍ସ ଅଫ ହ୍ୟୁମର କମ ଅଛି । ଯଦି ସୁନୀଲ ଗାଭାସ୍କର ବିରାଟ ଓ ଅନୁଷ୍କାଙ୍କୁ କିଛି କହିଛନ୍ତି ତାହେଲେ ନିଶ୍ଚୟ ଥଟ୍ଟାରେ କହିଥିବେ, କୌଣସି ଅଭଦ୍ରାମି କରିନଥିବେ । ସେ ଗାଭାସ୍କରଙ୍କୁ ବହୁତ ଭଲ ଭାବେ ଜାଣିଛନ୍ତି ଏବଂ ସେଥିପାଇଁ ଯଦି ସେ କିଛି କହିଥିବେ ତାହେଲେ ନିଶ୍ଚୟ ଥଟ୍ଟାରେ ଏକହିଥିବେ ବୋଲି ସେ କହିଛନ୍ତି । କିନ୍ତୁ ଲୋକେ ଏହାକୁ ଗମ୍ଭୀରତାର ସହ ନେଇ ସମାଲୋଚନା କରୁଛନ୍ତି ବୋଲି ସେ କହିଛନ୍ତି ।

୨୦୧୯ ବିଶ୍ୱକପ ସମୟରେ ଫାରୁଖ ଇଞ୍ଜିନିୟରଙ୍କୁ ନେଇ ମଧ୍ୟ ବିବାଦ ହୋଇଥିଲା । ଗାଭାସ୍କର ମଧ୍ୟ କହିଛନ୍ତି ଯେ ସେ କୋହଲିଙ୍କୁ ନେଇ ଯେଉଁ ବୟାନ ଦେଇଥିଲେ ଲୋକେ ତାର ଭୁଲ ଅର୍ଥ ବାହାର କରିଛନ୍ତି ଏବଂ ଖରାପ ଭାବେରେ ଗ୍ରହଣ କରିଛନ୍ତି । ସେ କହିଛନ୍ତି ଯେ ସେ ବିରାଟଙ୍କ ଫର୍ମ ପାଇଁ ଅନୁଷ୍କାଙ୍କୁ ଦୋଷ ଦେଇନାହାନ୍ତି । ବରଂ ସେ ସେହି ଭିଡିଓ ସମ୍ପର୍କରେ କହିଥିଲେ ଯେଉଁଥିରେ ବିରାଟ ଲକଡାଉନ ସମୟରେ ଅନୁଷ୍କାଙ୍କ ବୋଲିଂରେ ଅଭ୍ୟାସ କରୁଥିଲେ ।

   Related Posts