Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ମାନିଲା ପାକିସ୍ତାନ: ବାଲାକୋଟ୍‌ ଏୟାର ଷ୍ଟ୍ରାଇକ୍‌ରେ ମରିଛନ୍ତି ୩୦୦ ଆତଙ୍କବାଦୀ

9/01/2021 at 7:52 PM

ନୂଆଦିଲ୍ଲୀ ୦୯/୦୧: ୨୬ ଫେବୃଆରୀ ୨୦୧୯ରେ ଭାରତୀୟ ସେନା କରିଥିବା ବାଲାକୋଟ ଏୟାର ଷ୍ଟ୍ରାଇକ୍‌କୁ ନେଇ ସତ ମାନିଛି ପାକିସ୍ତାନ। ବାଲାକୋଟ ଏୟାର ଷ୍ଟ୍ରାଇକ୍‌ରେ ୩୦୦ ଜଣ ମରିଛନ୍ତି। ଏନେଇ ଏକ ଟିଭି ସୋ’ରେ କହିଛନ୍ତି ପାକିସ୍ତାନର ପୂର୍ବତନ ରାଷ୍ଟ୍ରଦୂତ ଆଘା ହିଲାଲି। ଆଘା ହିଲାଲି ସର୍ବଦା ପାକିସ୍ତାନ ସେନା ପକ୍ଷ ନେଉଥିବା ଦେଖିବାକୁ ମିଳେ। କିନ୍ତୁ ବାଲାକୋଟ ଏୟାର ଷ୍ଟ୍ରାଇକ୍‌ରେ ଇସ୍‌ଲାମାବାଦର ଜିରୋ କାଜୁଆଲିଟି ଦାବିକୁ ଖଣ୍ଡନ କରିଛନ୍ତି ହିଲାଲି।

ପାକିସ୍ତାନର ପାଖଥୁନଖୁଓ୍ବା ଅଞ୍ଚଳରେ ବାଲାକୋଟରେ ଥିବା ଜୈଶ-ଇ ମହମ୍ମଦ ଆତଙ୍କୀ ଟ୍ରେନିଂ କ୍ୟାମ୍ପ ଉପରେ ଭାରତୀୟ ବାୟୁସେନା ଷ୍ଟ୍ରାଇକ୍‌ କରିଥିଲା। କିନ୍ତୁ ସେହି ସମୟରେ ପାକିସ୍ତାନ ସେଠାରେ କୌଣସି ଆତଙ୍କବାଦୀ ନଥିବା ଦାବି କରିଥିଲା।  ପୁଲଓ୍ବାମାରେ ଆତଙ୍କବାଦୀ ଆକ୍ରମଣରେ ୪୦ ଭାରତୀୟ ଯବାନ ସହିଦ ହେବା ପରେ ଭାରତ ପାକିସ୍ତାନରେ ପଶି ଆତଙ୍କବାଦୀଙ୍କୁ ନିପାତ କରିଥିଲା। ଯାହାକୁ ବାଲାକୋଟ ଏୟାର ଷ୍ଟ୍ରାଇକ୍‌ ବୋଲି କୁହାଯାଉଛି। ତେବେ ପାକ୍‌ ଆତଙ୍କବାଦୀ ଫେବୃଆରୀ ୧୪ରେ ଭାରତୀୟ ସେନାର କାଫିଲା ଉପରେ ଆକ୍ରମଣ କରିଥିଲେ। ଯାହାକୁ ଅନ୍ତର୍ଜାତୀୟ ଦେଶ ସମୂହ ଘୋର ନିନ୍ଦା ମଧ୍ୟ କରିଥିଲେ।

ଟିଭିରେ ଡିବେଟ୍‌ ସମୟରେ ଆଘା ହିଲାଲି କହିଛନ୍ତି, ‘ଅନ୍ତର୍ଜାତୀୟ ସୀମା ପାର କରି ଭାରତ ଯୁଦ୍ଧ ଭଳି କାର୍ଯ୍ୟ କରିଥିଲା। ଯେଉଁଥିରେ ୩୦୦ ଜଣ ମୃତ୍ୟୁବରଣ କରିଥିଲେ। ଆମ ଟାର୍ଗେଟ ତାଙ୍କଠୁ ଭିନ୍ନ। ଆମେ ତାଙ୍କର ହାଇ କମାଣ୍ଡଙ୍କୁ ଟାର୍ଗେଟ କଲୁ। ଏହା ଆମର ବୈଧ] ଲକ୍ଷ୍ୟ ଥିଲା କାରଣ ସେମାନେ ସୈନିକ ଥିଲେ। ଆମେ ଚେତନାତ୍ମକ ଭାବରେ ଗ୍ରହଣ କରିଥିଲୁ ଏହା ଏକ ସର୍ଜିକାଲ୍ ଷ୍ଟ୍ରାଇକ୍ – ଏକ ସୀମିତ କାର୍ଯ୍ୟ  । ବର୍ତ୍ତମାନ ଆମେ ସେମାନଙ୍କୁ କହୁଛୁ ଯେ ସେମାନେ ଯାହା କରିବେ, ଆମେ ତାଠୁ ଅଧିକ କରିବୁ ଏବଂ ଛାଡ଼ିବୁ ନାହିଁ।’

ତେବେ ଆଘା ହିଲାଲିଙ୍କ ଏହି ବୟାନ, ମୁସଲିମ୍‌ ଲିଗ୍‌ ନେତା ଆୟାଜ ସାଦିକଙ୍କ ବୟାନର କିଛି ମାସ ପରେ ଆସିଛି। ଅକ୍ଟୋବର ୨୦୨୦ରେ ଦେଶର ଜାତୀୟ ସଭାରେ ଆୟାଜ ସାଦିକ କହିଥିଲେ ଯେ ବୈଦେଶିକ ମନ୍ତ୍ରୀ ଶାହା ମହମଦ କୁରେଶି ଏକ ଗୁରୁତ୍ବପୂର୍ଣ୍ଣ ବୈଠକରେ ସୂଚାଇ ଦେଇଛନ୍ତି ଯେ ଯଦି ପାକିସ୍ତାନ ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ମୁକ୍ତ ନକରେ ତେବେ ଭାରତ ପାକିସ୍ତାନ ଉପରେ ସେହି ରାତି ୯ ରେ ଆକ୍ରମଣ କରିବ । ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ଭାରତକୁ ଫେରାଇବା ପାଇଁ କାହିଁକି ପାକିସ୍ତାନ ବାଧ୍ୟ ହୋଇଥିଲା ସେନେଇ ସେ କହିଥିଲେ।

   Related Posts