Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଉଦ୍ଧବଙ୍କ ଉପରେ ବର୍ଷିଲେ ପୂର୍ବତନ ନେଭି ଅଫିସର, କହିଲେ- ଯଦି ଆଇନ ଶୃଙ୍ଖଳା ସମ୍ଭାଳି ପାରୁନ, ପଦରୁ ଇସ୍ତଫା ଦିଅ

12/09/2020 at 8:13 PM

ମୁମ୍ବାଇ ୧୨।୦୯: ହ୍ଵାଟ୍ସଆପରେ କେବଳ ଗୋଟିଏ କାର୍ଟୁନ ସେୟାର କରିବା ନେଇ ଶିବସେନା କର୍ମକର୍ତ୍ତାଙ୍କ ଆକ୍ରମଣର ଶିକାର ହୋଇଥିବା ପୂର୍ବତନ ନୌସେନା ଅଧିକାରୀ ମଦନ ଶର୍ମା ନିଜର କ୍ରୋଧ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଉପରେ ଝାଡିଛନ୍ତି। ସେ ଶାଣିତ ସ୍ଵରରେ କହିଛନ୍ତି ଯଦି ଉଦ୍ଧବ ଠାକରେ ରାଜ୍ୟର ଆଇନ ଶୃଙ୍ଖଳା ବ୍ୟବସ୍ଥା ସମ୍ଭାଳି ପାରୁ ନାହାନ୍ତି ତେବେ ତୁରନ୍ତ ନିଜ ପଦରୁ ଇସ୍ତଫା ଦିଅନ୍ତୁ। ମଦନ ଶର୍ମା କହିଛନ୍ତି ଉଦ୍ଧବ ଠାକରେଙ୍କ ସମସ୍ତ କର୍ମକର୍ତ୍ତା ଦେଶକୁ କ୍ଷମା ମାଗିବା ଉଚିତ୍।

ଶନିବାର  ସନ୍ଧ୍ୟାରେ ନିଜ ଘର ବାହାରେ ଗଣମାଧ୍ୟମକୁ ସମ୍ବୋଧିତ କରି ନୌସେନାର ଅବସରପ୍ରାପ୍ତ ଅଧିକାରୀ କହିଛନ୍ତି, ମୁଁ ଆହତ ଅଛି ଏବଂ ମର୍ମାହତ। ମୋ ସହିତ ଯାହା କିଛି ହେଲା ତାହା ଅତ୍ୟନ୍ତ ନୈରାଶ୍ୟଜନକ। ମୁଁ ଉଦ୍ଧବ ସରକାରଙ୍କୁ ସ୍ପଷ୍ଟ ଶବ୍ଦରେ କହିବାକୁ ଚାହୁଁଛି ଯେ ଆପଣ ଯଦି ଆଇନ ଶୃଙ୍ଖଳା ବ୍ୟବସ୍ଥା ସମ୍ଭାଳି ପାରୁ ନାହାନ୍ତି ତେବେ ପଦରୁ ଇସ୍ତଫା ଦେଇ ଦିଅନ୍ତୁ। ଲୋକଙ୍କୁ ସ୍ଥିର କରିବାକୁ ଦିଅନ୍ତୁ ସେ କାହାକୁ ଦାୟିତ୍ଵ ଦେବାକୁ ଚାହୁଁଛନ୍ତି।

ସେ କହିଛନ୍ତି ଉଦ୍ଧବ ଠାକରେଙ୍କ ପ୍ରତିଟି କର୍ମକର୍ତ୍ତାଙ୍କୁ ପୂରା ଦେଶ ସାମ୍ନାରେ କ୍ଷମା ମାଗିବା ଉଚିତ୍ ଯେ ଏମିତି ଘଟଣା ଯେମିତି କେବେ ବି ପୁନର୍ବାର ନଘଟେ। ଉଲ୍ଲେଖଯୋଗ୍ୟ, ଶୁକ୍ରବାର ଆକ୍ରମଣ ପରେ ସମତା ନଗର ପୋଲିସ ଷ୍ଟେସନକୁ ଏଫଆଇଆର ରୁଜୁ ପାଇଁ ଯାଇଥିବା ପୂର୍ବତନ ନୌସେନା ଅଧିକାରୀ ମଦନ ଶର୍ମା ରାଜ୍ୟର ରାଷ୍ଟ୍ରପତି ଶାସନ ଲାଗୁ କରିବା ଏବଂ ପୁନର୍ବାର ନିର୍ବାଚନ କରିବାକୁ ଦାବି କରିଥିଲେ।

ମଦନ ଶର୍ମାଙ୍କ ଉପରେ ଆକ୍ରମଣ ମାମଲାରେ ଶିବସେନାର କର୍ମକର୍ତ୍ତା କମଲେଶ କଦମଙ୍କ ସହିତ ଅନ୍ୟ ପାଞ୍ଚ ଜଣଙ୍କୁ ଗିରଫ କରାଯାଇଥିଲା। ହେଲେ କିଛି ସମୟ ପରେ ସଭିଙ୍କୁ ଜାମିନ ମିଳି ଯାଇଛି। ଆକ୍ରମଣକାରୀଙ୍କୁ ଜାମିନ ମିଳିବା ନେଇ ଶର୍ମା କହିଛନ୍ତି, ଏହି ଲୋକ ମୋର ପିଲାମାନଙ୍କୁ, ମୋର ପରିବାର ଏବଂ ମୋର କ୍ଷତି ଘଟାଇ ପାରନ୍ତି। ମୁଁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରୁଛି ଯେ, ମୋତେ ଏବଂ ମୋର ପରିବାର ସଦସ୍ୟୂଙ୍କୁ ସୁରକ୍ଷା ଦିଅନ୍ତୁ।

   Related Posts