Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୂକମ୍ପରେ ଥରିଲା ଋଷ୍ ଏବଂ ଆର୍ଜେଣ୍ଟିନାରେ, ରିକ୍ଟର ସ୍କେଲରେ ୬.୪ ଓ ୬.୩ ତୀବ୍ରତା
  • ||
  • କରୋନା କବଳରୁ ବର୍ତ୍ତିବା ପାଇଁ ଶ୍ରୀଲଙ୍କା ଜେଲ୍‌ରେ କଏଦୀଙ୍କ ଭୟଙ୍କର ଦଙ୍ଗା : ୮ମୃତ
  • ||
  • ନୂଆଦିଲ୍ଲୀ : ସନ୍ଦୀପ କଟାରିଆ ହେଲେ ବାଟା ଗ୍ଲୋବାଲର ସିଇଓ, ପ୍ରଥମ ଭାରତୀୟ ଭାବେ ମିଳିଲା ଦାୟିତ୍ୱ
  • ||
  • ଲ୍ୟାଣ୍ଡମାଇନ୍ ବିସ୍ଫୋରଣରେ ଉଡିଲା ଟାଟା ସୁମୋ, ୨ ଗୁରୁତର
  • ||

ଦାମ-ବୈଜୟନ୍ତ ଆଲୋଚନା : ଭିନ୍ନ ଏକ ରାଜନୈତିକ ସମୀକରଣର ସମ୍ଭାବନା !

13/09/2018 at 10:20 AM

ଭୁବନେଶ୍ବର ୧୩|୯: ବିଜୁ ଜନତା ଦଳରୁ ବହିଷ୍କୃତ ହୋଇଥିବା ପାରାଦୀପ ବିଧାୟକ ଡାକ୍ତର ଦାମୋଦର ରାଉତଙ୍କୁ ଭେଟିଛନ୍ତି ପୂର୍ବତନ ସାଂସଦ ବୈଜୟନ୍ତ ପଣ୍ଡା । ଆଜି ସକାଳ ୮ଟା ୪୫ମିନିଟ୍ ରେ ଦୁଇ ନେତା ଦୀର୍ଘ ୨୦ମିନିଟ୍ ଧରି ଆଲୋଚନା କରିଛନ୍ତି । ଏହି ସାକ୍ଷାତ ଓ ଆଲୋଚନା ସୌଜନ୍ୟମୂଳକ ବୋଲି ବୈଜୟନ୍ତ ପଣ୍ଡା କହିଛନ୍ତି । ତେବେ ଏହି ସାକ୍ଷାତ ଆଲୋଚନା ପଛରେ ଏକ ଭିନ୍ନ ରାଜନୈତିକ ସମୀକରଣର ସମ୍ଭାବନା ରହିଥିବା ସ୍ପଷ୍ଟ ଜଣାପଡୁଛି । ସୂଚନା ଯୋଗ୍ୟ ଯେ, ଗତ ଜାନୁଆରୀ ୨୪ ତାରିଖରେ ବୈଜୟନ୍ତଙ୍କୁ ମଧ୍ୟ ଦଳବିରୋଧୀ କାର୍ଯ୍ୟ ଅଭିଯୋଗରେ ଦଳରୁ ନିଲମ୍ବିତ କରାଯାଇଥିଲା ଏବଂ ମେ’ ମାସରେ ବୈଜୟନ୍ତ ଦଳ ପରିତ୍ୟାଗ କରିଥିଲେ ।

ସାକ୍ଷାତ ଆଲୋଚନା ପରେ ଗଣମାଧ୍ୟମକୁ ପ୍ରତିକ୍ରିୟା ଦେବାବେଳେ ଉଭୟ ନେତା ନବୀନଙ୍କ ଉପରେ ବର୍ଷିଛନ୍ତି । ନବୀନ ନଯିବା ଯାଏଁ ରାଜ୍ୟର ମଙ୍ଗଳ ନାହିଁ ବୋଲି କହିଛନ୍ତି । ସବୁ ନବୀନ ବିରୋଧୀ ଏକାଠି ହେବେ କି ବୋଲି ପ୍ରଶ୍ନର କୌଣସି ସିଧାସଳଖ ଉତ୍ତର ଉଭୟ ଦେଇନଥିଲେ ମଧ୍ୟ ସେଭଳି ସମ୍ଭାବନାକୁ ଖଣ୍ଡନ ମଧ୍ୟ କରିନାହାନ୍ତି ।

ଯିଏ ଅଭିଯୋଗ କରୁଛି ଦଳ ତା ବିରୋଧରେ କାର୍ଯ୍ୟାନୁଷ୍ଠାନ ନେବା ଦୁର୍ଭାଗ୍ୟଜନକ ବୋଲି ବୈଜୟନ୍ତ କହିଛନ୍ତି । ଆଗାମୀ ଦିନରେ ଏ ସଂପର୍କରେ ନିଷ୍ପତ୍ତି ନିଆଯିବ ବୋଲି ସେ ସଂକେତ ଦେଇଛନ୍ତି । ଅନ୍ୟ ପକ୍ଷରେ ଡାକ୍ତର ରାଉତ ଚିରାଚରିତ ଭାବେ ନବୀନଙ୍କୁ ଆକ୍ଷେପ କରିବା ସହ ଦୁର୍ନୀତି ବିରୋଧରେ ସଂଗ୍ରାମ ପାଇଁ ଆନ୍ନା ହଜାରେଙ୍କ ଭଳି ସମଗ୍ର ରାଜ୍ୟ ପରିକ୍ରମା କରିବେ ବୋଲି କହିଛନ୍ତି । ତାଙ୍କ ବହିଷ୍କାରରେ ଖୁସି ହୋଇ ଜଗତସିଂହପୁର ବିଜେଡି ସଭାପତି ବିଷ୍ଣୁ ଦାସ ଜଗତସିଂହପୁରରେ ବାଣ ଫୁଟାଇଛନ୍ତି । କିନ୍ତୁ ବାଣ କେମିତି ଫୁଟେ ତାହା ସେ ଜଗତସିଂହପୁର ଗଲେ ବୁଝାଇଦେବେ ବୋଲି ମଧ୍ୟ କହିଛନ୍ତି । ଦାମ ଅତୀତରେ ଗଢିଥିବା ବିଜୁ ବିଚାର ମଞ୍ଚକୁ ସକ୍ରିୟ କରିବେ ବୋଲି ମଧ୍ୟ ସଂକେତ ଦେଇଛନ୍ତି ।

   Related Posts