Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ପୂର୍ବତନ ମିସ୍‌ ଇଂଡିଆଙ୍କ ସହ ହୋଇଥିଲା ଏହି ଘଟଣା, ଫେସବୁକ୍‌ରେ ପୋଷ୍ଟ କରିବା ପରେ ଗିରଫ ହେଲେ ୭

19/06/2019 at 11:35 AM

୨୦୧୦ ମସିହା ମିସ ଇଂଡିଆ ୟୁନିଭର୍ସ କ୍ରାଉନ ହାସଲ କରିଥିବା ଉଶୋସି ସେନଗୁପ୍ତା ତାଙ୍କ ଫେସବୁକ୍‌ରେ ଏକ ଗୁରୁତ୍ବପୂର୍ଣ୍ଣ ଘଟଣା ସେୟାର କରିଛନ୍ତି। ଏହି ଘଟଣା ବିଷୟରେ ସେ ସୋସିଆଲ ମିଡିଆରେ ପ୍ରକାଶ କରିବା ପରେ ପୋଲିସ ୭ ଜଣଙ୍କୁ ଗିରଫ କରିଛି।

ଉଶୋସି ଲେଖିଛନ୍ତି ଯେ, ଗତ ସୋମବାର ରାତି ୧୧ ଟା ୪୦ ପାଖାପାଖି ସେ ନିଜ କାମ ସାରି JW ମୈରିଅଟ୍‌ ହୋଟେଲରୁ ଘରକୁ ଫେରୁଥିଲେ। ଉଶୋସିଙ୍କ ସହ ତାଙ୍କ ସହକର୍ମୀ ମଧ୍ୟ ଥିଲେ। ଉଭୟ ଉବର କ୍ୟାବ ବୁକ୍‌ କରି ଫେରୁଥିଲେ। ଅଧା ରାସ୍ତାରେ କିଛି ଯୁବକଙ୍କ ବାଇକ୍‌ ସେହି କ୍ୟାବ ସହ ଧକ୍କା ହୋଇଥିଲା। ଏହା ପରେ ଯୁବକମାନେ ସେହି କ୍ୟାବ୍‌କୁ ଅଟକାଇ ଡ୍ରାଇଭରକୁ ଗାଡିରୁ ଭିଡିଆଣି ତାଙ୍କୁ ପିଟିବାକୁ ଲାଗିଲେ। ।

ଉଶୋସି ନିଜ ପୋଷ୍ଟରେ ଲେଖିଥିଲେ ଯେ, ଘଟଣାସ୍ଥଳରେ ଜଣେ ପୋଲିସ ଅଧିକାରୀଙ୍କୁ ଦେଖି ସେ ଅଭିଯୋଗ କରିଥିଲେ। ସେହି ଯୁବକମାନଙ୍କୁ ଅଟକାଇବା ପାଇଁ ପୋଲିସ ଅଧିକାରୀଙ୍କୁ ଉଶୋସି କହିଥିଲେ। କିନ୍ତୁ ପୋଲିସ ତାଙ୍କୁ କହିଥିଲା ଯେ, ସେହି ଅଞ୍ଚଳ ତାଙ୍କ ପୋଲିସ ଷ୍ଟେସନ ଅଧିନରେ ଯାଏ ନାହିଁ । ସେହି ଅଞ୍ଚଳ ଭବାନିପୁର ପୋଲିସ ଷ୍ଟେସନର ଅଧିନରେ ଯାଏ। ମାତ୍ର ଉଶୋସି ବାରମ୍ବାର ଅନୁରୋଧ କରିଥିବାରୁ ପୋଲିସ ଯାଇ ଯୁବକଙ୍କୁ ଧରିଥିଲେ। ହେଲେ ଯୁବକମାନେ ପୋଲିସ ଅଧିକାରୀଙ୍କୁ ଧକ୍କା ଦେଇ ଘଟଣାସ୍ଥଳରୁ ପଳାଇଯାଇଥିଲେ।

କିଛି ସମୟ ପରେ ଭବାନିପୁର ପୋଲିସ ଷ୍ଟେସନରୁ ୨ ଜଣ ଅଧିକାରୀ ଘଟଣା ସ୍ଥଳରେ ପହଞ୍ଚିଥିଲେ। ରାତି୧୨ଟା ସମୟରେ ସେଠାରେ ଉଶୋସି ଓ ତାଙ୍କ ସହକର୍ମୀଙ୍କ ବ୍ୟତୀତ ଅନ୍ୟକେହି ନଥିଲେ। ଏହା ପରେ ଡ୍ରାଇଭରକୁ ଉଶୋସି ଉଭୟଙ୍କୁ ଘରେ ଛାଡିବା ପାଇଁ କହିଥିଲେ। ଉଶୋସି ସେହି ସମୟରେ ନିଷ୍ପତ୍ତି ନେଇଥିଲେ ଯେ ସକାଳେ ଉଠି ପ୍ରଥମେ ସେ ପୋଲିସ ଷ୍ଟେସନ ଯିବେ।

ଉଶୋସି ସେନଗୁପ୍ତା ଏହି ପୋଷ୍ଟରେ କୋଲକାତା ପୋଲିସ ସହିତ ମିଡିଆ ଚ୍ୟାନଲ ଓ ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କୁ ଟ୍ୟାଗ୍‌ କରିଛନ୍ତି। ସୋସିଆଲ ମିଡିଆରେ ଉଶୋସି ପୋଷ୍ଟ କରିବା ପରେ ପୋଲିସ କହିଛି ଯେ, ଏହି ମାମଲାରେ ୭ ଜଣଙ୍କୁ ଗିରଫ କରାଯାଇସାରିଛି । ମାମଲା ରୁଜୁ ନହୋଇଥିଲେ ମଧ୍ୟ ପୋଲିସ କମିଶନରଙ୍କ ଆଦେଶରୁ ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଉଛି ।

   Related Posts