ଭୁବନେଶ୍ବର ୩୦|୩: ଯାଜପୁରର ପୂର୍ବତନ ସାଂସଦ ମୋହନ ଜେନା ବିଜେପିରେ ଯୋଗଦେଇଛନ୍ତି । ଗତ ୨୮ତାରିଖରେ ସେ ବିଜେଡିରୁ ଇସ୍ତଫା ଦେଇଥିଲେ । ଯାଜପୁର ଲୋକସଭା ଆସନରୁ ସେ ଟିକେଟ୍ ପାଇଁ ଆଶାୟୀ ଥିଲେ । ତେବେ ଚଳିତ ଥର ବିଜେଡି ଯାଜପୁରରୁ ସସ୍ମିତା ସେଠୀଙ୍କୁ ପ୍ରାର୍ଥୀ କରିଛି । ତାଙ୍କୁ ଟିକେଟ୍ ନମିଳିବା ଯୋଗୁଁ ସେ ଦଳ ଛାଡିଥିବା କହିଥିଲେ ।
ସୂଚନାଯୋଗ୍ୟ ଯେ, ୨୦୦୪ ଓ ୨୦୦୯ ସାଧାରଣ ନିର୍ବାଚନରେ ମୋହନ ଜେନା ଯାଜପୁର ଲୋକସଭା ଆସନରୁ ବିଜେଡିର ପ୍ରାର୍ଥୀ ହୋଇ ଲୋକସଭାକୁ ନିର୍ବାଚିତ ହୋଇଥିଲେ । ତେବେ ୨୦୧୪ ସାଧାରଣ ନିର୍ବାଚନ ବେଳେ ତାଙ୍କୁ ଟିକେଟ୍ ମିଳିନଥିଲା । ସେଠାରୁ ବିଜେଡି ରୀତା ତରେଇଙ୍କୁ ପ୍ରାର୍ଥୀ କରିଥିଲା ଦଳ । ରୀତା ତରେଇ ବିଜୟୀ ହୋଇଥିଲେ ।