ରୋମ୍ ୪/୯: ଦେଶବ୍ୟାପି କରୋନା ମହାମାରୀର ପ୍ରକୋପ ଏବେ ବି ଜାରି ରହିଛି। ଲଗାତାର ବର୍ଦ୍ଧିତ ସଂକ୍ରମଣ ଯୋଗୁଁ ସବୁ ବର୍ଗର ଲୋକେ ଏହା ଦ୍ବାରା ପ୍ରଭାବିତ ହେଉଛନ୍ତି। ବର୍ତ୍ତମାନ ଇଟାଲୀର ପୂର୍ବତନ ପ୍ରଧାନମନ୍ତ୍ରୀ ସିଲଭିଓ ବର୍ଲୁସ୍କୋନି ଏହା କବଳରେ ଆସି ଯାଇଛନ୍ତି।

କୋଭିଡ-୧୯ରେ ସଂକ୍ରମିତ ହେବା ପରେ ୮୩ବର୍ଷ ବୟସ୍କ ବର୍ଲୁସ୍କୋନିଙ୍କୁ ଡାକ୍ତରଙ୍କ ନିରୀକ୍ଷଣରେ ରଖିବା ପାଇଁ ଶୁକ୍ରବାର ସକାଳେ ମିଲାନର ଏକ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ରାଜନୈତିକ ପାର୍ଟି ତରଫରୁ ବୟାନରେ କୁହାଯାଇଛି ଯେ ସେ ପୂରାପୂରି ଠିକ୍ ଅଛନ୍ତି।