Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଇଂଲଣ୍ଡକୁ ପୂର୍ବତନ କ୍ରିକେଟର କେଭିନ୍‌ ପିଟରସନଙ୍କ ଜବାବ : ‘ଟିମ୍‌ ଇଣ୍ଡିଆକୁ ଆଙ୍ଗୁଳି ଉଠାଇବା ଉଚିତ ନୁହେଁ, ଆଇନାରେ ନିଜ ମୁହଁ ଦେଖୁ ଇଂଲିସ୍‌ କ୍ରିକେଟ ବୋର୍ଡ’

10/09/2021 at 8:04 PM

ନୂଆଦିଲ୍ଲୀ ୧୦/୦୯ : ଭାରତ ଏବଂ ଇଂଲଣ୍ଡ ମଧ୍ୟରେ ହେବାକୁ ଥିବା ୫ମ ଟେଷ୍ଟ ବାତିଲ ହୋଇଯାଇଛି । ତେବେ ପୁଣି ଥରେ ମ୍ୟଚେ୍‌ ଖେଳାଯିବା ପେଇ କସରତ ଆରମ୍ଭ କରିଛନ୍ତି ଉଭୟ କ୍ରିକେଟ ବୋର୍ଡ । ଭାରତୀୟ ଶିବିରରେ କରୋନା ପଶିବା ପରେ ୫ମ ଟେଷ୍ଟକୁ ବାତିଲ କରିଦିଆଯାଇଛଇ । ପରେ ଉଭୟ କ୍ରିକେଟ ବୋର୍ଡ ପକ୍ଷରୁ ଗଳା ବାଟ ବାହାର କରିବା ପାଇଁ ଉଦ୍ୟମ ଆରମ୍ଭ ହୋଇଛି । ଖେଳାଳିଙ୍କ ସୁରକ୍ଷାକୁ ଦୃଷ୍ଟିରେ ରଖି ଆଗାମୀ ପଦକ୍ଷେପ ନିଆଯିବ ବୋଲି ଜଣାପଡିଛି ।

ତେବେ ଶେଷ ଟେଷ୍ଟ ବାତିଲ ହେବାକୁ ନେଇ ଅନେକ ପୂର୍ବତନ ଖେଳାଳି ବିଭିନ୍ନ ମତ ଦେଉଛନ୍ତି । କ୍ରିକେଟ ଇଂଲଣ୍ଡ ମଧ୍ୟ ଭାରତକୁ ଦାୟୀ କରିଥିଲା । ଜାଣିଶୁଣି ଭାରତୀୟ ଖେଳାଳିମାନେ ଖେଳିବାକୁ ମନାକରିଦେଇଥିବା ଅଭିଯୋଗ କରିଥିଲା ଇଂଲିସ୍‌ କ୍ରିକେଟ ବୋର୍ଡ । ଏହାକୁ ନେଇ ବୟାନ ଦେଇଛନ୍ତି ଇଂଲଣ୍ଡର ପୂର୍ବତନ ଭେଟେରାନ୍‌ କ୍ରିକେଟର କେଭିନ୍‌ ପିଟରସନ୍ ।

ପିଟରସନ୍‌ କହିଛନ୍ତି, ‘ଭାରତ ଉପରକୁ ଆଙ୍ଗୁଳି ଉଠାଇବା ଠିକ୍‌ କଥା ନୁହେଁ । ଅନ୍ୟକୁ କିଛି କହିବା ପୂର୍ବରୁ ଇଂଲଣ୍ଡ ନିଜ କଥା ଭାବୁ । ଦକ୍ଷିଣ ଆଫ୍ରିକ ଗସ୍ତ ସମୟରେ କରୋନା ସଂକ୍ରମଣ ଭୟରେ ସିରିଜ୍‌ ନଖେଳି ଫେରିଆସିଥିଲା ଇଂଲଣ୍ଡ ଟିମ । ଯାହା ଫଳରେ ପ୍ରଚୁର ଆର୍ଥିକ କ୍ଷତି ସହିଥିଲା କ୍ରିକେଟ ଦକ୍ଷିଣ ଆଫ୍ରିକା । ତେଣୁ ଏଠି ଭାରତକୁ ଅଙ୍ଗୁଳି ନିର୍ଦେଶ କରିବା ବନ୍ଦ କରୁ ଇଂଲଣ୍ଡ ଟିମ ।’

ଅଷ୍ଟେ୍ରଲିଆର ପୂର୍ବତନ ମହାନ କ୍ରିକେଟର ସେନ୍‌ ଓ୍ବର୍ଣ୍ଣ ମଧ୍ୟ ଏହାକୁ ନେଇ ନିରାଶବ୍ୟକ୍ତ କରିଛନ୍ତି । ସେ ଟ୍ବିଟ୍‌ କରି କହିଛନ୍ତି, ‘ଭାରତ ଏବଂ ଇଂଲଣ୍ଡ ମଧ୍ୟରେ ଜାରି ରହିଥିବା ଟେଷ୍ଟ ସିରିଜ୍ ବାତିଲ ହୋଇଯିବା ଅତ୍ୟନ୍ତ ନୈରାଶ୍ୟଜନକ । ଉଭୟ ଟିମ ମଧ୍ୟରେ ଖୁବ ସୁନ୍ଦର ସିରିଜ୍‌ ଜାରି ରହିଥିଲା ।’

ସେହିଭଳି ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭନ୍ ଟ୍ବିଟ୍ କରି କହିଛନ୍ତି, ‘ଇଂଲଣ୍ଡ କ୍ରିକେଟର କରିମା କ୍ଷୁର୍ଣ୍ଣ କରିଛି ଭାରତ । କିନ୍ତୁ ଇଂଲଣ୍ଡ ମଧ୍ୟ ଦକ୍ଷିଣ ଆଫ୍ରିକା ଗସ୍ତ ସମୟରେ ତାହା ହିଁ କରିଥିଲା । ତେଣୁ ଅନ୍ୟକୁ କହିବା ପୂର୍ବରୁ ଭାବିବା ଆବଶ୍ୟକ ।’

ଇଂଲଣ୍ଡର ପୂର୍ବତନ ବ୍ୟାଟ୍ସମ୍ୟାନ୍‌ ମାର୍କ ବୌଚର କହିଛନ୍ତି, ‘ଆସନ୍ତା ସେପ୍ଟେମ୍ବର ୧୯ ତାରିଖରୁ ୟୁଏଇରେ ଆରମ୍ଭ ହେବାକୁ ଯାଉଛି ଆଇପିଏଲ୍‌ର ଅବଶିଷ୍ଟ ମ୍ୟାଚ୍‌ । ଯଦି ଭାରତୀୟ ଖେଳାଳି ସଂକ୍ରମିତ ଚିହ୍ନଟ ହୁଅନ୍ତି ତେବେ ସେମାନଙ୍କୁ ୧୦ ଦିନ ପାଇଁ ପୃଥକବାସରେ ରହିବାକୁ ହେବ । ଏହି କାରଣରୁ ଭାରତୀୟ ଦଳ ଅନ୍ତିମ ଟେଷ୍ଟକୁ ବାତିଲ କରିଦେଇଥାଇପାରେ ।’

ସୂଚନାଯୋଗ୍ୟ, ଚତୁର୍ଥ ଟେଷ୍ଟ ଜାରି ରହିଥିବା ବେଳେ ଭାରତୀୟ କ୍ରିକେଟ ଟିମର ସହଯୋଗୀ ସଦସ୍ୟ ଏବଂ ମୁଖ୍ୟ କୋଚ୍‌ ରବି ଶାସ୍ତ୍ରୀ କରୋନା ସଂକ୍ରମିତ ହୋଇଥିବା ଜଣାପଡିଥିଲା । ଏହା ପରେ ଗତକାଲି ସହଯୋଗୀ ଫିଜିଓ ଯୋଗେଶ ପରମାର କରୋନା ଆକ୍ରାନ୍ତ ହୋଇଥିବା ନେଇ ଜଣାପଡିବା ପରେ ତାଙ୍କୁ ଆଇସୋଲେସନ​ରେ ରଖାଯାଇଛି । ଏକାଧିନ ସଦସ୍ୟ ସଂକ୍ରମିତ ଚିହ୍ନଟ ହେବାପରେ ୫ମ ଟେଷ୍ଟ ହେବା ନହେବା ନେଇ ଆଶଙ୍କା ଦେଖାଦେଇଥିଲା । ଶେଷର ଆଜି ଶେଷ ଟେଷ୍ଟକୁ ବାତିଲ କରିଦିଆଯାଇଛି ।

   Related Posts