Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ନାସିର ହୁସେନ ବାଛିଲେ ନିଜର ଆଇପିଏଲ ୨୦୨୦ ଟିମ୍, ରୋହିତ-ବିରାଟଙ୍କୁ ଦେଲେନି ଜାଗା, ଏହି ଖେଳାଳିଙ୍କୁ କଲେ ଅଧିନାୟକ

13/11/2020 at 3:52 PM

ନୂଆଦିଲ୍ଲୀ ୧୩।୧୧: ଇଂଲଣ୍ଡର ପୂର୍ବତନ ଅଧିନାୟକ ନାସିର ହୁସେନ ନିକଟରେ ସଂପନ୍ନ ଆଇପିଏଲ ୨୦୨୦ ପାଇଁ ନିଜର ଦଳ ଗଠନ କରିଛନ୍ତି। ଦୁବାଇରେ ଖେଳାଯାଇଥିବା ୧୩ତମ ସଂସ୍କରଣର ଫାଇନାଲ ମୁକାବିଲାରେ ମୁମ୍ବାଇ ଇଣ୍ଡିଆନ୍ସ ଦିଲ୍ଲୀ କ୍ୟାପିଟାଲ୍ସକୁ ୫ ଓ୍ଵିକେଟ୍‌ରେ ପରାସ୍ତ କରି ପଞ୍ଚମ ଥର ଟାଇଟଲ ନିଜ ନାମର କରିଛି। କାରୋନା ଭାଇରସ୍ ମହାମାରୀ କାରଣରୁ ଆଇପିଏଲ ସେପ୍ଟେମ୍ବର ୧୯ରେ ନଭେମ୍ଵର ୧୦ ପର୍ଯ୍ୟନ୍ତ ୟୁଏଇରେ ଜୈବ ବିବିଧତା ମଧ୍ୟରେ ଖେଳା ଯାଇଛି।

ଟୂର୍ଣ୍ଣାମେଣ୍ଟ ସମାପ୍ତ ପରେ ଇଂଲଣ୍ଡର ପୂର୍ବତନ ଅଧିନାୟକ ନାସିର ହୁସେନ  ଆଇପିଏଲ ୨୦୨୦ର ଖେଳାଳି ଏକାଦଶ ପ୍ରସ୍ତୁତ କରିଛନ୍ତି। ଏହି ଖେଳାଳି ଏକାଦଶରେ ନାସିର ରୋହିତ ଶର୍ମା ଏବଂ ବିରାଟ କୋହଲିଙ୍କୁ ସ୍ଥାନ ଦେଇ ନାହାନ୍ତି। ହେଲେ ମୁମ୍ବାଇ ଇଣ୍ଡିଆନ୍ସକୁ ପଞ୍ଚମ ଥର ଆଇପିଏଲ ଜିତାଇଥିବା ଅଧିନାୟକ ରୋହିତ ଶର୍ମା ଏହି ଏକାଦଶରେ ନରହିବା ସମସ୍ତଙ୍କୁ ଚକିତ କରିଛି। ନାସିର ନିଜର ଟିମ୍‌ରେ ଓପନର ଭାବେ କିଙ୍ଗ୍ସ ଏକାଦଶ ପଞ୍ଜାବର ଲୋକେଶ ରାହୁଲ ଓ ଦିଲ୍ଲୀ  କ୍ୟାପିଟାଲ୍ସର ଶିଖର ଧାଓ୍ଵନଙ୍କୁ ଚୟନ କରିଛନ୍ତି।

ନାସିର ନିଜର ଆଇପିଏଲ ୨୦୨୦ ଟିମ୍‌ର ଅଧିନାୟକ କେଏଲ ରାହୁଲଙ୍କୁ କରିଛନ୍ତି। ଯାହା ଚକିତକର ହୋଇଛି। ତୃତୀୟ ନମ୍ବରରେ ବ୍ୟାଟିଂ ପାଇଁ ସେ ମୁମ୍ବାଇ ଇଣ୍ଡିଆନ୍ସର ସୂର୍ଯ୍ୟକୁମାର ଯାଦବଙ୍କୁ ଚୟନ କରିଥିବ ବେଳେ ଚତୁର୍ଥ ଅର୍ଡର ପାଇଁ ମୁମ୍ବାଇ ଇଣ୍ଡିଆନ୍ସର ଇଶାନ କିଷନଙ୍କୁ ଚୟନ କରିଛନ୍ତି। ସୁର୍ଯ୍ୟକୁମାର ଯାଦବଙ୍କ ଚଳିତ ଆଇପିଏଲରେ ପ୍ରଦର୍ଶନ ପ୍ରଶଂସନୀୟ ରହିଛି। ସେ ୧୬ଟି ମ୍ୟାଚ୍‌ରେ ୧୪୦ ଷ୍ଟ୍ରାଇକ୍‌ ରେଟ୍‌ରେ ୪୮୦ ରନ କରିଥିଲେ।

ନାସିର ଷଷ୍ଠ ନମ୍ବର ପାଇଁ ବ୍ୟାଟସମ୍ୟାନ ତଥା ଓ୍ଵିକେଟ୍ କିପିଂ ପଇଁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଏବି ଡିଭିଲିୟର୍ସଙ୍କୁ ଦଳରେ ସ୍ଥାନ ଦେଇଛନ୍ତି। ଅନ୍ୟପଟେ ଅଲରାଉଣ୍ଡର ଭାବେ ହାର୍ଦ୍ଦିକ ପାଣ୍ଡ୍ୟାଙ୍କୁ ଦଳରେ ସ୍ଥାନ ଦିଆଯାଇଛି। ବୋଲର ଭାବେ ଜୋଫ୍ରା ଆର୍ଚର, ରାଶିଦ ଖାନ, କାଗିସୋ ରାବଡା, ଯଶପ୍ରୀତ ବୁମରା ଓ ଟ୍ରେଣ୍ଟ ବୋଲ୍ଟଙ୍କୁ ସାମିଲ କରାଯାଇଛି।

ନାସିର ହୁସେନଙ୍କ ଆଇପିଏଲ ୨୦୨୦ର ଟିମ୍

କେଏଲ ରାହୁଲ(ଅଧିନାୟକ), ଶିଖର ଧାଓ୍ଵନ, ସୂର୍ଯ୍ୟକୁମାର ଯାଦବ, ଇଶାନ କିଷନ, ଏବି ଡିଭିଲିୟର୍ସ(ଓ୍ଵିକେଟ୍ କିପର) ହାର୍ଦ୍ଦିକ ପାଣ୍ଡ୍ୟା, ଜୋଫ୍ରା ଆର୍ଚର, ରାଶିଦ ଖାନ, କାଗିସୋ ରାବଡା, ଯଶପ୍ରୀତ ବୁମରା ଓ ଟ୍ରେଣ୍ଟ ବୋଲ୍ଟ।

   Related Posts