ନୂଆଦିଲ୍ଲୀ ୦୩/୧୨: ମହାକାଶରେ ଭ୍ରମଣ କରିବାରେ ଆମାଜନ୍ ପ୍ରତିଷ୍ଠାତା ଜେଫ୍ ବେଜୋସ୍ ସବୁଠାରୁ ଧନୀ ବ୍ୟକ୍ତି । ବେଜୋସ୍ ଚଳିତ ବର୍ଷ ଜୁଲାଇରେ ତାଙ୍କ ସ୍ପେସ୍ କମ୍ପାନୀ ବ୍ଲୁ ଅରିଜିନ୍ ରକେଟରେ ମହାକାଶକୁ ଯାତ୍ରା କରିଥିଲେ । ପୃଥିବୀ ବାହାରେ ସ୍ପେସ୍ ସୀମାରେ ପ୍ରାୟ ୧୦ ମିନିଟ୍ ବିତାଇବା ପରେ, ତାଙ୍କ ଯାନ ପୃଥିବୀକୁ ଫେରିଥିଲା । ଜେଫ୍ ବ୍ୟତୀତ ତାଙ୍କ ଭାଇ ମାର୍କ ବେଜୋସ୍, ୱାଲି ଫଙ୍କ୍ ଏବଂ ଅଲିଭର ଡେମନ୍ ମଧ୍ୟ ଏହି ଯାତ୍ରାର ଏକ ଅଂଶ ଥିଲେ ।
ତେବେ ଇଂଲଣ୍ଡର କିମ୍ବଦନ୍ତୀ ଅଲରାଉଣ୍ଡର ଆଣ୍ଡ୍ରିୟୁ ଫ୍ଲିଣ୍ଟଫ ମଧ୍ୟ ମହାକାଶକୁ ଯିବାକୁ ଇଚ୍ଛା ରଖନ୍ତି । ତେବେ ଏଥିପାଇଁ ସେ ଜେଫ୍ ବେଜୋସଙ୍କୁ ସାହାଯ୍ୟ ମାଗିଛନ୍ତି । ଫ୍ଲିଣ୍ଟଫ୍ ବିଶ୍ୱାସ କରନ୍ତି ଯେ ମହାକାଶକୁ ଯିବା ପରେ ହିଁ ସେ ସମ୍ପୂର୍ଣ୍ଣ ନିଶ୍ଚିତ ହେବେ ଯେ ପୃଥିବୀ ଗୋଲାକାର ଅଟେ କି ନାହିଁ । ଫ୍ଲିଣ୍ଟଫ୍ କହିଛନ୍ତି, 'ମୁଁ ଜାଣେ ନାହିଁ ଯେ ମୁଁ ଶୀଘ୍ର ମହାକାଶକୁ ଯିବି କିମ୍ବା ଲୋକମାନେ ମହାକାଶରୁ ଆମ ପାଖକୁ ଆସିବେ କି ନାହିଁ ।
ପୃଥିବୀର ସହ କାହାଣୀ ଆକର୍ଷଣୀୟ ହୋଇରହିଛି । ମୁଁ କିଛି ବର୍ଷ ପୂର୍ବେ ଏକ ପୋଷ୍ଟ କରି କହିଥିଲି । ମୁଁ ଭାବୁନାହିଁ ପୃଥିବୀ ସମତଳ, କିନ୍ତୁ ମୁଁ ମହାକାଶକୁ ଯାଇ ନାହିଁ । ମୁଁ ଏହାକୁ ଗୋଲାକାର ବୋଲି ଦେଖି ନାହିଁ । ଫ୍ଲିଣ୍ଟଫ କହିଛନ୍ତି, "ମୋର କଥା ହେଉଛି ମୁଁ ପରାମର୍ଶ ନେବାକୁ ଚାହୁଁଛି, ଏବଂ ମୁଁ ଲୋକଙ୍କ କଥା ଶୁଣୁଛି । ଯେ ପର୍ଯ୍ୟନ୍ତ ମୁଁ ଏହା ନିଜେ ଦେଖି ନାହିଁ, ତେବେ ମୁଁ ୧୦୦% ନିଶ୍ଚିତ ହୋଇପାରିବି ନାହିଁ । ବଲ୍ ଆପଣଙ୍କ କୋର୍ଟରେ ଅଛି, ବେଜୋସ୍ କିମ୍ବା ଆପଣ ଲୁଚାଉଛନ୍ତି ।"
ପୃଥିବୀ ପ୍ରକୃତରେ ସମତଳ କି ? ୪୩ ବର୍ଷୀୟ ଫ୍ଲିଣ୍ଟଫ୍, ୧୯୯୮ରେ ତାଙ୍କର ଆନ୍ତର୍ଜାତୀୟ ଡେବ୍ୟୁ କରିଥିଲେ । ୨୦୧୦ ରେ ଆନ୍ତର୍ଜାତୀୟ କ୍ରିକେଟ୍ ରୁ ଅବସର ନେବା ପରେ ସେ ବକ୍ସିଂରେ ମଧ୍ୟ ଭାଗ୍ୟ ପରୀକ୍ଷା କରିଥିଲେ । ଇଂଲଣ୍ଡ ଅଲରାଉଣ୍ଡର ପାଞ୍ଚଟି ଶତକ ଏବଂ ୨୬ ଅର୍ଦ୍ଧଶତକ ସହିତ ହାରାହାରି ୩୧.୭୭ରେ ୭୯ ଟି ଟେଷ୍ଟରେ ୩୮୪୫ ରନ୍ ସଂଗ୍ରହ କରିଥିଲେ । ବୋଲିଂ ବେଳେ ଫ୍ଲିଣ୍ଟଅଫ୍ ହାରାହାରି ୩୨.୭୮ଟେଷ୍ଟ ମ୍ୟାଚରେ ୨୨୬ ୱିକେଟ୍ ନେଇଥିଲେ ।
