Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ କ୍ରିକେଟର ଅଶୋକ ଡିଣ୍ଡା ବିଜେପିରେ ସାମିଲ
  • ||
  • ମହାରାଷ୍ଟ୍ରରେ ବେକାବୁ କରୋନା ! ଗତ ୨୪ ଘଣ୍ଟାରେ ପାଖାପାଖି ୯ ହଜାର ସଂକ୍ରମତି ଚିହ୍ନଟ
  • ||
  • କଟକ : ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ହାଇକୋର୍ଟରୁ ମିଳିଲା ଜାମିନ୍
  • ||
  • ଝାରସୁଗୁଡା : ଗଛରେ ଝୁଲୁଛି ଜବାନଙ୍କ ମୃତଦେହ, ଆତ୍ମହତ୍ୟା ନା ହତ୍ୟା ?
  • ||
  • ସାଲେପୁର : ବୃଦ୍ଧାଙ୍କଠାରୁ ୧୪ହଜାର ଟଙ୍କା ଲୁଟିନେଲେ ଦୁର୍ବୃତ୍ତ, ପେନସନ୍ ଉଠାଇ ଖାଇବା ବେଳେ ଲୁଟ୍‌ର ଶିକାର
  • ||
  • ଭୁବନେଶ୍ବର : ମେ ୧୮ ତାରିଖରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା
  • ||
  • ସିରିଜ୍ ଦୁର୍ଘଟଣା : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ପିଟିଲା ଇନୋଭା, ୪ ଆହତ
  • ||
  • ଭୁବନେଶ୍ବର : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ଧକ୍କାଦେଲା ଇନୋଭା
  • ||
  • କୁଚିଣ୍ଡା : ମା’-ପୁଅକୁ ଦଳିଦେଲା ଦନ୍ତା, ଗୁରୁତର ବାପା ମେଡିକାଲରେ ଭର୍ତ୍ତି
  • ||
  • ଲକ୍ଷ୍ନୌ : କାରକୁ ଧକ୍କା ଦେଇ ଓଲଟିଲା ଟ୍ୟାଙ୍କର, ୭ମୃତ
  • ||

ବିଜେପିରେ ଯୋଗ ଦେଲେ, ହେଲେ ଗଲାନି କଂଗ୍ରେସ ପ୍ରେମ: ମଞ୍ଚରେ ଶାହାଙ୍କ ଜାଗାରେ କଂଗ୍ରେସ ନେତାକୁ ଧନ୍ୟବାଦ୍ ଦେଇ ଦେଲେ ପୂର୍ବତନ ବିଧାୟକ

27/06/2020 at 9:45 PM

ଅହମ୍ମଦାବାଦ ୨୭।୦୬: ଗୁଜରାଟରେ କଂଗ୍ରେସ ବିଧାୟକ ରହି ସାରିଥିବା ପାଞ୍ଚ ନେତା ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ମାତ୍ର ଆୟୋଜିତ ସ୍ଵାଗତ ସମାରୋହରେ ଏମିତି ଲାଗିଲା, ଯେମିତି ଏହି ନେତା ଏବେ ମଧ୍ୟ କଂଗ୍ରେସକୁ ଭୁଲି ପାରି ନାହାନ୍ତି। ସ୍ଵାଗତ ସମାରୋହରେ କଂଗ୍ରେସରୁ ବିଜେପିରେ ସାମିଲ ନେତାଙ୍କ ପାଟିରେ କଂଗ୍ରେସର ନାମ ରହିଥିଲା।

ଗୁଜରାଟରେ କଂଗ୍ରେସ ପାର୍ଟିକୁ ଅଲବିଦା କହି ସାରିଥିବା କଂଗ୍ରେସର ଆଠ ବିଧାୟକଙ୍କ ମଧ୍ୟରୁ ପାଞ୍ଚ ପୂର୍ବତନ ବିଧାୟକ ଭାରତୀୟ  ଜନତା ପାର୍ଟି(ବିଜେପି)ରେ ସାମିଲ ହୋଇଛନ୍ତି। ଏହି ସମୟରେ ଜିତୁ ଚୌଧୁରୀ, ପ୍ରଦ୍ୟୁମ୍ନ ସିଂହ ଜାଡେଜା, ଜେଭି  କାକଡିଆ, ଅକ୍ଷତ ପଟେଲ ଓ ବୃଜେଶ ମେରଜା  ବିଜେପିର ସଦସ୍ୟତା ଗ୍ରହଣ କରିଛନ୍ତି।

ହେଲେ ବିଜେପିର ଏହି ସ୍ଵାଗତ ସମାରୋହରେ କଂଗ୍ରେସରୁ ବିଜେପିରେ ପାଦ ଥାପିଥିବା ଜିତୁ ଚୌଧୁରୀଙ୍କ ପାଟି ଫିସଲି ଯାଇଥିଲା। ସେ ବିଜେପିରେ ସାମିଲ ନେଇ ଗୃହ ମନ୍ତ୍ରୀ ଅମିତ୍ ଶାହାଙ୍କ ଜାଗାରେ ଅମିତ୍ ଚାଓ୍ଵଡାଙ୍କୁ ଧନ୍ୟବାଦ ଦେଇଥିଲେ। ହେଲେ ଯେବେ ତାଙ୍କୁ ନିଜ ଭୁଲ୍ ହୃଦବୋଧ ହେଲା ସେତେ ବେଳକୁ ବହୁ ବିଳମ୍ବ ହୋଇ ସାରିଥିଲା।

ଜିତୁ ଚୌଧୁରୀ ବିଜେପିରେ ସାମିଲ ହେବା ଉପରେ ଯେବେ ଅମିତ୍ ଚାଓ୍ଵଡାଙ୍କୁ ଧନ୍ୟବାଦ୍ ଦେଲେ ସମାରୋହରେ ଉପସ୍ଥିତ ଲୋକେ ତାଙ୍କ ଭୁଲ୍ ଧରି ନେଇଥିଲେ। ଜିତୁ ଚୌଧୁରୀଙ୍କୁ ଅଟକାଗଲା ସେ ନିଜ ଭୁଲ୍ ବୁଝିପାରିଥିଲେ ଏବଂ ସୁଧାର କରି ଅମିତ୍ ଶାହାଙ୍କୁ ଧନ୍ୟବାଦ୍ ଦେଇଥିଲେ। ଉଲ୍ଲେଖଯୋଗ୍ୟ, ଅମିତ୍ ଚାଓ୍ଵଡା ଗୁଜରାଟ କଂଗ୍ରେସର ସଭାପତି।

ଏହା ବ୍ୟତୀତ ମାର୍ଚ୍ଚରେ କଂଗ୍ରେସରୁ  ଇସ୍ତଫା ଦେଇଥିବା ପ୍ରବୀଣ ମାରୁଙ୍କଠାରେ ମଧ୍ୟ କଂଗ୍ରେସ ପ୍ରେମ ଦେଖିବାକୁ ମିଳିଥିଲା। ପ୍ରବୀଣ ମାରୁ ମଧ୍ୟ ସମାରୋହରେ କଂଗ୍ରେସର ଗୁଣଗାନ କରିଥିଲେ। ପ୍ରବୀଣ ମାରୁ କହିଥିଲେ ଯେ, ସେ ବିଜେପି ଛାଡି କଂଗ୍ରେସରେ ଯୋଗ ଦେଇଛନ୍ତି। ଯେବେ ତାଙ୍କୁ ରୋକାଗଲା ସେ ନିଜର ଭୁଲ୍ ବୁଝି ପାରିଥିଲେ ଏବଂ ସୁଧାର କରି କହିଲେ ସେ କଂଗ୍ରେସ ଛାଡି ବିଜେପିରେ ଯୋଗ ଦେଇଛନ୍ତି।

   Related Posts