Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ହଟାଇ ଦିଆଗଲା ନାଇଡୁଙ୍କ ସୁରକ୍ଷା : ଭିଆଇପି ସୁବିଧାରୁ ବଂଚିତ, ବିମାନବନ୍ଦରରେ ହେଲା ତଲାସୀ,

15/06/2019 at 12:35 PM

ମନ୍ନବରମ ୧୫/୬ : ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁଙ୍କ ସୁରକ୍ଷା ହଟାଇ ଦିଆଯାଇଛି । ଶୁକ୍ରବାର ରାତିରେ ମନ୍ନବରମ ବିମାନବନ୍ଦରରେ ମୁଖ୍ୟମନ୍ତ୍ରୀଙ୍କ ତଲାସୀ ହୋଇଥିଲା । ବିମାନ ଯାଏଁ ଯିବା ପାଇଁ ନାଇଡୁଙ୍କୁ ଭିଆଇପି ସୁବିଧାରୁ ମଧ୍ୟ ବଂଚିତ ରଖାଗଲା । ସାଧାରଣ ଯାତ୍ରୀଙ୍କ ସହ ନାଇଡୁଙ୍କୁ ସଟଲ ବସରେ ଯିବାକୁ ପଡିଲା । 

ଆନ୍ଧ୍ର ପ୍ରଦେଶ ବିଧାନସଭାର ବିରୋଧୀ ନେତା ଚନ୍ଦ୍ରାବାବୁ ନାଇଡୁଙ୍କୁ Z+  ଶ୍ରେଣୀ ଅନ୍ତର୍ଭୁକ୍ତ ସୁରକ୍ଷା ମିଳିଛି । ଏଥିରେ ୨୪ ଘଣ୍ଟା ତାଙ୍କ ସହ ୨୩ ସୁରକ୍ଷାକର୍ମୀ ଏବଂ ଏସ୍କର୍ଟ ଗାଡି ରହିଥାନ୍ତି । ୨୦୦୩ ମସିହାରେ ତିରୁପତିର ଅଲିପିରିରେ ମାଓବାଦୀମାନେ ତାଙ୍କ ଉପରକୁ ଆକ୍ରମଣ କରିଥିଲେ । ଏହାପରେ ତାଙ୍କୁ Z+ ସୁରକ୍ଷା ମିଳିଥିଲା ।

କିନ୍ତୁ ଏବେ ନାଇଡୁଙ୍କ ସୁରକ୍ଷା ହଟାଇ ଦିଆଯାଇଛି । ଗତକାଲି ରାତିରେ ବିମାନବନ୍ଦରରେ ସାଧାରଣ ଯାତ୍ରୀଙ୍କ ଭଳି ନାଇଡୁଙ୍କର ମଧ୍ୟ ତଲାସୀ ହୋଇଥିଲା । ଏହି ଘଟଣାରେ ତୀବ୍ର ପ୍ରତିକ୍ରିୟା ବ୍ୟକ୍ତ କରିଛନ୍ତି ଟିଡ଼ିପି ନେତା । ବିଜେପି ଏବଂ ୱାଇଏସଆର କଂଗ୍ରେସ ପାର୍ଟି ପ୍ରତିଶୋଧ ରାଜନୀତି କରୁଥିବା ଦଳ ଅଭିଯୋଗ କରିଛି । ଦଳ କହିଛି ଯେ, ଚନ୍ଦ୍ରାବାବୁ ନାଇଡୁ ଭାରତୀୟ ରାଜନୀତିରେ ଏକ ସମ୍ମାନିତ ସ୍ଥାନରେ ଅଛନ୍ତି । ତାଙ୍କ ସହ ଏହିଭଳି ବ୍ୟବହାର ନିହାତି ନିନ୍ଦନୀୟ ।

ଟିଡ଼ିପି ନେତା ତଥା ରାଜ୍ୟର ପୂର୍ବତ ଗୃହମନ୍ତ୍ରୀ ଚିନ୍ନା ରାଜପ୍ପା କହିଛନ୍ତି ଯେ, ନାଇଡୁଙ୍କ ପ୍ରତି ଅଧିକାରୀଙ୍କ ବ୍ୟବହାର ଅପମାନଜନକ ଥିଲା । ନାଇଡୁ ବହୁ ପୂର୍ବରୁ ବିରୋଧୀ ଦଳ ନେତା ଥିଲେ ମଧ୍ୟ ପୂର୍ବରୁ କେବେ ତାଙ୍କୁ ଏହିଭଳି ପରିସ୍ଥିତିର ସାମ୍ନା କରିବାକୁ ପଡ଼ିନଥିଲା । ନାଇଡୁଙ୍କ ସୁରକ୍ଷା ପାଇଁ ସେ କେନ୍ଦ୍ର ଏବଂ ରାଜ୍ୟ ସରକାରଙ୍କ ନିକଟରେ ଦାବି କରିଛନ୍ତି ।

   Related Posts