Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପୂର୍ବତନ ମୁଖ୍ୟ ବିଚାରପତି ରଞ୍ଜନ ଗୋଗୋଇ କହିଲେ- ମୁଁ ନୁହେଁ ଆସାମର ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ

23/08/2020 at 9:15 PM

ନୂଆଦିଲ୍ଲୀ ୨୩।୦୮: ଭାରତର ପୂର୍ବତନ ମୁଖ୍ୟ ବିଚାରପତି ଜଷ୍ଟିସ ରଞ୍ଜନ ଗୋଗୋଇ ରବିବାର ସମସ୍ତ କଳ୍ପନାଜଳ୍ପନାକୁ ଖାରଜ କରି କହିଛନ୍ତି ସେ ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନରେ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ  ହେଉ ନାହାନ୍ତି।

ପୂର୍ବତନ ମୁଖ୍ୟ ବିଚାରପତି ତଥା ରାଜ୍ୟସଭା ସାଂସଦ ଜଷ୍ଟିସ ରଞ୍ଜନ ଗୋଗୋଇ କହିଛନ୍ତି ମୁଁ ଜଣେ ରାଜନେତା ନୁହେଁ ଏବଂ ମୋର ଏମିତି କୌଣସି ମହତ୍ଵାକାଂକ୍ଷୀ କିମ୍ବା ଉଦ୍ଦେଶ୍ୟ ନାହିଁ। ନା ଏମିତି କେହି ସମ୍ଭାବନା ବିଷୟରେ ଉଲ୍ଲେଖ କରିଛନ୍ତି।

ଏହା ସହିତ ଜଷ୍ଟିସ ଗୋଗୋଇ ସ୍ପଷ୍ଟ କରିଛନ୍ତି ଯେ ଚଳିତ ବର୍ଷ ଆରମ୍ଭରେ ରାଜ୍ୟସଭାର ସଦସ୍ୟତା ପାଇଁ ତାଙ୍କୁ ମନୋନୀତ କରିବା ରାଜନୈତିକ ଆରମ୍ଭ କରିବା ଦିଗରେ ଏକ ପଦକ୍ଷେପ ନୁହେଁ। ଏହାକୁ ରାଜନୀତିର ଔପଚାରିକ ଆରମ୍ଭ ହେବା ବୁଝିବା ଠିକ୍ ନୁହେଁ।

ସେ କହିଛନ୍ତି ଏହା ଦୁର୍ଭାଗ୍ୟପୂର୍ଣ୍ଣ ଯେ ଲୋକେ ରାଜ୍ୟସଭା ସଦସ୍ୟ ଭାବେ ମନୋନୀତ ହେବା ହେବା ଏବଂ କୌଣସି ରାଜନୈତିକ ଦଳ ତରଫରୁ ପ୍ରାର୍ଥୀ ହେବା ମଧ୍ୟରେ ଥିବା ପ୍ରଭେଦକୁ ବୁଝି ପାରୁ ନାହାନ୍ତି। ମୁଁ ଜାଣିଶୁଣି ରାଜ୍ୟସଭାର ମନୋନୀତ ସଦସ୍ୟ ହୋଇଛି।

   Related Posts