ନୂଆଦିଲ୍ଲୀ ୨୬।୦୭: ଭାରତୀୟ ରିଜର୍ଭ ବ୍ୟାଙ୍କର ତଥ୍ୟ ଅନୁଯାୟୀ ଦେଶରେ ବିଦେଶୀ ମୁଦ୍ରା ଭଣ୍ଡାରରେ ୧.୨୭୫ ବିଲିୟନ ଡଲାର ବୃଦ୍ଧି ଘଟିଛି। ଯାହା ଫଳରେ ଜୁଲାଇ ୧୭ ସୁଦ୍ଧା ଭଣ୍ଡାରରେ ଜମା ପରିମାଣ ୫୧୭.୬୩୭ ବିଲିୟନ ଡଲାରର ଉଚ୍ଚସ୍ତରରେ ପହଞ୍ଚିଛି। ଗତ ସପ୍ତାହରେ ଭଣ୍ଡାର ୩.୩୧ ବିଲିୟନ ଆମେରିକୀ ଡଲାର ବୃଦ୍ଧି ସହ ୫୧୬.୩୬୨ ବିଲିୟନ ଆମେରିକୀ ଡଲାରରେ ପହଞ୍ଚିଥିଲା।
ଜୁନ ୫ରେ ଶେଷ ସପ୍ତାହରେ ପ୍ରଥମ ଥର ଭଣ୍ଡାର ଅଧା ଟ୍ରିଲିୟନର ଚିହ୍ନ ଅତିକ୍ରମ କରିଥିଲା। ଏହା ପରେ ଭାରତୀୟ ବିଦେଶ ମୁଦ୍ରା ଭଣ୍ଡାର ୮.୨୨୩ ବିଲିୟନ ବଢି ୫୦୧.୭୦୩ ବିଲିୟନ ପର୍ଯ୍ୟନ୍ତ ପହଞ୍ଚିଥିଲା। ଜୁଲାଇ ୧୭ରେ ସମାପ୍ତ ସପ୍ତାହରେ ବିଦେଶ ମୁଦ୍ରା ଆସ୍ତି(ଏଫସିଏ)ରେ ବୃଦ୍ଧି କାରଣରୁ ଭଣ୍ଡାରର ବୃଦ୍ଧି ଘଟିଥିଲା।
କେନ୍ଦ୍ରୀୟ ବ୍ୟାଙ୍କ ଅନୁଯାୟୀ ଏଫସିଏ ସମୀକ୍ଷା କରିଥିବା ସପ୍ତାହରେ ଦେଶର ବିଦେଶୀ ମୁଦ୍ରା ଭଣ୍ଡାରରେ ୧.୨୪୫ ବିଲିୟନ ଡଲାରରୁ ବଢି ୪୭୬.୮୮୦ ବିଲିୟନ ଆମେରିକା ଡଲାର ହୋଇଥିଲା। ତଥ୍ୟ ଅନୁଯାୟୀ ଅଳଙ୍କାର ଭଣ୍ଡାର ୧୩ ମିଲିୟନ ଆମେରିକୀ ଡଲାରରୁ ୪୩.୭୪୩ ବିଲିୟନ ଆମେରିକୀ ଡଲାର ପର୍ଯ୍ୟନ୍ତ ରହିଥିଲା।
