Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||
  • ସାଲେପୁର : ଟ୍ରକକୁ ଧକ୍କାଦେଲା ଆଉ ଏକ ଟ୍ରକ, ଜଣେ ମୃତ
  • ||

୨୦ ହଜାରରୁ ଅଧିକ ଡାକ୍ତର କୋଭିଡ ଚିକିତ୍ସା ଅଭିଯାନରେ ସାମିଲ ହେବାକୁ ଚାହୁଁଛନ୍ତି, କରିଛନ୍ତି ଅନୁରୋଧ, କିନ୍ତୁ ଅନୁମତି ଦେଉନାହାଁନ୍ତି ସରକାର

21/06/2020 at 8:03 PM

ନୂଆଦିଲ୍ଲୀ, ୨୧|୦୬:  ସାରା ଦେଶରେ କରୋନା ଭାଇରସର ଆତଙ୍କ ଜାରି ରହିଛି । ପ୍ରତିଦିନ ଶହ ଶହ ସଂଖ୍ୟାରେ କରୋନା ସଂକ୍ରମିତ ପ୍ରାଣ ହରାଉଛନ୍ତି ।ଏହା ମଧ୍ୟରେ ବିଦେଶର ପ୍ରାୟ ୨୦ ହଜାର ଡାକ୍ତର ଭାରତରେ କରୋନା ଆକ୍ରାନ୍ତଙ୍କ ଚିକିତ୍ସା କରିବାକୁ ଚାହାଁନ୍ତି ବୋଲି କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି । ଏପରିକି କୌଣସି ପରୀକ୍ଷା ନକରାଇ ସେମାନଙ୍କୁ ଚିକିତ୍ସା ସେବା ଯୋଗାଇ ଦେବାକୁ ଅନୁମତି ମିଳୁ ବୋଲି ସେମାନେ ସରକାରଙ୍କୁ କହିଛନ୍ତି । କିନ୍ତୁ ସରକାର ସେମାନଙ୍କ ଅନୁରୋଧକୁ ପ୍ରତ୍ୟାଖ୍ୟାନ କରିଛନ୍ତି ।

ଅଲ୍ ଇଣ୍ଡିଆ ଫରେନ୍ ମେଡିକାଲ ଗ୍ରାଜୁଏଟସ୍ ଆସୋସିଏସନ ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀଙ୍କୁ ଗତ ମାର୍ଚ୍ଚ ମାସରେ ଚିଠି ଲେଖି ଥିଲେ । କରୋନା ବିରୋଧରେ ଲଢିବା ପାଇଁ ସେମାନଙ୍କୁ ଲାଇସେନ୍ସ ମିଳୁ ବୋଲି ସେମାନେ ଅନୁରୋଧ ମଧ୍ୟ କରିଥିଲେ । ଆଉ କିଛି ବିଦେଶୀ ଡାକ୍ତର ସରକାରଙ୍କୁ ଜୁନ ମାସରେ ମଧ୍ୟ ଚିଠି ଲେଖିଛନ୍ତି । ଏହି ଡାକ୍ତରଙ୍କ ମଧ୍ୟରେ ଚୀନ, ୟୁକ୍ରେନ, ରୁଷିଆ, ବାଂଲାଦେଶ, ଫିଲାପାଇନସ, ନେପାଳ, କାଜାଖସ୍ଥାନର ବିଭିନ୍ନ ମେଡିକାଲ କଲେଜରୁ ପାସ୍ କରିଥିବା ଗ୍ରାଜୁଏଟ୍ ରହିଛନ୍ତି । ସେମାନଙ୍କୁ ଭାରତୀୟ ମେଡିକାଲ କାଉନସିଲର ପରୀକ୍ଷାରେ ଉତୀନ୍ନ ହେବାକୁ ପଡିବ ।  ତେବେ ଆମେରିକା, ୟୁକେ, ଅଷ୍ଟ୍ରେଲିଆ, କାନାଡା ଓ ନ୍ୟୁଜିଲାଣ୍ଡରୁ ପାସ୍ କରିଥିବା ଡାକ୍ତରମାନଙ୍କୁ ଏହି ପରୀକ୍ଷା ଦେବାର ଆବଶ୍ୟକତା ନାହିଁ ।

ବିଦେଶୀ ଡାକ୍ତରମାନେ କହିଛନ୍ତି ଯେ, ଭାରତରେ ଡାକ୍ତରଙ୍କ ଅଭାବ ରହିଛି । ପ୍ରତି ୧୪୫୭ ନାଗରିକରେ ଜଣେ ଡାକ୍ତର ରହିଛନ୍ତି ।  ଏପରି କେତେକ ମୂଳ ଭାରତୀୟ ଅଛନ୍ତି ଯେଉଁମାନେ ବିଦେଶରେ ସେମାନଙ୍କ ମେଡିକାଲ ଶିକ୍ଷା ସମାପ୍ତ କରିଛନ୍ତି । ସେମାନେ ଏମସିଆଇର ସ୍କ୍ରିନିଂ ଟେଷ୍ଟକୁ ଅପେକ୍ଷା କରିଛନ୍ତି । ଏହାସହ ୨୦ ହଜାରରୁ ଅଧିକ ଏମବିବିଏସ ଡାକ୍ତର ଓ ୩୦୦୦ ସ୍ପେଶାଲିଷ୍ଟ ଭାରତରେ କାମ କରିବାକୁ ଆଗ୍ରହୀ । ଏହାସହ ସରକାର ସେମାନଙ୍କୁ ଏମସିଆଇ ପରୀକ୍ଷା ଦେବାରୁ ଛାଡ କରନ୍ତୁ ବୋଲି ସେମାନେ କହିଛନ୍ତି ।

ସରକାରୀ ସୂତ୍ରାନୁସାରେ, ଅଧିକାଂଶ ବିଦେଶରେ ପାଠ ପଢିଥିବା ଡାକ୍ତର ଏମସିଆଇ ପରୀକ୍ଷାରେ ଉତୀନ୍ନ ହୋଇପାରୁ ନାହାଁନ୍ତି । ୮୦ ପ୍ରତିଶତରୁ ଅଧିକ ଏମବିବିଏସସ  ପରୀକ୍ଷାରେ ବିଫଳ ହେଉଛନ୍ତି । ୨୦୧୮-୧୯ରେ ମାତ୍ର ୧୫ ପ୍ରତିଶତ ବିଦେଶୀ ଡାକ୍ତର ହିଁ ଏମସିଆଇ ପରୀକ୍ଷାରେ ପାସ୍ ହୋଇଥିଲେ ।  

   Related Posts