Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜେଲରୁ ବାହାରିଲେ ଫୁଟୁବଲର ରୋନାଲ୍ଡିନୋ, ଏବେ ହୋଟେଲରେ ନଜରବନ୍ଦୀ ହୋଇ ରହିବେ

8/04/2020 at 11:25 AM

ପାରାଗୁଏ, ୦୮|୦୪:  ବ୍ରାଜିଲର ମହାନ ଫୁଟୁବଲ ଖେଳାଳି ରୋନାଲ୍ଡିନୋ ଓ ତାଙ୍କ ଭାଇଙ୍କୁ ନଜରବନ୍ଦୀ ରଖିବା ପାଇଁ ନିର୍ଦ୍ଦେଶ ଦିଆଯାଇଛି । ପାରାଗୁଏର ଜଜ୍ ଗୁସ୍ତାବୋ ଅମରିଲା ଉଭୟଙ୍କୁ ଅସୁନସିୟନର ଏକ ହୋଟେଲର ନଜରବନ୍ଦୀ କରାଯାଇଥିବା ଗଣାମଧ୍ୟମକୁ କହିଛନ୍ତି ।

ପାରାଗୁଏ ପୋଲିସ ମାର୍ଚ୍ଚ ୬ରେ ଜାଲ ପାସପୋର୍ଟ ମାମଲାରେ ରୋନାଲ୍ଡିନୋ ଓ ତାଙ୍କ ୪୯ ବର୍ଷର ଭାଇ ରବର୍ଟ ଆସିସଙ୍କୁ ଗିରଫ କରିଥିଲା । ପୋଲିସ ସେମାନଙ୍କ ଉପରେ ଓକିଲଙ୍କ ବ୍ୟତୀତ ଅନ୍ୟ କାହାକୁ ଭେଟିବା ଉପରେ ରୋକ ଲଗାଇଥିଲା । ପାରାଗୁଏର ଅପିଲ ଅଦାଲତ ଗତ ମାସରେ ଉଭୟଙ୍କ ଜାମିନ ଆବେଦନ ଖାରଜ କରିଦେଇଥିଲା । ତେଣୁ ସେ ନିଜ ଜନ୍ମଦିନ ଜେଲରେ ମନାଇଥିଲେ ।

କରୋନା ଭାଇରସ ପାଇଁ ପାରାଗୁଏର ରାଜଧାନୀ ଲକଡାଉନ ଅଛି । ଜଜ୍ ଫୋନ ଯୋଗେ ନିଷ୍ପତ୍ତି ଶୁଣାଇଥିଲେ । ଏହାପରେ କଳା ଟିସାର୍ଟ ଓ ମ୍ୟାଚିଂ ହ୍ୟାଣ୍ଡବ୍ୟାଣ୍ଡ୍ ପିନ୍ଧି ରୋନାଲ୍ଡିନୋ ନିଷ୍ପତ୍ତିକୁ ସ୍ୱାଗତ କରିଥିଲେ ।

ରୋନାଲ୍ଡିନୋ ମହାନ ଫୁଟୁବଲର ଭାବେ ପରିଚିତ । ସେ ବ୍ରାଜିଲକୁ ୨୦୦୨ ବିଶ୍ୱକପ ବିଜୟୀ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ସେ ନିଜ ଫୁଟୁବଲ କ୍ୟାରିଅର ପ୍ୟାରିସ୍ ସେଣ୍ଟ୍ ଜର୍ମାନ ଓ ବାର୍ସେଲିନା, ମିଲାନ ଭଳି କ୍ଲବରୁ ଆରମ୍ଭ କରିଥିଲେ ।

   Related Posts