ରାଜଗାଙ୍ଗପୁର, ୧୯।୪ : ବିବାହ ଉତ୍ସବରେ ସେଓ, ବୁନ୍ଦି ଓ ରସନା ପାଣି ପିଇ ପ୍ରାୟ ୩୦ରୁ ୪୦ ଜଣ ଲୋକ ଅସୁସ୍ଥ ହୋଇପଡିଛନ୍ତି । କୁଟନିଆ ପଞ୍ଚାୟତ ଲାଠୁପଡାର ସୋନାଖାନରେ ରହୁଥିବା ମଙ୍ଗଳ ଏକ୍କାଙ୍କ ଘରେ ଅନୁଷ୍ଠିତ ବିବାହ ଉତ୍ସବରେ ଏହି ଅଘଟଣ ଘଟିଛି।
{"id":105114}ଅସୁସ୍ଥଙ୍କ ମଧ୍ୟରେ ଅଧିକାଂଶ ଶିଶୁ, ମହିଳା ଓ ପୁରୁଷ ଥିବାବେଳେ ୨ ଜଣ ଶିଶୁଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ଜଣାପଡିଛି । ସମସ୍ତ ଅସୁସ୍ଥଙ୍କୁ ରାଜଗାଙ୍ଗପୁର ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ବିବାହ ଉତ୍ସବକୁ ଆସିଥିବା ଅତିଥିଙ୍କୁ ସେଓ, ବୁନ୍ଦି ଓ ରସନା ପାଣି ପିଇବାକୁ ଦିଆଯାଇଥିଲା । ଜଳଖିଆ ଖାଇବା ପରେ ଅଚାନକ ଲୋକେ ଅସୁସ୍ଥ ହୋଇପଡିଥିଲେ। ଏଣୁ ଖାଦ୍ୟ ବିଷାକ୍ତ ହୋଇଥିବା ସନ୍ଦେହ କରାଯାଉଛି।