Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

କମିଛି ଶୀତ ହେଲେ ବଢୁଛି କୁହୁଡି ; ଉପକୂଳ ଓଡ଼ିଶା ସମେତ ଉତ୍ତର ଆଭ୍ୟନ୍ତରୀଣ ଓଡ଼ିଶାରେ ଘନ କୁହୁଡିର ଆସ୍ତରଣ

21/01/2019 at 7:01 AM

ଭୁବନେଶ୍ବର ୨୧|୧: ରାଜ୍ୟରେ ଶୀତ କମିଛି ।  ହେଲେ ଆହୁରି ୪୮ ଘଣ୍ଟା  କଲବଲ କରିବ କୁହୁଡ଼ି।  ଉପକୂଳ ଓଡ଼ିଶା ସମେତ ଉତ୍ତର ଆଭ୍ୟନ୍ତରୀଣ ଓଡ଼ିଶାର କେତେକ ଜିଲ୍ଲାରେ ପ୍ରବଳ କୁହୁଡ଼ି ଦେଖିବାକୁ ମିଳୁଛି ।  ସନ୍ଧ୍ୟା ୭ଟାରୁ କୁହୁଡ଼ି ଆରମ୍ଭ ହୋଇ ଧୀରେ ଧୀରେ ଏହା ବୃଦ୍ଧି ପାଉଛି ।  ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ଖୋର୍ଦ୍ଧା, ପୁରୀ, କଟକ, ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ ଓ ଯାଜପୁରରେ ପ୍ରବଳ କୁହୁଡ଼ି ହେବ । ଏନେଇ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି ହୋଇଛି । ରାତି ୯ଟାରୁ ସକାଳ ୧୧ଟା ପର୍ଯ୍ୟନ୍ତ କୁହୁଡ଼ିର ପ୍ରଭାବ ଅଧିକ ପରିଲକ୍ଷିତ ହେବ । ଅନ୍ୟ ଅଞ୍ଚଳ ଅପେକ୍ଷା କଟକ-ଭୁବନେଶ୍ବରରେ ସ୍ଥିତି ଟିକିଏ ଭଲ ରହିବ। ଏହି ଦୁଇ ସହରରେ ରାତି ୧୧ଟା ପର୍ଯ୍ୟନ୍ତ ଅଧିକ ଗାଡ଼ି ଚଳାଚଳ କରୁଥିବାରୁ କୁହୁଡ଼ିର ମାତ୍ରା ଏତେ ରହିବନି।  କିନ୍ତୁ ଭୋର ସମୟରେ ଅଧିକ ପ୍ରଭାବ ପଡ଼ିବ। ଜାତୀୟ ରାଜପଥ ୧୬ରେ ଚଳାଚଳ କରୁଥିବା ଗାଡ଼ିଗୁଡ଼ିକ ଏଥିପ୍ରତି ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି। 

୨୩ ତାରିଖ ପର୍ଯ୍ୟନ୍ତ ଉପକୂଳ ଓଡ଼ିଶା ସମେତ ଉତ୍ତର ଆଭ୍ୟନ୍ତରୀଣ ଓଡ଼ିଶାର ଗୋଟିଏ ଦୁଇଟି ସ୍ଥାନରେ କୁହୁଡ଼ି ପଡ଼ିବ। ୨୪ ତାରିଖ ବେଳକୁ ପାଗରେ ସାମାନ୍ୟ ପରିବର୍ତ୍ତନ ହୋଇପାରେ। କୁହୁଡ଼ି ମାତ୍ରା କମିବା ସହ ରାତିର ତାପମାତ୍ରା ଗୋଟିଏ ଦୁଇ ଡିଗ୍ରୀ ବଢ଼ିବ। ଅନ୍ୟପକ୍ଷରେ କୁହୁଡ଼ି ପଡ଼ୁଥିବାରୁ ଉପକୂଳ ଓଡ଼ିଶାରେ ପାରଦ ସାମାନ୍ୟ ବୃଦ୍ଧି ପାଇଛି। ଆଗଭଳି ଥଣ୍ଡା ହେଉ ନାହିଁ। ଭୁବନେଶ୍ବରର ସର୍ବନିମ୍ନ ତାପମାତ୍ରା ଇତିମଧ୍ୟରେ ୧୪ ଡିଗ୍ରୀ ଟପିଥିବା ବେଳେ କଟକ ୧୨ ଡିଗ୍ରୀ ପାର ହୋଇଛି। ପୁରୀ, ଗୋପାଳପୁର, ପାରାଦୀପରେ ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ଟପିଛି। ଫୁଲବାଣୀରେ ରାଜ୍ୟର ସର୍ବନିମ୍ନ ତାପମାତ୍ରା ୭.୨ ଡିଗ୍ରି ରହିଥିଲା। ଏହା ତଳକୁ ଅନୁଗୁଳରେ ୮.୮, ସମ୍ବଲପୁରରେ ୯, ଝାରସୁଗୁଡ଼ାରେ ୯.୧, ସୋନପୁରରେ ୯.୨, ଭବାନୀପାଟଣା ଓ ଟିଟିଲାଗଡ଼ରେ ୯.୫, କେନ୍ଦୁଝରରେ ୯.୬ ଡିଗ୍ରୀ ଥିଲା।

   Related Posts