ଭୁବନେଶ୍ବର ୧୯|୮: ହଂସପାଳରେ ନିର୍ମାଣ ହେବ ଫ୍ଲାଏ ଓଭରବ୍ରିଜ୍ । ୩୦ କୋଟି ଟଙ୍କା ବ୍ୟୟ ଅଟକଳରେ ନିର୍ମାଣ ହେବ ଏହି ଫ୍ଲାଏ ଓଭର ବ୍ରିଜ୍ । ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କ ନିର୍ଦ୍ଦେଶ ପରେ ଏନଚଏଆଇ ଏନେଇ ସବୁଜ ସଙ୍କେତ ଦେଇଛି । ପ୍ରକଳ୍ପର ଟେଣ୍ଡର ପ୍ରକ୍ରିୟା କାଲିଠାରି ଆରମ୍ଭ ହୋଇ ୧୨୦ ଦିନ ମଧ୍ୟରେ ଶେଷ ହେବ । ଟେଣ୍ଡର ପରେ ୧୮ ମାସ ମଧ୍ୟରେ ନିର୍ମାଣ କାମ ଶେଷ ହେବ ।
ଫ୍ଲାଏ ଓଭର ନିର୍ମାଣ ପାଇଁ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ କେନ୍ଦ୍ରମନ୍ତ୍ରୀ ନୀତିନ ଗଡକାରୀଙ୍କ ନିକଟରେ ଦାବି ରଖିଥିଲେ । ଫ୍ଲାଏ ଓଭର କାର୍ଯ୍ୟ ସଂପୂର୍ଣ୍ଣ ହେଲେ ବାଲିପାଟଣା, ବାଲିଅନ୍ତା ଓ ଉତ୍ତର ଭୁବନେଶ୍ବରକୁ ଯୋଗାଯୋଗ ସୁବିଧା ହେବ । ଏଥିପାଇଁ ସାଂସଦ ଅପରାଜିତା ଷଡଙ୍ଗୀ ପ୍ରଧାନମନ୍ତ୍ରୀ ଓ ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କୁ ଧନ୍ୟବାଦ ଜଣାଇଛନ୍ତି ।
