Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ହୀରାକୁଦରୁ ୨୦ଗେଟ୍ ଦେଇ ଛଡାଯାଇଥିବା ବନ୍ୟାଜଳ ପହଞ୍ଚିଲା ମୁଣ୍ଡୁଳିରେ : ବନ୍ୟା ଆଶଂକା ନାହିଁ, ହେଲେ ଭାସି ଆସିଛନ୍ତି ବହୁ କୁମ୍ଭୀର ଓ ଅଜଗର

17/08/2019 at 4:02 PM

କଟକ ୧୭|୮: ମହାନଦୀରେ ଆସିଛି ଦ୍ୱିତୀୟ ବନ୍ୟାଜଳ । ତେବେ ପ୍ରଥମ ବନ୍ୟାଜଳ ନଦୀରୁ ନିଷ୍କାସିତ ହେଇ ସାରିଥିବାରୁ ଆଉ କଟକ ଜିଲ୍ଲା କିମ୍ବା ତଳିଆ ଅଞ୍ଚଳ ପାଇଁ ବନ୍ୟାର ଆଶଙ୍କା ନାହିଁ । ତେବେ ପ୍ରଥମ ଓ ଦ୍ୱିତୀୟ ବନ୍ୟାଜଳରେ କଟକ ଜିଲ୍ଲାର ପାଞ୍ଚ ହଜାର ହେକ୍ଟର ଚାଷ ଜମି ପ୍ରଭାବିତ ହୋଇଥିବା ପ୍ରଶାସନ ସୂଚନା ଦେଇଛି। ସେପଟେ ବନ୍ୟାଜଳରେ କିଛି କୁମ୍ଭୀର ଓ ଅଜଗର ଭାସି ଆସିବା ମୁଣ୍ଡଳୀ ଓ ନରାଜ ଲୋକଙ୍କ ମନରେ ଭୟ ସୃଷ୍ଟି କରିଛି ।

ମହାନଦୀ ଓ କାଠଯୋଡିରେ ଆସିଛି ଦ୍ୱିତୀୟ ବନ୍ୟାଜଳ । ହୀରାକୁଦ ୨୦ଟି ଗେଟ୍ ଦେଇ ଛାଡିଥିବା ବନ୍ୟାଜଳ ଆଜି ସକାଳୁ ମୁଣ୍ଡଳୀ ଓ ନରାଜ୍ ରେ ପହଞ୍ଚିଛି । ଫଳରେ ପୁଣି ଥରେ ମହାନଦୀ ଓ କାଠଯୋଡିରେ ଜଳ ସ୍ତର ବୃଦ୍ଧି ପାଇଛି । ନରାଜ ନିକଟରେ ବିପଦ ସଙ୍କେତ ୨୬ ଦଶମିକ ୪୧ ଫୁଟ୍ ଥିବା ବେଳେ, ଆଜି ଅପରାହ୍ନ ସୁଦ୍ଧା ସେଠାରେ ଜଳ ସ୍ତର ୨୫ ଫୁଟ୍ ରୁ ସାମାନ୍ୟ ଅଧିକ ଥିଲା । ତେବେ ବର୍ଷା କମିଯାଇଥିବାରୁ ଏବେ ଆସିଥିବା ନୂଆ ବନ୍ୟା ଜଳ ଯୋଗୁଁ କଟକ କିମ୍ବା ଜଗତସିଂହପୁର ଜିଲ୍ଲାରେ ବନ୍ୟା ଆଶଙ୍କା ଆଦୌ ନାହିଁ । ନଦୀ କୂଳିଆ ଲୋକଙ୍କ କହିବା ଅନୁସାରେ ଏହି ପାଣି ନଦୀ ଭିତରେ ହିଁ ଚାଲିଯିବ ।

ଆଜି ସକାଳୁ ମୁଣ୍ଡଳୀ ନିକଟରେ ହୀରାକୁଦ ପାଣି ପହଞ୍ଚିବା ପରେ ଜଳ ସ୍ତର ବଢିଥିଲା । ପୂର୍ବାହ୍ନ ୧୨ଟା ସୁଦ୍ଧା ମୁଣ୍ଡଳୀରେ ସେକେଣ୍ଡକୁ ସାଢେ ଚାରି ଲକ୍ଷ ଘନଫୁଟ୍ ଜଳ ପ୍ରବାହିତ ହେଉଥିଲା. । ପରେ ଏହା ବଢି ସାଢେ ପାଞ୍ଚ ଲକ୍ଷ ଘନଫୁଟ୍ ରେ ପହଞ୍ଚି ଥିଲା । ବନ୍ୟାର ଆଶଙ୍କା ନଥିଲେ ମଧ୍ୟ କଟକ ଜିଲ୍ଲାରେ ପାଞ୍ଚ ହଜାର ହେକ୍ଟର ଚାଷ ଜମି ପ୍ରଭାବିତ ହୋଇଛି ବୋଲି ଜିଲ୍ଲା ପ୍ରଶାସନ କହିଛି.। ସେପଟେ ବନ୍ୟାଜଳରେ କିଛି କୁମ୍ଭୀର ଓ ଅଜଗର ସାପ ଭାସି ଆସି ନଦୀ କୂଳିଆ ଲୋକଙ୍କ ମନରେ ଭୟ ସୃଷ୍ଟି କରିଛନ୍ତି ।

ଆଜି ରାତିରେ  ହିଁ ଉଭୟ ମହାନଦୀ ଓ କାଠଯୋଡିରେ ଜଳ ସ୍ତର କମିବ ବୋଲି ଜଳ ସମ୍ପଦ ବିଭାଗ କହିଛି । ଆଜି ୧୦ଟି ଗେଟ୍ ଦେଇ ହୀରାକୁଦ୍ ଯେଉଁ ବନ୍ୟା ଜଳ ଛାଡିଛି, ତାହା ମୁଣ୍ଡଳୀ ଓ ନରାଜ ପହଞ୍ଚିବାକୁ ଆହୁରି ୪୮ଘଣ୍ଟା ସମୟ ଲାଗିବ । ସେତେ ବେଳକୁ ଏବେ ଥିବା ପାଣି ସମ୍ପୂର୍ଣ୍ଣ ଭାବେ ସମୁଦ୍ରକୁ ନିଷ୍କାସିତ ହେଇସାରିଥିବ ବୋଲି ଜଳ ସମ୍ପଦ ବିଭାଗ ତରଫରୁ କୁହାଯାଇଛି ।

   Related Posts