ଖୋର୍ଦ୍ଧା ୧୧।୯- ଖୋର୍ଦ୍ଧାରେ ବନ୍ୟା ପରିସ୍ଥିତି ଗମ୍ଭୀର । ଗାଁ ଦାଣ୍ଡରେ ଲହଡ଼ି ଭାଙ୍ଗୁଛି ପାଣି । ଦୟାନଦୀର ଶାଖା ନଦୀ ରାଜୁଆରେ ବନ୍ୟା ପାଣି ମାଡ଼ି ଆସିବାରୁ ଖୋର୍ଦ୍ଧା ବ୍ଲକ ଓରବରସିଂହ ଓ ନରଣଗଡ଼ ପଞ୍ଚାୟତରେ ପାଣି ପଶିଛି । ହିଡ଼ିମୂଳ, ଡହଖଳା, ରାଇମୁଳୁ ସମେତ ୮ଟି ଗାଁ ବାହ୍ୟଜଗତରୁ ବିଚ୍ଛିନ୍ନ ହୋଇଛି । ଜଳବନ୍ଦୀ ଅବସ୍ଥାରେ ରହିଥିବା ଲୋକଙ୍କ ଦୁର୍ଦ୍ଦଶା ବଢ଼ିଯାଇଛି ।
{"id":155820}ବିନା ବର୍ଷାରେ ବନ୍ୟା । ମହାନଦୀରେ ବନ୍ୟା ପାଣି ଆସିବରୁ ଏହାର ଶାଖା ନଦୀରେ ବନ୍ୟାଜଳ ନିଷ୍କାସିତ ହୋଉିଛ, ଆଉ ଗାଁ ଗାଁରେ ରାଜୁଆ ନଦୀର ପାଣି ପଶିଲାଣି । କୋଉଠି ଅଣ୍ଟାଏ ତ କୋଉଠି ଛାତିଏ ଉଚ୍ଚର ବନ୍ୟା ଜଳ ପ୍ରବାହିତ ହେଉଛି । ଇଏ ହେଉଛି ଖୋର୍ଦ୍ଧା ବ୍ଲକ ଓରବରସିଂହ ଓ ନରଣଗଡ଼ ପଞ୍ଚାୟତର ଚିତ୍ର । ୮ଟି ଗାଁର ଲୋକେ ଏବେ ଜଳବନ୍ଦୀ ଅବସ୍ଥାରେ ଜୀବନ ବଞ୍ଚିବାକୁ ବାଧ୍ୟ ହୋଇଛନ୍ତି । ଜରୁରୀ କାମରେ ଲୋକେ ବାହାରକୁ ଯାଇପାରୁନଥିବା ବେଳେ ସ୍କୁଲ କଲେଜ ଯାଉଥିବା ପିଲାମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଲୋକଙ୍କ ପାଇଁ ମୁଖ୍ୟ ସମସ୍ୟା ହୋଇଛି ପିଇବା ପାଣି । କୂଅ ନଳକୂପ ସବୁ ବୁଡ଼ି ଯାଇଥିବାରୁ ସଫା ପିଇବା ପାଣି ମୁନ୍ଦେ ପାଇଁ ଲୋକେ ଡହଳ ବିକଳ ହେଉଛନ୍ତି ।
{"id":155819}ଗାଁ ଦାଣ୍ଡରେ ଚାଲୁଛି ଡଙ୍ଗା । ୭/୮ଦିନ ତଳେ ପାଣି ଆସିଥିଲା । ଏବେ ପୁଣି ଆସିଛି । ଏମିତିରେ ଚାଷବାସ ସବୁ ନଷ୍ଟ ହୋଇଗଲାଣି । ପ୍ରଭାବିତ ଲୋକଙ୍କ ପାଖରେ ଶୁଖିଲା ଖାଦ୍ୟ ଓ ପାଣି ପହଞ୍ଚାଇବାକୁ ଦାବି ହେଉଥିବା ବେଳେ ପ୍ରଶାସନ ପକ୍ଷରୁ ବିପନ୍ନଙ୍କ ପାଖରେ ପହଞ୍ଚିବାକୁ ଉଦ୍ୟମ କରାଯାଉଛି। ଏବେ ବନ୍ୟା ପୀଡିତମାନେ ସରକାରୀ ସାହାଯ୍ୟକୁ ଅନାଇ ରହିଛନ୍ତି।