Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ବିଭିନ୍ନ ନଦୀରେ ବୃଦ୍ଧି ପାଉଛି ଜଳସ୍ତର : ବୈତରଣୀ ବିପଦ ସଙ୍କେତ ଉପରେ, ସେପଟେ ମାଲକାନଗିରିରେ ବନ୍ୟା ସ୍ଥିତି ଗମ୍ଭୀର

21/08/2020 at 7:02 PM

ମାଲକାନଗିରି,୨୧।୦୮:  ମାଲକାନଗିରି ଜିଲ୍ଲାର ମୋଟୁ ଏବଂ ପଡିଆ ବ୍ଳକରେ ବନ୍ୟା ସ୍ଥିତି ଗମ୍ଭୀର ।  ୯ ଦିନ ହେଲା ଲାଗି ରହିଛି ବର୍ଷା ।  ଅଧିକାଂଶ ନଦୀ ବିପଦ ସଂକେତ ଉପରେ ପ୍ରବାହିତ ହେଉଛି ।  ଗୋଦାବରୀ ନଦୀରେ ଜଳ ସ୍ତର ବଢୁଥିବାରୁ ସେଠାରେ ୩ ନମ୍ବର ବିପଦ ସଂକେତ ଜାରି କରାଯାଇଛି । ମୋଟୁ ଏବଂ ପଡିଆ ଅଞ୍ଚଳର ପ୍ରାୟ ୩୦ଟି ଗାଁ ବାହ୍ୟ ଜଗତରୁ ବିଚ୍ଛିନ୍ନ ହୋଇ ରହିଛି ।  ୩୨୬ ନମ୍ବର ଜାତୀୟ ରାଜପଥରେ ମାଲକାନଗିରି-ମୋଟୁ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇ ଯାଇଛି ।

ସାବେରୀ ନଦୀର ଝାପରା ପୋଲ ଉପରେ ପାଣି ଚାଲୁଥିବାରୁ ମାଲକାନଗିରି- ସୁକୁମା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି । ସୁକୁମା ସିଆରପିଏଫ କ୍ୟାମ୍ପ ଭିତରେ ବନ୍ୟା ଜଳ ପଶିଯିବାରୁ ଯବାନଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଛି । ଯୋଡାଆମ୍ବ ପଞ୍ଚାୟତକୁ ଯୋଗାଯୋଗ ଠପ୍ ହୋଇଯାଇଛି । ଜରୁରୀ କାମ ପାଇଁ ଲୋକେ ଜୀବନକୁ ବାଜି ଲଗାଇ କାଠ ସିଡି ସାହାଯ୍ୟରେ ବ୍ରିଜ ଉପରକୁ ଚଢି ଯାଆସ କରୁଛନ୍ତି । ସ୍ଥାନୀୟ ପ୍ରଶାସନ ବିପନ୍ନଙ୍କ ପାଖରେ ପହଁଞ୍ଚି ନଥିବା ଅଭିଯୋଗ ହୋଇଛି ।

ଆଖୁଆପଦାଠାରେ ବୈତରଣୀ ବିପଦ ସଙ୍କେତ ଉପରେ ବହୁଛି । ତଳିଆ ଅଞ୍ଚଳର ଲୋକେ ଭୟଭିତ ଅବସ୍ଥାରେ ରହିଛନ୍ତି। ସେହିପରି ମଥାନୀଠାରେ ଜଳକା ମଧ୍ୟ ବିପଦ ସଙ୍କେତ ଉପରେ ପ୍ରବାହିତ ହେଉଛି । ଫଳରେ ବସ୍ତା ବ୍ଲକର ୧୦ଟି ପଞ୍ଚାୟତ ଜଳମଗ୍ନ ହୋଇଯାଇଛି । ପଳତାପଣ୍ଡାରେ ନଦୀ ବନ୍ଧରେ ଅତଡା ଖସିବାରୁ ଜଳସମ୍ପଦ ବିଭାଗ ତରଫରୁ ବନ୍ଧ ମରାମତି କରଯାଇଛି । ଝାଡ଼ଖଣ୍ଡରେ ପ୍ରବଳ ବର୍ଷା ଯୋଗୁଁ ସୁନ୍ଦରଗଡ଼ ଜିଲ୍ଲା ଦେଇ ପ୍ରବାହିତ କୋଏଲ ଏବଂ ଶଙ୍ଖ ନଦୀରେ ବଢ଼ଛି ଜଳସ୍ତର । ଶଙ୍ଖ ଉପରେ ନିର୍ମାଣ ହୋଇଥିବା ମନ୍ଦିରା ଡ୍ୟାମର ୬ଟି ଗେଟ୍ ଖୋଲିଛି । ସେହିପରି ତରକେରା ଡ୍ୟାମରେ ଖୋଲାଯାଇଛି ୩ଟି ଗେଟ । ଯାହା ଫଳରେ ବ୍ରାହ୍ମଣୀ ନଦୀ ଫୁଲିଛି। ସେହିପରି ଢେଙ୍କାଳନ ଜିଲ୍ଲାର କିଛି ଗାଁ ମଧ୍ୟ ପାଣିରେ ବୁଡି ରହିଛି । ସେହିପରି ମହାନଦୀରେ ବନ୍ୟା ପାଣି ବାଙ୍କିର ତଳିଆ ଅଂଚଳକୁ ଜଳମଗ୍ନ କରିଦେିଛି । ଶହ ଶହ ହେକ୍ଟର ଚାଷଜମି ବନ୍ୟା ପାଣିରେ ବୁଡି ରହିଛି ।  ବିଲିପଡାରୁ ତଳବସ୍ତ ଦେଇ ଖୋର୍ଦ୍ଧା ଯିବା ରାସ୍ତାରେ ୩ ଫୁଟର ବନ୍ୟାଜଳ ଚାଲୁଛି । ଫଳରେ ଯାତାୟତ ବାଧାପ୍ରାପ୍ତ ହୋଇଛି ।

କଟକ ଜିଲା ଉତ୍ତରକୁଳ ପଞ୍ଚାୟତ ପିଇଁପୁର ନିକଟରେ ମହାନଦୀ କରାଳ ରୂପ ଧାରଣ କରି କୁଳ ଖାଇବା ଫଳରେ ନଦୀ ତଟବର୍ତୀ ଗାଁର ଲୋକେ ଆତଙ୍କିତ ହୋଇ ପଡିଛନ୍ତି । ପରିସ୍ଥିତି ଅଧିକ ଜଟିଳ ହେବାରୁ ପ୍ରଶାସନ ପକ୍ଷରୁ ଅତଡା ଖାଉଥିବା ସ୍ଥାନରେ ଦୁଇ ଦିନ ହେଲା ବାଲି ବସ୍ତା ପକାଯାଉଛି । ସେହିପରି ପାରାଦୀପ ଉପକଣ୍ଠ ନୂଆଗଡ ପଞ୍ଚାୟତ ବିଜୟଚାନ୍ଦପୁର ଗାଁରେ ପଶିଛି ନଦୀ ପାଣି । ଶତାଧିକ ଲୋକ ଏବେ ପାଣି ଘେରରେ । ୨୩ରେ ଆସୁଛି ଆଉ ଏକ ଲଘୁଚାପ । ଏହା ସତ୍ତ୍ବେ ବି ରାଜ୍ୟରେ ବନ୍ୟା ଅଶାଙ୍କା ନଥିବା କହିଛନ୍ତି ଜଳ ସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ ।

   Related Posts