Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଟଳିନି ବିପଦ, ୪ଟି ଜିଲ୍ଲାକୁ ଆଲର୍ଟ ରହିବାକୁ ନିର୍ଦେଶ : Bigstory Followup

8/09/2018 at 2:02 PM

ଭଦ୍ରକ ୮/୯ : କମୁଛି ବୈତରଣୀର ଜଳସ୍ତର । ତଥାପି ବିପଦ ସଙ୍କେତ ଉପରେ ପ୍ରବାହିତ ହେଉଛି ଜଳସ୍ତର । ଭଦ୍ରକ ଆଖୁଆପଦାରେ ବୈତରଣୀର ଜଳସ୍ତର ବିପଦ ସଙ୍କେତ ଉପରେ ପ୍ରବାହିତ ହେଉଛି । ଜଳସ୍ତର ବିପଦ ସଂକେତ ୧୮.୪୪ ମିଟରର ଉପରେ ପ୍ରବାହିତ ହେଉଛି । ପୂର୍ବରୁ ୧୮.୪୪ ମିଟର ଥିଲା । ଧାମନଗର ବ୍ଲକ ଗୁହାଳପାଳ, ଇଟ୍ଟାପାଳ, କଟସାହି, କାଶିମପୁର, ଲୁଣିଆ ଅଞ୍ଚଳର କିଛି ଗାଁ ବାହ୍ୟ ଜଗତରୁ ବିଛିନ୍ନ ହୋଇଯାଇଛି । ଗାଁ ରାସ୍ତାରେ ଆଣ୍ଠୁଏ ଉଚ୍ଚର ପାଣି ଜମି ରହିଥିବା ବେଳେ ଚାଷ ଜମିରେ ପାଣି ମାଡିଯାଇଛି । ବନ୍ୟା ଯୋଗୁଁ ସେହି ଅଞ୍ଚଳର ସବୁ ସ୍କୁଲ କଲେଜ ବନ୍ଦ ରହିଛି । ସେହିପରି ସାଳନ୍ଦି ଓ ନାଳିଆ ନଦୀର ପାଣି ବଢିବାରେ ଲାଗିଛି । ଧାମନଗର ବ୍ଲକ ଲୁଣିଆ, ଖପରପଦା, ବିଲଣା ଆଦି ଅଞ୍ଚଳରେ ପାଣି ଘେରରେ ଅଛନ୍ତି ଲୋକେ । ଏହା ସହ ଶହ ଶହ ଏକର ଚାଷ ଜମିରେ ପାଣିରେ ବୁଡି ରହିଛି । ସେହିପରି ସରତା ପୋଲ ଉପରେ ୫ଫୁଟ ଉଚ୍ଚର ବନ୍ୟାଜଳ ପ୍ରବାହିତ ହେଉଛି । ଭଣ୍ଡାରିପୋଖରୀରୁ ଯାଜପୁର ଯୋଗାଯୋଗ ବିଚ୍ଛିନ୍ନ ହୋଇଛି । ପାଖାପାଖି ପ୍ରାୟ ୩୨ହଜାର ଲୋକେ ବନ୍ୟାରେ ପ୍ରଭାବିତ ହୋଇଛନ୍ତି ।

   Related Posts