ଭୁବନେଶ୍ବର୧୪|୮: ପଶ୍ଚିମ ଓଡ଼ିଶାରେ ଆଜି ମଧ୍ୟ ବନ୍ୟା ସ୍ଥିତି ଗମ୍ଭୀର ରହିଛି ।୧୩୪ ବ୍ଲକର ୨ ଲକ୍ଷ ଲୋକ ବନ୍ୟାରେ ପ୍ରଭାବିତ ହୋଇଛନ୍ତି । ପ୍ରାୟ ୫୦ ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି । ବଲାଙ୍ଗିରରେ ସର୍ବାଧିକ ୫୫୫ ମିଲିମିଟର ବର୍ଷା ହୋଇଥିବା ବେଳେ ମହାନଦୀରେ ଆସିଛି ପ୍ରଥମ ବନ୍ୟା ।
{"id":144367}ବଲାଙ୍ଗିରରେ ଆଜିବି ସ୍ଥିତି ଗମ୍ଭୀର । ଗତ ୨ ଦିନ ହେଲା ଲୋକେ ବନ୍ୟାଜଳ ଘେରରେ ଆଉଟୁପାଉଟୁ ହେଉଛନ୍ତି । ବଲାଙ୍ଗୀରରେ ଗୋଟିଏ ଦିନରେ ୫୫୫ ମିଲିମିଟର ବର୍ଷା । ଭାଙ୍ଗିଯାଇଛି ଘରଦ୍ବାର ।ଧୋଇଯାଇଛି ସବୁକିଛି । ପ୍ରବଳ ବର୍ଷାରେ ସର୍ବସ୍ବ ହରାଇବା ପରେ ଏବେ ରିଲିଫ୍ କ୍ୟାମ୍ପରେ ଆଶ୍ରୟ ନେଇଛନ୍ତି ଲୋକେ । ଝାଟିମାଟି ଘର ସଂପୂର୍ଣ୍ଣ ଭାଙ୍ଗିଯାଇଛି । ଘର ଆସବାବ ପତ୍ର ଏଣେତେଣେ ବିଛାଡ଼ି ହୋଇ ପଡ଼ି ରହିଛି । ସାଇତି ରଖିଥିବା ଚାଉଳ ଏବଂ ଏବଂ ଅନ୍ୟ ଖାଦ୍ୟ ସାମଗ୍ରୀ ନଷ୍ଟ ହୋଇଯାଇଛି ।ଏବେ ରିଲିଫ୍ ସେଣ୍ଟର ଉପରେ ଭରସା କରିଛନ୍ତି ଲୋକେ ।…
{"id":144368}ସହର ଠାରୁ ଗାଁ ଏବେ ଏମିତି ଅବସ୍ଥା । ବଲାଙ୍ଗିର ସହରରେ ୨୧ଟି ଏବଂ ଜିଲ୍ଲାର ବିଭିନ୍ନ ସ୍ଥାନରେ ୫୧ଟି ରିଲିଫ୍ କେନ୍ଦ୍ର ଖୋଲାଯାଇଛି । ୫ଟି ବ୍ଲକ୍ ଗୁଡ଼ଭେଲା, ପୁଇଁତଳା, ବଲାଙ୍ଗିର ସଦର, ଲୋଇସିଂହା ଓ ସଇଁତଳା ବ୍ଲକ୍ ବନ୍ୟାରେ ବେଶୀ ପ୍ରଭାବିତ ହୋଇଛି ।କ୍ଷୟକ୍ଷତିର ଆକଳନ ସହିତ ଲୋକଙ୍କୁ କ୍ଷତିପୁରଣ ଦେବାକୁ ଦାବି ହୋଇଛି ।…
{"id":144369}ସୁବର୍ଣ୍ଣପୁର ଜିଲ୍ଲାରେ ବନ୍ୟା ପରିସ୍ଥିତି ସଙ୍ଗୀନ ରହିଛି । ମହାନଦୀ, ତେଲନଦୀ, ସୁକତେଲ ନଦୀର ଜଳପତ୍ତନ ବଢିବା ସହ ସୃଷ୍ଟି ହୋଇଛି ବନ୍ୟା ସ୍ଥିତି । ବାହ୍ୟ ଜଗତରୁ ବିଛିନ୍ନ ହୋଇଯାଇଛି ତରଭା ବ୍ଲକ। ସୁବର୍ଣ୍ଣପୁର-ବଲାଙ୍ଗୀର NH-୫୭ ଘାଟ କଇଁତରା ପାଖରେ ପ୍ରାୟ ୩ ଫୁଟ ଉଚ୍ଚର ପାଣି ଚାଲୁଛି । ବୀରମହାରାଜପୁର ବ୍ଲକ ବାଉରୀ ନାଳ ଓ ଉଲୁଣ୍ଡା ବ୍ଲକର ହିକୁଡି ନାଳ ଉପରେ ୫ଫୁଟର ପାଣି ଚାଲୁଛି । ଖାରୀରୁ ମେଣ୍ଡା ରାସ୍ତାରେ ମଧ୍ୟ ୩ଫୁଟ ର ପାଣି ପ୍ରବାହିତ ହୋଇଛି ।
{"id":144370}ହଜାର ହଜାର ସେକ୍ଟର ଚାଷ ଜମିରେ ପାଣି ଜମି ରହିଛି । ହୀରାକୁଦ ଜଳଭଣ୍ଡାରରୁ ପାଣି ଛଡାଯାଇଥିବାରୁ ମହାନଦୀର ଜଳପତ୍ତନ ବୃଦ୍ଧି ହେବାର ସମ୍ଭାବନା ରହିଛି । ନଦୀ କୂଳରେ ଥିବା ଗାଁ ଲୋକେ ଆତଙ୍କିତ ହୋଇପଡିଛନ୍ତି । ବନ୍ୟା ସ୍ଥିତିର ମୁକାବିଲା ପାଇଁ ସଜାଗ ରହିଛି ପ୍ରଶାସନ । ୫ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବା ସହ ରନ୍ଧାଖାଦ୍ୟ ଦିଆଯାଉଛି । କୌଣସି ପରିସ୍ଥିତିର ମୁକାବିଲା ପାଇଁ ଏନଡିଆରଏଫ ସଜାଗ ଥିବା ଜିଲ୍ଲାପାଳ କହିଛନ୍ତି ।…
{"id":144372}ବରଗଡ଼ ଜିଲ୍ଲା ପାଇକମାଳରେ ଗତ ୨୪ ଘଣ୍ଟା ମଧ୍ୟରେ ୧୬୦ ମିଲିମିଟର ବର୍ଷା ହୋଇଛି । ନୃସିଂହନାଥ ପୀଠକୁ ଆସିଥିବା ବୋଲବମ ଭକ୍ତ ମାନେ ନାହିଁ ନ ଥିବା ହଇରାଣ ହୋଇଛନ୍ତି । ଜିଲ୍ଲାର କେତେକ ସ୍ଥାନରେ ଯୋଗାଯୋଗ ବିଚ୍ଛିନ୍ନ ହୋଇଛି । ସେପଟେ କନ୍ଧମାଳ ଜିଲ୍ଲାରେ ୨ ଦିନ ଧରି ଲଗାଣ ବର୍ଷା ଯୋଗୁଁ କୋଟଗଡ଼ ବ୍ଲକ୍ରେ ଅନେକ ସ୍ଥାନରେ ଘର ଭାଙ୍ଗିଯାଇଛି ।ବାଲିଗୁଡ଼ା ସହରରେ ମଧ୍ୟ ବର୍ଷା ଯୋଗୁଁ ସ୍ଥିତି ସଙ୍ଗୀନ ରହିଛି ।…
{"id":144373}ପଶ୍ଚିମ ଓଡିଶାରେ ବନ୍ୟା ସ୍ଥିତି ଗମ୍ଭୀର ରହିଥିବା ବେଳେ ୧୩୪ ବ୍ଲକର ସମୁଦାୟ ୨ଲକ୍ଷ ଲୋକ ପ୍ରଭାବିତ ହୋଇଛନ୍ତି । ପ୍ରାୟ ୫୦ ହଜାର ଲୋକଙ୍କୁ ସ୍ଥାନାନ୍ତରିତ କରାଯାଇଛି । ୧୨୪ଟି ରିଲିଫ କେନ୍ଦ୍ରରେ ଲୋକଙ୍କ ପାଇଁ ବ୍ୟବସ୍ଥା ହୋଇଛି । ୧୫ଟି ଓଡ୍ରାଫ ଓ ୩ଟି ଏନଡିଆରଏଫ ଟିମ୍ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛନ୍ତି ।
{"id":144374}୧୭ଟି ବ୍ଲକରେ ୧୦୦ରୁ ୨୦୦ ମିଲିମିଟର ବର୍ଷା ହୋଇଛି । ମରୁଡି ପରିସ୍ଥିତି ବଦଳିଛି । ମୋଟ ୮ଟି ଜିଲ୍ଲାରେ ଅଧିକା ବର୍ଷା ହୋଇଥିବା ବେଳେ ୧୫ଟି ଜିଲ୍ଲାରେ ସ୍ବାଭାବିକ ବର୍ଷା ହୋଇଛି । ୭ଟି ଜିଲ୍ଲାରେ ସ୍ବଭାବିକ ଠାରୁ କମ୍ ବର୍ଷା ହୋଇଥିବା ଏସଆରସି ବିଷ୍ଣୁପଦ ସେଠୀ ସୂଚନା ଦେଇଛନ୍ତି ।…
{"id":144375}ବର୍ଷା କମୁଥିବା ବେଳେ ଏବେ ଲୋକଙ୍କୁ ରିଲିଫ୍ ପ୍ରଦାନ ଏବଂ ଘରଭଙ୍ଗା ସହାୟତା ଯୋଗାଇ ଦିଆଯିବାକୁ ଦାବି ହୋଇଛି ।…