Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ବିସ୍‌ ଓପନ୍‌: ୧୯ ମାସ ଓ ୧୩ ଟୁର୍ଣ୍ଣାମେଣ୍ଟ ପରେ ଫାଇନାଲରେ ପହଞ୍ଚିଥିଲେ ସିନ୍ଧୁ, କ୍ୟାରୋଲିନାଙ୍କଠୁ ହାରିଲେ
  • ||
  • ସରିଲା ବିଜେପିର ଦୁଇ ଦିନିଆ ରାଜ୍ୟ କାର୍ଯ୍ୟକାରିଣୀ, ଗୃହୀତ ହେଲା ରାଜନୈତିକ ଚିଠା ପ୍ରସ୍ତାବ, ପ୍ରସ୍ତୁତ ହେଲା ରଣନୀତି
  • ||
  • ଭାରତ ଓ ଚୀନ୍ କେହି କାହା ଲାଗି ବିପଦ ନୁହେଁ, ପରସ୍ପରର ମିତ୍ର : ୱାଙ୍ଗ ଇ
  • ||
  • ଅନ୍ତର୍ଜାତୀୟ ମହିଳା ଦିବସ: ବର୍ଣ୍ଣାଢ଼୍ୟ ଉତ୍ସବ ‘ୱିମେନ୍ ଆଚିଭର୍ସ୍ ଅଫ୍ ଓଡ଼ିଶା’ରେ ରାଜ୍ୟର ସଫଳ ମହିଳାଙ୍କୁ ସମ୍ବର୍ଦ୍ଧନା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||

ବାତ୍ୟାପରେ ଏବେ ବନ୍ୟା ଆଶଂକା: ରାଜ୍ୟର ସବୁ ନଦୀରେ ବଢୁଛି ଜଳସ୍ତର, ମାଲକାନଗିରି ସ୍ଥିତି ଅଧିକ ଖରାପ

21/09/2018 at 6:23 PM

ଭୁବନେଶ୍ବର୨୧|୯: ଟଳିଲା ବାତ୍ୟା, ହେଲେ ବଢ଼ିଲା ଦୁର୍ଦ୍ଦଶା । ଘୂର୍ଣ୍ଣିଝଡ଼ ଡାଏ ପ୍ରଭାବରେ ଦକ୍ଷିଣ ଓ ଉତ୍ତର ଓଡ଼ିଶାରେ ବନ୍ୟା । ସବୁ ନଦୀର ଜଳସ୍ତର ବଢ଼ୁଛି । ଅଧିକାଂଶ ନଦୀର ଜଳସ୍ତର ବିପଦ ସଙ୍କେତ ଡେଇଁଲାଣି । କେଉଁଠି ରାସ୍ତା ଉପରେ ଅଣ୍ଟେ ପାଣି ତ କେଉଁଠି ଘର ବୁଡ଼ିଗଲାଣି । କିଛି ସ୍ଥାନରେ ଘରଦ୍ବାର ମଧ୍ୟ ଭାଙ୍ଗି ଯାଇଛି । ମାଲାକାନଗିରିର ହାଲ୍ ଦେଖି ହେଉନି ।

କାଲି ରାତିରୁ ଢୁ ଢୁ କୋରୁଛି ଯେ କୋରୁଛି । ଘୂର୍ଣ୍ଣିଝଡ଼ ଡାଏ, ସ୍ଥଳ ଭାଗ ଛୁଇଁବା ପରଠାରୁ ଦକ୍ଷିଣ ଓ ଉତ୍ତର ଓଡ଼ିଶାରେ ବର୍ଷା ଲାଗି ରହିଛି । ମାଲକାନଗିରିର ଯୁଆଡ଼େ ଚାହିଁବ ଖାଲି ପାଣି ଆଉ ପାଣି । ରାସ୍ତା ଉପରେ ପାଣି ଚାଲୁଛି, ଘରେ ଘରେ ପାଣି ପାଣି ପଶିଛି । ପୁଣି କିଛି ଲୋକଙ୍କ ଘର ମାଟିରେ ମିଶି ଯାଇଛି । କୋରୁକୋଣ୍ଡା, କାଲିମେଳା ଓ ମାଲକାନଗିରି ବ୍ଲକର ଶତାଧିକ ଗାଁ ଜଳମଗ୍ନ । ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛନ୍ତି ତମସା ଓ ପୋଟେରୁ ନଈକୂଳରେ ଥିବା ଗାଁ ଲୋକେ । ରାତି ଅଧରେ ହଠାତ୍ ମୂଷଳ ଧାରାରେ ବର୍ଷା ହେଲା । ଫଳରେ ଲୋକଙ୍କୁ କିଛି ବୁଦ୍ଧିବାଟ ଦିଶିଲାନି । ଅଧିକାଂଶ ଲୋକଙ୍କ ଗୋରୁଗାଈ, ଛେଳି ମେଣ୍ଢା ଭାସି ଯାଇଛନ୍ତି ।

ରାସ୍ତାଘାଟ ସବୁଠି ଚାଲୁଛି ପାଣି । ପୋଲ ଉପରେ ସୁ ସୁ ହୋଇ ଚାଲିଛି ବନ୍ୟାଜଳ । ବାଲିମେଳା ଜଳଭଣ୍ଡାରର ବିପଦ ସଙ୍କେତ ୧୫୧୬ ଫୁଟ ଥିବା ବେଳେ ତାହା ଟପି ସାରିଲାଣି । ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ଗୁରୁପ୍ରିୟା ସେତୁ ପ୍ରତି ବିପଦ ଥିବାରୁ ଜଳଭଣ୍ଡାରର ୪ଟି ଗେଟ୍ ଖୋଲାଯାଇଛି । କାଲିମେଳା ଓ ପଡ଼ିଆ ଅଞ୍ଚଳରେ ପାଣି ଘେରରେ ଫସିଥିବା ଲୋକଙ୍କୁ ପୋଲିସ୍ ଏବଂ ଓଡ୍ରାଫ୍ ଟିମ୍ ଉଦ୍ଧାର କରିଛନ୍ତି । ତଳିଆ ଅଞ୍ଚଳ ଦୋରାଗୁଡ଼ା, ଗୁଣ୍ଡାବେଡ଼ା ଓ ଚିତ୍ରକୋଣ୍ଡା ପଞ୍ଚାୟତର ଲୋକେ ସତର୍କ ରହିବାକୁ ପରାମର୍ଶ ଦିଆଯାଇଛି ।

 ବନ୍ୟାରେ ମାଲକାନଗିରି ସ୍ଥିତି ସଙ୍ଗୀନ ହୋଇ ପଡ଼ିଥିବା ବେଳେ ରାଜ୍ୟ ସରକାର ୭ ଦିନ ପାଇଁ ରିଲିଫ୍ ଘୋଷଣା କରିଛନ୍ତି । ରିଲିଫ୍ ସାମଗ୍ରୀ ସହ ବୟସ୍କଙ୍କ ପାଇଁ ଦିନକୁ ୬୦ ଓ ୧୨ ବର୍ଷରୁ କମ୍ ପିଲାଙ୍କ ପାଇଁ ଦିନକୁ ୪୫ ଟଙ୍କା ଲେଖାଏଁ ସହାୟତା ଦିଆଯିବ । ପରିସ୍ଥିତି ପାଇଁ ଆନ୍ଧ୍ରର ପୋଲାଭରମ୍ ପ୍ରକଳ୍ପକୁ ଦାୟୀ କରିଛନ୍ତି ସ୍ଥାନୀୟ ବିଧାୟକ ।

ବାଲେଶ୍ବରରେ ବି ବର୍ଷାର ତାଣ୍ଡବ । ଜଳକା ନଦୀର ଜଳସ୍ତର ବିପଦ ସଙ୍କେତ ଉପରେ ବହୁଥିବା ବେଳେ ଡେଞ୍ଜର ଲେବୁଲ୍ ପାଖାପାଖି ବୁଢ଼ାବଳଙ୍ଗର ସ୍ଥିତି । ସୁବର୍ଣ୍ଣରେଖାର ଜଳସ୍ତର ମଧ୍ୟ ବଢ଼ିଛି । ବାଲେଶ୍ବର ସହର ନିକଟବର୍ତ୍ତୀ ନୂଆପୁର, କେଶପୁର, କଶମିଳା ଏବଂ ଏକତାପୁର ଗାଁ ପାଣି ଘେରରେ ।

କୋରାପୁଟରେ ଲଗାଣ ବର୍ଷାର ପ୍ରଭାବ ଦେଖିବାକୁ ମିଳିଛି । ଉପର ମୁଣ୍ଡରେ ବର୍ଷା ଯୋଗୁଁ ଜିଲ୍ଲାରେ ବିଭିନ୍ନ ନଦୀର ଜଳସ୍ତର ବଢ଼ିବାରେ ଲାଗିଛି । କୋଲାବ୍ ଜଳଭଣ୍ଡାରର ଜଳସ୍ତର ବିପଦ ସଙ୍କେତ ପାଖାପାଖି ହେଲାଣି ।

ଲଗାଣ ବର୍ଷାରେ ଚିଲିକା ଅଶାନ୍ତ । ଢେଉ ମାଡ଼ରେ ସୁରକ୍ଷା ପ୍ରାଚୀରର କିଛି ସ୍ଥାନ ଭାଙ୍ଗି ଗଲାଣି । କିଛି ଗାଁ ଗଣ୍ଡାରେ ମଧ୍ୟ ପାଣି ପଶିଲାଣି । ଲୋକେ ପୂରା ଭୟଭୀତ । ଅରଖକୁଦା, ସାନ ପାଟଣା, ଗବକୁଣ୍ଡ, ମିର୍ଜାପୁର, ସିପକୁଦା, ଗଙ୍ଗାଧରପୁର ଆଦି ଗାଁ ବର୍ଷା ଓ ଝଡ଼ ପବନରେ ପ୍ରଭାବିତ ହୋଇଛି । ସେପଟେ ମୟୂରଭଞ୍ଜ ଉଦଳା ବ୍ଲକର ଅଧିକାଂଶ ଗାଁରେ ବନ୍ୟା ଜଳ ପଶିଛି । କାଳ, କଣ୍ଠାଳ ଓ ଗଙ୍ଗାଦ୍ବାର ନଦୀର ଜଳସ୍ତର ବଢିବାରେ ଲାଗିଛି । ଶିମିଳିପାଳ ଉପରମୁଣ୍ଡରେ ବର୍ଷା ଲାଗି ରହିଥିବାରୁ କାଳ ଏବଂ ସୋନ ଡ୍ୟାମର ଗୋଟିଏ ଲେଖାଏଁ ଗେଟେ ଖୋଲାଯାଇଛି ।

 ଘୂର୍ଣ୍ଣିଝଡ଼ ଡାଏ ଏବେ ଛତିଶଗଡ଼ ମୁହାଁ । କିନ୍ତୁ ଲଘୁଚାପ ପ୍ରଭାବରେ ରାଜ୍ୟର ଅଧିକାଂଶ ଜିଲ୍ଲାରେ ବର୍ଷା ଜାରି ରହିଛି । ମତ୍ସ୍ୟଜୀବୀମାନେ ସମୁଦ୍ର ଭିତରକୁ ନଯିବାକୁ ନିର୍ଦ୍ଦେଶ ଦିଆଯାଇଛି । ଆସନ୍ତାକାଲି କିଛି ସ୍ଥାନରେ ସ୍ବଳ୍ପ ବର୍ଷା ହେବା ସହ ପାଗ ମେଘୁଆ ରହିବ ।

ଗତ ୨୪ ଘଣ୍ଟା ଭିତରେ ମାଲକାନଗିରିରେ ସର୍ବ।ଧିକ ବର୍ଷା ରେକର୍ଡ଼ କରାଯାଇଛି । ରାଜ୍ୟର ୩୦ ଟି ବ୍ଲକରେ ଶହେରୁ ଅଧିକ ମିଲିମିଟର ବର୍ଷା ରେକର୍ଡ଼ କରାଯାଇଛି ।

   Related Posts