Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ଗଞ୍ଜାମ : ଋଷିକୁଲ୍ୟା, ଘୋଡାହାଡ, ବଡନଦୀ, ବାଘୁଆ, ଲହୁରାଖଣ୍ଡି ଓ ବାହୁଦା ନଦୀରେ ବନ୍ୟା ; ଭଂଜନଗର, ଆସିକା, ହିଂଜିଳି, ଚିକିଟି ଏବଂ ପାତ୍ରପୁର ସବୁ ଅଂଚଳ ଜଳମଗ୍ନ

12/10/2018 at 12:38 PM

ଗଞ୍ଜାମ ୧୨|୧୦:  ଲଗାଣ ବର୍ଷା ଯୋଗୁଁ ଗଂଜାମ ଜିଲ୍ଲାର ବିଭିନ୍ନ ନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି । ଋଷିକୁଲ୍ୟା, ଘୋଡାହାଡ, ବଡନଦୀ, ବାଘୁଆ, ଲହୁରାଖଣ୍ଡି ଓ ବାହୁଦା ନଦୀର ଜଳସ୍ତର ବୃଦ୍ଧି ପାଉଛି । ଋଷିକୁଲ୍ୟା ଓ ବଡନଦୀରେ ଜଳସ୍ତର ବୃଦ୍ଧି  ଓ ବର୍ଷା ଯୋଗୁଁ ଆସିକାରେ ବନ୍ୟା ଦେଖାଦେଇଛି । ଆସିକାର ସମସ୍ତ ଅଞ୍ଚଳ ଜଳମଗ୍ନ ହୋଇଛି । 

ଋଷିକୂଲ୍ୟା ନଦୀ ଓ ବଡ଼ନଦୀର ଜଳସ୍ତର ବଢିବା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ଗତ ରାତି ପ୍ରାୟ ୧୧ଟା ୩୦ ମିନିଟ ରେ ଜଳସ୍ତର ବଢିଥିଲା ।  ଜଳ ଆସିକା ସୁନାମ୍ବ ସାହି , ତହସିଲ ଅଫିସ, ବ୍ଲକ୍ ଅଫିସ, ଆସିକା ସବଜେଲ, ବାଣୀବିହାର, ମେଡ଼ିକାଲ ଅଞ୍ଚଳ, ଆସିକା ବସଷ୍ଟାଣ୍ଡ ସମେତ ଅନ୍ୟାନ୍ୟ ଅଞ୍ଚଳ ମଧ୍ୟ ଜଳବନ୍ଦୀରେ ରହିଛନ୍ତି ।  ଯୁଆଡେ ଯିବେ ଜଳବନ୍ଦୀ ଘେରରେ ରହିଛି ।

ଆସିକା ସୋରଡା, ଆସିକା ଭୁବନେଶ୍ବର, ଆସିକା ଭଞ୍ଜନଗର ପ୍ରମୁଖ ରାସ୍ତା ଜଳବନ୍ଦୀ ଯାତାୟତରେ ବ୍ୟାଘାତ ରହିଛି ।  ଆସିକା ସମେତ ଶେରଗଡ଼, କବିସୂର୍ଯ୍ୟନଗର ପ୍ରମୁଖ ଅଞ୍ଚଳ ମଧ୍ୟ ଜଳବନ୍ଦୀରେ ରହିଛି । ଅନେକ ବସ୍ତୀ ଅଞ୍ଚଳ ର ଲୋକମାନେ ନାହିଁ ନଥିବା ଅସୁବିଧାରେ ରହିଥିବା ବେଳେ ଆଉ କିଛି ଲୋକ ଆଶ୍ରୟସ୍ଥଳୀରେ ରହିଛନ୍ତି ।

ସେହିଭଳି ଭଂଜନଗର ଲୋହରାଖଣ୍ଡି ନଦୀରେ ବନ୍ୟାଯୋଗୁଁ ଭଂଜନଗରର ତଳିଆ ଅଂଚଳରେ ପାଣି ପଶିଯାଇଛି । ଲୋକଙ୍କ ଘରେ ପାଣି ପଶିଯାଇଛି । ଫଳରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି।

ଗଞ୍ଜମ ଜିଲ୍ଲାରେ ଲଗାଁ ବର୍ଷା ଜାରି ରହିଛି । ଋଷିକୁଲ୍ୟା ନଦୀର ଜଳସ୍ତର ବୃଦ୍ଧି ପାଉଛି । ଫଳରେ ପାଣି ଘେରରେ ଛତ୍ରପୁର ବ୍ଲକର ବଡମାଧପୁର, କୋଟଲାମପୁର, କରପଡା ପଞ୍ଚାୟତ ପାଣିଘେରରେ ରହିଛନ୍ତି। ଛତ୍ରପୁର-ବଡମାଧପୁର ଯୋଗାଯୋଗ ବିଚ୍ଛିନ୍ନ ହୋଇଛି। ପାଣି ଘେରରେ ଶତାଧିକ ଗାଁ ରହିଛି। ପୁରୁପୋତ୍ତମପୁର ବ୍ଲକରେ ମଧ୍ୟ ନାହିଁନଥିବା ପରିସ୍ଥିତି ସୃଷ୍ଟି ହୋଇଛି।

ଚିକିଟି ଏବଂ ପାତ୍ରପୁର ବ୍ଲକର ବଡବଳଙ୍ଗା, ମହିଷାନପୁର, ଭୀମପୁର, ଚାନ୍ଦିପୁଟ, ଲାଲମେଣ୍ଟା, ନୂଆପଡା, ସୁରୁବୁଡି ଗାଁରେ ପଶିଲା ପାଣି, ଆତଙ୍କିତ ଅବସ୍ଥାରେ ଲୋକେ ରହିଛନ୍ତି। ବାହୁଦା ନଦୀରେ ଜଳ ପ୍ରବାହିତ ହେବା ଫଳରେ ଓଡିଶା ଏବଂ ଆନ୍ଧ୍ରକୁ ସଂଯୋଗ କରୁଥିବା ଇଚ୍ଛାପୁର ନିକଟରେ ଥିବା ପୋଲ ଉପରେ ପାଣି ପ୍ରବାହିତ ହେଉଛି । ଫଳରେ ବ୍ରହ୍ମପୁରରୁ ଆନ୍ଧ୍ରକୁ ଯୋଗାଯୋଗ ବିଚ୍ଛିନ୍ନ

ପାତ୍ରପୁର, ସୁଡଙ୍ଗି, ପାରଳାଖେମୁଣ୍ଡିକୁ ଯାତାୟତ ବାଧାପ୍ରାପ୍ତ ହୋଇଛି।ବ୍ରହ୍ମପୁର-ରାୟଗଡା-ଗୁଣୁପୁର, ଆସ୍କା-ବ୍ରହ୍ମପୁର, ଚିକିଟି-ନୂଆପଡା, ପୁରୁଷୋତ୍ତମପୁର-ବ୍ରହ୍ମପୁର, ଭଞ୍ଜନଗର-ସୋରଡା ଯାତାୟତ ବାଧାପ୍ରାପ୍ତ ହୋଇଛି।

ହିଞ୍ଜିଳିକାଟୁର ଘୋଡାହାଡ ନଦୀରେ ବନ୍ୟାଜଳ ପ୍ରବାହିତ ହେବା ଫଳରେ ପିତ୍ତଳ, ନୂଆଗୁରୁପଡା, ସିକିରି, ଆଲିପୁର ପ୍ରମୁଖ ଖାଁରେ ଲୋକେ ଜଳବନ୍ଦୀ ହୋଇରହିଛି। ଜିଲ୍ଲା ପ୍ରଶାସନ ପକ୍ଷରୁ ଓଡ୍ରାଫ ଟିମ୍‌ ଓ ପୋଲିସ ସହାୟତାରେ ପାଖାପାଖି ୪ ହଜାର ଲୋକଙ୍କୁ ସ୍ଥାନାନ୍ତର କରାଯାଇଥିବା ଜଣାପଡିଛି।

   Related Posts