Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||
  • ଭୁବନେଶ୍ବର : STF ପଞ୍ଝାରେ ବ୍ରାଉନସୁଗାର ବେପାରୀ : ୧ କେଜି ୪୮ ଗ୍ରାମ୍ ଧଳାଜହର ଜବତ, ଜଣେ ଗିରଫ
  • ||

ବର୍ଷାରେ ବେହାଲ ମାୟାନଗରୀ : ଜନଜୀବନ ଅସ୍ତବ୍ୟସ୍ତ, ଜରୁରୀକାଳୀନ ପରିସ୍ଥିତି ପାଇଁ ୧୬ ଟି ଏନଡିଆରଏଫ ଟିମ ନିୟୋଜିତ

6/08/2020 at 11:34 AM

ମୁମ୍ବାଇ ୦୬/୦୮ : ମାୟନଗରୀ ମୁମ୍ବାଇରେ ଗତ କିଛି ଦିନ ହେଲା ଭୀଷଣ ବର୍ଷା ଲାଗି ରହିଛି | ଯାହାଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି | କରୋନା ପାଇଁ ଲୋକେ ଏତେ ହଇରାଣ ହରକତ ହେଉଥବା ସମୟରେ ପୁଣି ବର୍ଷା ଯୋଗୁଁ ଲୋକଙ୍କ ଅବସ୍ଥା ଆହୁରି ବିଗିଡ଼ିବାରେ ଲାଗିଛି | ରାସ୍ତାଘାଟ ପାଣିରେ ବୁଡି ରହିଛି | ଲୋକାଲ ଟ୍ରେନ ବନ୍ଦ ରହିଛି | ବୁଧବାର ଦିନ ଘଣ୍ଟା ପ୍ରତି ୧୦୭ କିମି ବେଗରେ ପବନ ବୋହୁଥିଲା | ଭାରତୀୟ ପାଣିପାଗ ବିଭାଗ କହିଛି ଯେ ମୁମ୍ବାଇ ଓ ଏହାର ଆଖପାଖ ଅଞ୍ଚଳରେ ଗୁରୁବାର ସକାଳ ପର୍ଯ୍ୟନ୍ତ ଭୀଷଣ ବର୍ଷା ଲାଗି ରହିବ | ପାଣିପାଗ ବିଭାଗ ଅନୁସାରେ ସମୁଦ୍ରରେ ଅପରାହ୍ନ ୧.୫୧ ସମୟରେ ହାଇଟାଇଡ ଆସିବାର ସମ୍ଭାବନା ରହିଛି | ଏହି ସମୟରେ ସମୁଦ୍ରରେ ୪.୩୩ ମିଟର ଉଚ୍ଚ ଜୁଆର ଉଠିବାର ସମ୍ଭାବନା ରହିଛି | 

ବର୍ଷା ଯୋଗୁଁ ଯେକୌଣସି ଜରୁରୀକାଳୀନ ପରିସ୍ଥିତି ପାଇଁ ମହାରାଷ୍ଟ୍ରରେ ୧୬ ଏନଡିଆରଏଫ ଟିମ ନିୟୋଜିତ କରାଯାଇଛି | ମୁମ୍ବାଇରେ ୫ଟି ଏନଡିଆରଏଫ ଟିମ ନିୟୋଜିତ କରାଯାଇଛି | ଏହାଛଡା କୋଲ୍ହାପୁରରେ ୪, ସାଙ୍ଗଲିରେ ୨, ସତାରା, ଥାନେ, ପାଲଘର, ନାଗପୁର ଓ ରାୟଗଢ଼ରେ ଗୋଟିଏ ଲେଖାଏଁ ଟିମ ନିୟୋଜିତ କରାଯାଇଛି | 

ବୁଧବାର ଦିନ ଭୀଷଣ ବର୍ଷା ଯୋଗୁଁ ରାୟଗଢ଼ ଜିଲ୍ଲାରେ ଜବାହାରଲାଲ ନେହରୁ ପୋର୍ଟ ଟ୍ରଷ୍ଟରେ ନିୟୋଜିତ ଉଚ୍ଚ କ୍ଷମତା ବିଶିଷ୍ଟ ୩ଟି କ୍ରେନ ପବନରେ ଓଲଟି ପଡିଥିଲା | ସକାଳ ସାଢେ ୮ଟା ରୁ ସନ୍ଧ୍ୟା ସାଢେ ୫ଟା ଯାଏଁ ଭୀଷଣ ବର୍ଷା ହୋଇଥିଲା | ମୁମ୍ବାଇ ମରିନ ଡ୍ରାଇଭ ଅଞ୍ଚଳରେ ଥିବା ଇସ୍ଲାମ ଜିମଖାନା, ପାର୍ସି ଜିମଖାନାର ଗ୍ରାଉଣ୍ଡରେ ପାଣି ଭର୍ତ୍ତି ହୋଇଯାଇଥିଲା | ଅଣ୍ଟା ଯାଏଁ ପାଣି ଭର୍ତ୍ତି ହୋଇଯାଇଥିଲା | ବହୁ ସଂଖ୍ୟାରେ ଗଛ ଭାଙ୍ଗି ଯାଇଛି | ଭୀଷଣ ବର୍ଷା ଯୋଗୁଁ ଜନଜୀବନ ପ୍ରଭାବିତ ହୋଇଛି | ଟ୍ରେନ ଓ ବସ ସେବା ମଧ୍ୟ ବାଧାପ୍ରାପ୍ତ ହୋଇଛି | ରେଳ ଧାରଣାରେ ପାଣି ଭର୍ତ୍ତି ହୋଇଯିବାରୁ ଲୋକାଲ ଟ୍ରେନରେ ଫସି ରହିଥିବା ୨୯୦ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା |

ବୁଧବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ସହିତ କଥାବାର୍ତ୍ତା କରି ବର୍ଷା ଯୋଗୁଁ ଉତ୍ପର୍ଣ୍ଣ ହୋଇଥିବା ସ୍ଥିତି ଉପରେ ଚର୍ଚ୍ଚା କରିଥିଲେ ଏବଂ ସବୁ ସମ୍ଭାବ୍ୟ ସାହାଯ୍ୟ କରିବାକୁ ଆଶ୍ୱାସନା ଦେଇଥିଲେ | 

   Related Posts