Wednesday, September 18, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଉତ୍ତର ଓଡ଼ିଶାରେ ଲାଗି ରହିଛି ବର୍ଷା: ବିଭିନ୍ନ ନଦୀର ଜଳସ୍ତର ବଢୁଛି, ବନ୍ୟା ଆଶଙ୍କା

ଭୁବନେଶ୍ବର୧୯|୮: ଉତ୍ତର ଓଡ଼ିଶାରେ ଲାଗି ରହିଛି ବର୍ଷା । ଫଳରେ ବିଭିନ୍ନ ନଦୀର ଜଳସ୍ତର ବଢୁଛି । ଜଳକା ନଦୀର ଜଳସ୍ତର ବିପଦ ସଂକେତ ଉପରେ ପ୍ରବାହିତ ହେଉଛି । ସେହିଭଳି ବ୍ରାହ୍ମଣୀ ଫୁଲିବ ଯୋଗୁଁ ରାଉରକେଲା ବାଲୁଘାଟରେ ପାଣି ପଶିଛି । ଫଳରେ ପାଣି ଘରରେ ୫୦ ପରିବାର ଅଛନ୍ତି । ଇବ୍‌ , ଶଙ୍ଖ, କୋଏଲ ଓ ବ୍ରାହ୍ମଣୀ ନଦୀର ଜଳପତ୍ତନ ବଢୁଛି । ଏବେ  ହୀରାକୁଦର ୧୪ଟି ଗେଟ୍‌ ଖୋଲା ରହିଥିବା ବେଳେ ମାଲକାନଗିରି ବାଲିମେଳା ଜଳ ଭଣ୍ଡାରର ଗୋଟିଏ ସୁଇସ୍‌ ଗେଟ୍‌ ଖୋଲା ଯାଇଛି।…

ଉତ୍ତର ଓଡ଼ିଶାରେ ବନ୍ୟା ଆଶଙ୍କା । ବଢିବାରେ ଲାଗିଛି ଉତ୍ତର ଓଡ଼ିଶାର ବିଭିନ୍ନ ନଦୀର ଜଳସ୍ତର । ମଥାନିଠାରେ ଜଳକା ନଦୀର ଜଳସ୍ତର ପାଖାପାଖି ଦେଢ ମିଟର ଉପରେ ପ୍ରବାହିତ ହେଉଛି । ଫଳରେ ରାସଗୋବିନ୍ଦପୁର, ମୋରଡା, ଶୁଳିଆପଦା, ଚିତ୍ରଡା ଅଞ୍ଚଳରେ ବନ୍ୟା ଜଳ ପ୍ରବେଶ କରିଛି । ବର୍ଷା ଲାଗି ରହିଲେ ନଦୀର ଜଳସ୍ତର ବଢ଼ିବା ସହ ବସ୍ତା ଓ ସଦର ବ୍ଲକ୍  ଅଧୀନ ୧୦ ପଞ୍ଚାୟତରେ ବନ୍ୟା ପରିସ୍ଥିତି ସୃଷ୍ଟି ହେବ ବୋଲି ଅନୁମାନ କରାଯାଉଛି । ସେହିପରି ବିଭିନ୍ନ ସ୍ଥାନରେ ମାଟି ଅତଡ଼ା ଖସୁଥିବା ଯୋଗୁ ନଦୀକୂଳବାସୀଙ୍କ ପାଇଁ ମୁଣ୍ଡବିନ୍ଧାର କାରଣ ହୋଇଛି ।

ଦୁଇ ଦିନ ଧରି ଲଗାଣ ବର୍ଷା ଯୋଗଁ ବ୍ରାହ୍ମଣୀ ଫୁଲିବା ସହ ରାଉରକେଲା ବାଲୁଘାଟ ନୂଆବସ୍ତିରେ ପାଣି ପଶିବାରୁ ୫୦ ପରିବାର ପାଣି ଘେରରେ ଅଛନ୍ତି । ଇବ୍, ଶଙ୍ଖ, କୋଏଲ ଓ ବ୍ରାହ୍ମଣୀ ନଦୀର ଜଳପତ୍ତନ ବଢୁଛି । ପ୍ରବଳ ବର୍ଷାରେ ଶଙ୍ଖ ନଦୀରେ ବନ୍ୟାଜଳ ଆସିବାରୁ କୁଆରମୁଣ୍ଡା ବ୍ଲକ୍ କୁନ୍ ମେଣ୍ଡ୍ରା ଗାଁ ବାହ୍ୟଜଗତରୁ ବିଚ୍ଛିନ୍ନ ହୋଇଛି । ହାତୀବାରୀ-ବେମତା ମାଇନ୍ସ ନାଳର ଆପ୍ରୋଚ୍ ରୋଡ ଧୋଇଯାଇ ବାରିବେଡା-ବେମତା ରାସ୍ତାରେ ଯୋଗଯୋଗ ବିଚ୍ଛିନ୍ନ ହୋଇଛି ।ଫଳରେ ଲୋକା ନାହିଁ ନଥିବାରୁ ଅସୁବିଧାର ସମ୍ମୁଖୀନ ହେଉଛନ୍ତି ।  

ସେପଟେ ଏବେ ହୀରୁକୁଦର ୧୪ ଟି ଗେଟ୍ ଖୋଲା ରହିଛି । ଜଳଭଣ୍ଡାର ମଧ୍ୟକୁ ସେକେଣ୍ଡରେ ୨ ଲକ୍ଷରୁ ଅଧିକ କ୍ୟୁସେକ୍ ଜଳ ପ୍ରବେଶ କରୁଛି । ଜଳଭଣ୍ଡାର ଜଳସ୍ତରକୁ ୬୧୯-୬୨୦ ଫୁଟ୍ ମଧ୍ୟରେ ସୀମିତ ରଖିବା ପାଇଁ ଗେଟ ଖୋଲାଯାଇଛି ।

ସେହିପରି ମାଲକାନଗିରି ବାଲିମେଳା ଜଳ ଭଣ୍ଡାରର ୪ ନମ୍ବର ସ୍ଲୁଇସ ଗେଟ୍ ଖୋଲାଯାଇଛି । ବର୍ତ୍ତମାନ ଜଳ ଭଣ୍ଡାରରୁ ପ୍ରତି ସେକେଣ୍ଡରେ ୬ହଜାର କ୍ୟୁସେକ୍‌ ଜଳ ନିଷ୍କାସନ ହେଉଛି । ବାଲିମେଳା ଜଳ ଭଣ୍ଡାରରେ ୧୫୧୪ ଫୁଟ ଜଳ ସଂରକ୍ଷଣ କରିବାର କ୍ଷମତା ରହିଥିବା ବେଳେ ଏବେ ୧୪୯୨  ଫୁଟ ଜଳ ରହିଛି । ହେଲେ ଆନ୍ଧ୍ର ପ୍ରଦେଶକୁ ପାଣିର ଆବଶ୍ୟକତା ଥିବାରୁ ଗୋଟିଏ ଗେଟ୍‌ ଖୋଲା ଯାଇଛି । …

124 Views

   ସମ୍ବନ୍ଧିତ ଖବର