Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

ବିମାନ ବନ୍ଦର ପ୍ରସ୍ତୁତ : ଗଡିଗଲାଣି ବର୍ଷ ବର୍ଷ ଉଡିଲାନି ବିମାନ

25/08/2019 at 6:23 PM

ରାଉରକେଲା ୨୫।୮- ୨୦୧୮ ଜୁନ୍‌ ୧୪ରେ ରାଉରକେଲା ବିମାନ ବନ୍ଦରରୁ ଉଡ଼ିଥାନ୍ତା ପ୍ରଥମ ବିମାନ। ଉଡ଼ାନ ଯୋଜନାରେ ପ୍ରଥମେ ରାଉରକେଲାରୁ-ଭୁବନେଶ୍ବର ପରେ ରାଉରକେଲା-କୋଲକାତା, ବିଧିବଦ୍ଧ ଭାବେ ତାରିଖ ଘୋଷଣା ହେଲା, ଅନ୍‌ ଲାଇନ୍‌ ଟିକେଟ ମଧ୍ୟ କରିଥିଲେ ଯାତ୍ରୀ। ୨୦୧୮ ଯାଇ ୨୦୧୯ ଅଗଷ୍ଟ ସରିଲାଣି କିନ୍ତୁ ଆଜି ପର୍ଯ୍ୟନ୍ତ ଉଡ଼ିପାରିଲାଣି ଉଡ଼ାରଜାହଜ। ଯାହାକୁ ନେଇ ରାଉରକେଲାବାସୀ ଅସନ୍ତୋଷ ପ୍ରକାଶ କରିଛନ୍ତି ।

ରାଉରକେଲା ବିମାନ ବନ୍ଦର ପ୍ରସ୍ତୁତ, ରନୱେ ପ୍ରସ୍ତୁତ, କର୍ମଚାରୀ ବି ପ୍ରସ୍ତୁତ । ହେଲେ ଉଡିଲାନି ବିମାନ । ଉଡ଼ାନ ଯୋଜନାରେ ୨୦୧୮ ଜୁନ ୧୪ ଯାତ୍ରୀବାହୀ ଉଡ଼ାଜାହାଜ ଉଡିଥାନ୍ତା । ରାଉରକେଲାରୁ  ଭୁବନେଶ୍ବର, ଉଡ଼ାଜାହାଜରେ ଯାଇଥାନ୍ତେ ରାଉରକେଲାବାସୀ । ସେଥତ୍ପାଇଁ ଅନଲାଇନରେ ଲୋକେ ଟିକଟ ମଧ୍ୟ  କାଟିସାରିଥିଲେ । ହେଲେ  ସବୁ ସ୍ବପ୍ନ  ସ୍ବପ୍ନରେ ରହିଗଲା। ରଉରକେଲାରୁ ଉଡ଼ାଜାହାଜରେ ବସି  ଉଡିପାରିଲେନି ରାଉରକେଲାବାସୀ । ଯାହକୁ ନେଇ ରାଉରକେଲାବାସୀ ଅସନ୍ତୋଷ ବ୍ୟକ୍ତ କରିବା ସହ ସରକାରଙ୍କୁ ଦାୟୀ କରିଛନ୍ତି । ରାଜ୍ୟ ଓ କେନ୍ଦ୍ର ସରକାରଙ୍କ ମଧ୍ୟରେ ସମନ୍ବୟ ଠିକ୍ ନଥିବାରୁ ରାଉରକେଲାରୁ ବିମାନ ଉଡିପାରୁନଥିବା ଅଭିଯୋଗ କରିଛନ୍ତି ।

 ରାଉରକେଲା ବିମାନ  ବନ୍ଦରରେ  ପୂର୍ବରୁ ବାଉଜର ସେଣ୍ଟର ବା  ରିଫିଲିଙ୍ଗ ଷ୍ଟେସନ ହୋଇସାରିଛି । ଯାହା ଉଡ଼ାଜାହାଜ ଉଡ଼ାଣ ପାଇଁ ସହାୟକ ହୋଇପାରିବ ।ପ୍ରଥମେ ୨୦୧୭ ସେପ୍ଟେମ୍ବରରୁ ରାଉରକେଲାରୁ ଭୁବନେଶ୍ବର,  ରାଉରକେଲାରୁ କଲିକତା ଯାତ୍ରୀବାହିୀ ଉଡ଼ାଜାହାଜ ଉଡିବାକୁ ନିଷ୍ପତ୍ତି ହୋଇଥିଲା । ପରେ ଏହି ତାରିଖକୁ ୨୦୧୮ ଜୁନ୍ ୧୪କୁ ଘୁଞ୍ଚାଗଲା । ତଥାପି ଉଡିପାରିଲାନି ବିମାନ ।ଏହା ଭିତରେ ଝାରସୁଗୁଡାରୁ ବିମାନ ଉଡାଣ ଭରିସାରିଛି । ଝାରସୁଗୁଡା ବିମାନ ବନ୍ଦର ଏୟାପୋର୍ଟ ଅଥରଟିର ମାଲିକାନାରେ ଥିବା ବେଳେ ରାଉରକେଲା ବିମାନ ବନ୍ଦର ସେଲ ଅଥରିଟି ମାଲିକାନାରେ ରହିଛି । ଉଭୟ ବିଭାଗ ମଧ୍ୟରେ ସମନ୍ୱୟର ଅଭାବ ଥିବାରୁ ଉଡ଼ାନ ଯୋଜନାରେ  ବିଳମ୍ବ ହେଉଛି । ସେପଟେ କିନ୍ତୁ ଖୁବ ଶୀଘ୍ର ରାଉରକେଲା ବିମାନ ବନ୍ଦରରୁ ବିମାନ ଉଡ଼ାଣ ଭରିବ ବୋଲି କହିଛନ୍ତି ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟ ।

ରାଉରକେଲାବାସୀଙ୍କ  ଆଶା ଆଶାରେ ରହିଯାଇଛି । କେବେ ସେମାନଙ୍କ ସ୍ବପ୍ନ ପୂରଣ ହେବ, ରାଉରକେଲାରୁ ଉଡାଜାହାଜ ଉଡିବ ତାହା ଦେଖିବାର କଥା ।

   Related Posts