ଝାରସୁଗୁଡା ୫|୬: ଆଜିଠାରୁ ଝାରସୁଗୁଡାରୁ ଭୁବନେଶ୍ବର ଓ ରାୟପୁରକୁ ଉଡିବ ବିମାନ।ଆଲିଆନସ ଏୟାର ପକ୍ଷରୁ ଚାଲିବ ବିମାନ । ଉଡାନ ୩ ଯୋଜନାରେ ଝାରସୁଗୁଡାରୁ ବିମାନସେବା ୨ ମାସ ତଳୁ ଦିଲ୍ଲୀ, କୋଲକାତା ଓ ହାଇଦ୍ରାବାଦକୁ ସ୍ପାଇସଜେଟ ପକ୍ଷରୁ ବିମାନ ଚଳାଚଳ ଆରମ୍ଭ ହୋଇସାରିଛି।
ଏୟାର ଅଥୋରିଟି ଇଣ୍ଡିଆ ପକ୍ଷରୁ ଗତ ଜୁନ ୧ ତାରିଖରୁ ଭୁବନେଶ୍ବର ଏବଂ ରାୟପୁରକୁ ବିମାନସେବା ଆରମ୍ଭ ହେବା ପାଇଁ ସମସ୍ତ ପ୍ରସ୍ତୁତି ସାରିଥିଲା । ଆନିର୍ବାର୍ଯ୍ୟ କାରଣ ପାଇଁ ଏହା ୫ ତାରିଖରୁ ଆରମ୍ଭ ହେବ ବୋଲି ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନବନ୍ଦର ନିର୍ଦ୍ଦେଶକ କହିଛନ୍ତି ।
ଖୁବଶୀଘ୍ର ବାଙ୍ଗାଲୁରୁ, ରାଞ୍ଚି ଓ ମୁମ୍ବାଇ ସମେତ ଦେଶର ଅନ୍ୟ ସ୍ଥାନକୁ ଝାରସୁଗୁଡାରୁ ବିମାନସେବା ଆରମ୍ଭ ହେବ । ଝାରସୁଗୁଡା ବିମାନବନ୍ଦର କାର୍ଯ୍ୟକ୍ଷମ ହେବା ପରେ ଏଠାରେ ହୋଟେଲରେ ଭଲ ବ୍ୟବସାୟ ହେଉଥିବା ହୋଟେଲ ଶିଳ୍ପ ପକ୍ଷରୁ କୁହାଯାଇଛି। ଅପରପକ୍ଷରେ ବିମାନ ଚଳାଚଳ ଯୋଗୁଁ ଝାରସୁଗୁଡାର ସାମଗ୍ରିକ ବିକାଶ ହୋଇ ପାରିବ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।